لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

دادائیزم

ایرمینجی عصرین ایلک ایرمی‌بئش‌ایلینده «تریستان تزارا» آدلی جاوانین چئوره‌سینده توپلانان بیر قروپ شاعیر؛ "دادا" سؤزجویونو، قورماق ایسته‌دیکلری آخیما آد اولاراق سئچمیش و داداییزمی قورموشلار. فرانسیزجا بیر سؤز اولان دادا، اوشاقلارین مینه‌رک اوینادیقلاری «آغاج پارچاسی، تاختا آت» معناسینی وئرر. نیظام‌سیز سؤز و تصویرلرین ایستیفاده ائدیلدییی بو آخیم، بیرینجی دونیا ساواشیندان گتیردییی داغیدیجی موحیط‌ده دوش قیریقلیغینا اوغرایان آیدین و هونرمندلرین بیر باشقالدیری‌سی اولاراق دوغولموشدور. بیر باشقا دئییشله ایکی دونیا ساواشی آراسیندا وارلیق گؤستره‌ن و جمعیتی کئی‌لیکدن قورتارماسینی گؤسته‌رن بیر حرکت‌دیر.

آردي

+0 به‌ین

گؤنده ريليب تاريخ سه شنبه 18 تیر 1398يازار بولاق
کؤچورو

مدرن کلمه‌سی دیلیمیزده "چاغداش" کلمه‌سیله قارشیلانمیش اولسادا "مدرن‌شعر" باغلامیندا "چاغداش" کلمه‌سینی ایشله‌ده بیلمه‌ریک. یانی مدرن شعر، چاغداش شعر دئمک دئییل‌دیر. مدرنیزم ۱۸۸۰-جی ایل ایکینجی دونیا ساواشی ایللرینه کیمی سورَن زامان ده‌ییشیک فورموندا سنّت‌دن بوتونلکله قوپماسینی ساغلاماق هدفی‌نن اورتایا چیخمیش، یئنیلیک‌چی دئییش‌لر، خارق‌العاده ارائه ائتمک تکنیک‌لری و تپ‌تزه سؤیله‌مه فورملاریلا یاراتما ائتکینلییینه یئنی بیر  نفس قازاندیرمیش بیر هونر کیمی‌دیر. مدرن شعر ده بو آخیما پارالئل(موازی) اولاراق، شعرده اورتایا چیخمیش آنلاییشلاری شامیل اولار. دادائیزم، فوتوریزم، سوررئالیزم، اکسپرسیونیزم کیمی آخیملار، مُدرنیست چرچیوه‌ده ده‌یرلندیریلیر

آردي

+0 به‌ین

گؤنده ريليب تاريخ سه شنبه 18 تیر 1398يازار بولاق

بولاق

شعرده دیله گتیریلن دویغو، دوشونجه و خیالا تئم دئییلیر. شعر بیر دوشونجه یازیسی اولمادیغی اوچون «تئم» سؤزجویوندن داها چوخ اثرده دیله گتیریلن دویغو و خیالی آنلامالیییق. شعرده تئم بعضاٌ بیر عشق، آیریلیق آجیسی، اؤلوم قورخوسو کیمی فردی دویغولار بعضاً ده باشقا اینسانلار اوچون کدرلرین ایشتیراک ائتدیی اجتماعی قونولاری دا داشیا بیلر.

دئمک، هر اثرین بیر یازیلیش مقصدی، چاتدیرماق ایسته‌دییی بیر مئساژ واردیر. اثرده چاتدیریلماق ایسته‌نن مئساژا "تئم" دئییلیر. شعرده داها چوخ دویغو و خیاللار ایشله‌نر؛ بیر شعرده سیخ اولاراق ایشله‌نن دویغولار و خیاللار شعرین تئمینی یارادیر. شعری یارادان هر بؤلومون بیر تئمی واردیر. بو تئملر بیرله‌شه‌رک شعرین آنا تئمینی یارادیر.


