لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

گاه اولور اؤزومو اوشاقلار سایاق
اَزدیریب یاغیشدا قاچماغیم گلیر
قولومو قاناد تک توتوب بؤیرومه
گؤیلرده قوش کیمین اوچماغیم گلیر

دئییرم نه اولار اوشاقلیق سایاق
اوجوزلو قولچاقلا بیرده شاد اولام
چیینیمی آغریدان یاشام یوکوندن
نه اولار‌ نه اولار بیر  آزاد اولام

آردي

+0 به‌ین

گؤنده ريليب تاريخ چهارشنبه 6 خرداد 1394يازار بولاق

یئنه‌ده ساریلیب باشیم دومانا
یئنه گؤزلریمه بولودلار یئنیب
یئنه ده آپاریب سئل یاتاغیمی
یئنه قولاغیمدا آدین سسله‌نیب.

ایسته‌ییرم قاچام داها الیندن
آیاغیم باغلی‌دیر، قولوم باغلی‌دیر
بونلارین هامیسن آچیب قاچسامدا
سندن قاچماق اوچون، یولوم باغلی‌دیر.

آردي

+0 به‌ین

گؤنده ريليب تاريخ یکشنبه 3 خرداد 1394يازار بولاق

یئکه‌دن  جیققیلیا هاممی گئدیر دُنبالانا
گؤرورم بعضی‌لری جان‌دا وئریر
دُنبالانا

الده بیر طؤوله میخی هاممی گزیر یئرده جیریق
جیریغی گؤرمه‌غینن تئز باش اَییر
دُنبالانا

اؤزونه هاممی ییغیر آیریسینا یوخدو ییغان
چالیر هرکس بیر هاوا روضه دئییر
دُنبالانا

آردي

+0 به‌ین

گؤنده ريليب تاريخ سه شنبه 29 اردیبهشت 1394يازار بولاق

ایچیمده بیر اوت یانیر
توستوسو جانیمدادیر
بوغولدوم آللاه آمان
دامارلاریم قایناییر

ها سؤز گلیر دیلیمه
چاشیر گئدیر گؤزومه
بولاق اولور قاینییر
سوزور یاناقلاریمه

آردي

+0 به‌ین

گؤنده ريليب تاريخ جمعه 25 اردیبهشت 1394يازار بولاق

بیر حکیمین گنجلیک خاطره لریندن *

کئچن ایل تهران اونیورسیته سینین حکیملیک بؤلومونو قورتاران جوان حکیملریمیزین اونیورسیته نی قورتاریب و حکیملیک عنوانینی قازاندیقلاری مناسبتی ایله کئچیردیلن شنلیک چوخ تنتنه لی و گؤزل دوزنلنمیش ایدی. اونیورسیته نین کانتینی او گون تازا حکیملریمیزی و اونلارین گتیردیکلری قوناقلاری یئمگه قوناق ائیله میشدی. کانتینی بزه میشدیلر و گیریش قاپیسینین قارشیسینداکی دووارین یانیندا تاختادان، نئچه پیلله ایله چیخیلاجاق بیر صحنه قوروب اوستونو گؤزل خالچالارایله دؤشه میشدیلر. بو ایل حکیملیک عنوانینی قازانان گنجلریمیزدن بیرینجی، ایکینجی و اوچونجو اولانلارا بیر دسته گول ایله بیر دفترین آراسیندا بیر چک حاضیرلانمیشدی. اوچ ایلدن بری، سکسن بئش یاشیمی دولدورنجا امکلی (بازنشسته لیک) ده اولدوغوما قارشین، اونیورسیته نین ان یاشلی حکیمی اولدوغوم اوچون مکافاتلارین وئریلمه سی گؤره وینی( وظیفه سینی) منیم بوینوما قویموشدولار. فاکولته  باشقانینین قیسساجا تبریکله مه چیخیشیندان سونرا اوستادلاردان بیر نئچه سی ایله صحنه یه چیخیب و ساغدان سولا سیرایا دوزولدوک. منیم یئریم ان سونونجو اولمالی ایدی. مکافاتلاندیریلاجاق اوچ حکیم ساغداکی پیلله لردن چیخیب، اؤنجه اونیورسیته باشقانی و دکان (دانشکده رئیسی ایله)، سونرا دا اوستادلارین تک تکی ایله گؤروشوب، تشکرلرینی بیلدیردیکدن سونرا مکافاتلارینی آلماق اوچون ان سون منه چاتاجاق ایدیلر. مندن سونرا دوران گنج بیر خانیم ایسه  میزین اوستونه دوزولموش  و هر بیرینین اوستونده کیمه هدیه ائدیله جگی یازیلمیش اولان مکافاتلاری سیراسی ایله منه چاتدیراجاق ایدی. بئله تؤره ن و شنلیکلری چوخ کئچیرتمیش و بیر چوخ یئرده بوندان داها بؤیوک گؤره و لر گؤتورموش اولدوغوما قارشین ندنی نی بیلمه دیگیم بیر هؤووشنه وار ایدی ایچیمده. اوره گیم سئوینج ایله چیرپینیردی. گؤزومون اؤنونده بیر آیدینلیق وار ایدی. سانکی بو شنلیک مندن قیرخ- اللی یاش داها جوان اولان گنجلیرین یوخ، اؤزومون تازا حکیملیک عنوانی قازاندیغیم و موکافاتلاندیریلدیغیم گون ایدی. سئوینجیمدن یئریمده دورابیلمیردیم. دکانین تبریکله مه دانیشماسینین سونونو چتینلیک ایله گؤزله یه بیلدیم. اوبیری همکارلاریمین ایچیمده کی هؤووشنه می حس ائتمه مک لری اوچون اؤزومو کنترول ائتمه گه چالیشیردیم. آنجاق بیر اوشاق کیمی سئوینجیمدن هوررا چکیب، آتیلیب دوشمک ایسته ییردیم. سالونداکی حضار فاکولته دکانینین تبریکله مه چیخیشینی دینله ییب، آلقیشلارلا تشکر ائتدیکدن سونرا اونیورسیته باشقانی صحنه یه چیخدی و درینیندن چیخان بیر سس ایله سؤزه باشلادی:" ایندی فاکولته میزی بیرینجی لیک ایله قورتاران جوان حکیمیمیزی صحنه یه چاغیریریق." و گور سس ایله "خانم ریحان کوزه گران" دئیه سسلندی.

آردي

+0 به‌ین

گؤنده ريليب تاريخ پنجشنبه 24 اردیبهشت 1394يازار بولاق

آذربایجان ادبیات اوجاق‌لاری: «بولاق درنه‌یی» و «ایلقار مؤذن‌زاده»‌ایله موصاحیبه

 ایضاح:
آذربایجان ادبیات اوجاق‌لاری اؤلکه‌نین مختلف شهر و شهرجیک‌لرینده گونو گوندن شعله‌لنمه‌ده‌دیر. بو اوجاقلارین حرارتینده قیزینان بیر چوخ شاعر و یازیچیلاریمیز بو گون ادبی جمعیتیمیزین پارلاق سیمالارینا چئوریلیبدیرلر. عینی حالدا بو گون آذربایجان مدنیتی‌نین اینکیشاف یولونون بؤیوک بیر قیسمی بو درنک‌لردن کئچیر. بو درنک‌لرین بیر چوخو اوزون ایللردیر آذربایجان مدنیت بایراغینی قالدیراراق، ادبیات و مدنیتیمیزین گور اوجاقلارینا و اونلاری تشکیل و رهبرلیک ائده‌ن بیر چوخ صنعتکارلاریمیز آذربایجان مدنیتی‌نین سارسیلماز صنعت فدایی‌لرینه چئوریلیبدیرلر.
«ایشیق» – آذربایجان ادبیات و اینجه صنعت سایتی، اوخوجولارینی بو درنک‌لرین فعالیتلری‌ایله تانیش ائتمه‌یی اؤزونه مقصد گؤتورموشدور. بوندان اؤنجه تهراندا فعالیت گؤسترن «خدافرین درنه‌یی» و اونون رهبرلریندن اولان شاعر «عدالت امی(دومان)»لا موصاحیبه‌میز اولدو. بو دؤنه آذربایجانیمیزین تانینمیش درنک‌لریندن اولان خییوو شه‌هری‌نین «بولاق درنه‌یی”نین ادبی- مدنی فعالیتلری باره‌ده یازیچی «ایلقار مؤذن‌زاده»‌ایله دانیشیق آپارمیشیق.

آردي

+0 به‌ین

گؤنده ريليب تاريخ یکشنبه 20 اردیبهشت 1394يازار بولاق

ائله داریخمیشام ....

ائله داریخمیشام ائله دولموشام
اَینیمده دونومدا منله داریخیر
اللریم تیتره‌ییر آغلاییر گؤزوم
آدینی دئمه‌یه دیلیم کاریخیر

توم توتوب گؤزلریم دووار اوستونه
بو باخیش آراسی شکلینی چکیر
دانیشیب گولدوکجه اوز به اوز سنله
ایچیمده سنسیزلیک یاراسین اَکیر

آردي

+0 به‌ین

گؤنده ريليب تاريخ پنجشنبه 17 اردیبهشت 1394يازار بولاق

او قدرکی ائله ییبسن هامیا یار شوخلوق
یاز کیمین گوللو چیچکلی وئره‌جک بار شوخلوق

ائوین آباد ائلی گولدور کی دوداقلار گولمور
نه عجب هئچ زادیمیز اولماسادا وار شوخلوق

میللتین شیشه‌یه قانین توتانی سن سیندیر
ائله‌سین کئفلی جانین شوخلوغونان، زار شوخلوق

آردي

+0 به‌ین

گؤنده ريليب تاريخ سه شنبه 15 اردیبهشت 1394يازار بولاق

*** پنجره ***

هر سسیمه پنجره‌یه چیخاردی
بیر گون باخیب پنجره‌دن آغلادی
من باخدیقجا او دا منه باخاردی
منه باخان پنجره‌نی باغلادی

گولدانلاری ییغیشدیردی تاغچادان
پنجره‌نین پرده‌لری چکیلدی
داها اونا گول درمه‌دیم باغچادان
بنؤوشه‌لر دریلمه بوکولدو

آردي

+0 به‌ین

گؤنده ريليب تاريخ شنبه 12 اردیبهشت 1394يازار بولاق

شعر اوتورومو

بو هفته کی قوناقلار:

سایینلار روزبه صمدی، ائیواز عالی، وثوقی، علیرضا الفبایی...
بو گؤزل و خاطیره‌لی جلسه‌ده بوتون عضولارین شعر اوخونولماسی ایله باشلاییب و باشا چاتدی. قوناق اولان جلسه‌لرده، اوخونولان شعرلر اوزه‌رینده تنقید اولونمادیغینا گؤره، یالنیز شعرلر اوخونولدو.

آردي

+0 به‌ین

گؤنده ريليب تاريخ سه شنبه 1 اردیبهشت 1394يازار بولاق
1 | .. | 4 | 5 | 6 | 7 | 8 | .. | 37 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