آردي

+0 به‌ین

گؤنده ريليب تاريخ سه شنبه 18 تیر 1398يازار بولاق

تورک ادبیاتیندا لاپ قیسا اؤیکولره مختلف آدلار دئییلیر. بو آدلار بونلاردان عیبارت‌دیر: مینیمال اؤیکو، چوخ قیسا اؤیکو، اؤیکوجوک، قیساقیسا اؤیکو، قیپ‌قیسا اؤیکو، سیخ اؤیکو، قیسا قورماجا، کیچیک اؤیکو، مینی اؤیکو، کیچیک اؤیکو، آنی اؤیکو، میکرو قورماجا، کیچیک اؤلچکلی اؤیکو، مثل، کیچیک اؤلچولو قورماجا، کیچیک اؤیکو و...

بونلار کیمی آدلاندیرمالارلا خاطیرلانان اؤیکو نوعوندا، ایلک اولاراق ۱۹۶۰-جی ایللرده، ریچارد براتیگان و ایسپئنجئر هولست کیمی یازارلار، اثرلر وئرمه‌یه باشلامیشلار. دونیالاشمانین‌دا تأثیرلی اولدوغو بو موددتده، کیچیک اؤیکو فست‌فود دئیه تعبیر ائدیله‌ن چاغین استهلاک آنلاییشینا اویغون بیر نؤوعدور.


آردي

+0 به‌ین

گؤنده ريليب تاريخ سه شنبه 18 تیر 1398يازار بولاق
دوشونجه زنگی

 بولاق


دویغو، دوشونجه و خیاللارین بیر دوزه‌نه باغلی قالاراق، تاثیر ائدیجی بیر دیل و اویوملو میصراعلار ایله آختاریلماسینا شعر دئییلمکده‌دیر. شعر، ادبیات ژانرلاری‌نین اَن اَسکی‌سی‌دیر‌. شعر اوچون بو گونه قدر اولان تانیملامالار مختلف دوره‌لرده، شخص‌دن شخصه و چاغدان چاغا ده‌ییشمیش، بئله‌لیکله قطعی بیرر تعریف اورتایا چیخمامیشدیر.  تور اولاراق، ذهنی اؤزه‌للیکلری اوستون گلیر. احمد هاشیم، "نثره چئوریلمه‌ین نظم" و جاهید سیتقی تارانجی دا "کلمه‌لرله گؤزل شکیللر یاراتما هونری‌دیر" شکلینده شعری تعریف ائتمیشدیر.


آردي

+0 به‌ین

گؤنده ريليب تاريخ سه شنبه 18 تیر 1398يازار بولاق
یازان: ایلقار موذن‌زاده

بو نقد ایلک دؤنه «بان» درگی‌سی‌نین دؤردونجو ساییسیندا یاییملانیبدیر.

شعر طبیعتین توصیفی و باهارین تعریف اولماسی‌نان باشلاییر. شعرین معنا قورولوشو و ظاهری مفهومونا باخساق، یاشام و حایات سیمگه‌سی اولان قادینا، میفیک و اسطوره‌وی بیر باخیش واردیر. شاعیر باهاری آغاجلارین بالاسی‌ کیمی توصیف ائدیر، قیشا ساریلان آغاجلار کیمی. ایلک سطیرده باهار توصیف اولدوقدان سونرا بیر قادیندان سؤز گئدیر.

آردي

+0 به‌ین

گؤنده ريليب تاريخ شنبه 15 تیر 1398يازار بولاق
سون زامانلار سایین سولماز تبریزلی (کیتابین ایچینده سحر بارانی) و سایین سعید موغانلی‌نین کؤچوروب حاضیرلادیغی ۸۳ صفحه‌لیک بیر رومانی اوخودوم. کیتاب، "آنار ریضا"نین "بؤیوک قورولتای" آدلی رومانی ایدی. اوخویوب قاباغا گئتدیکجه، رومانین نه قده‌ر گوجسوز اولدوغو قناعتینه چاتدیم و بونون بیر قاچیلماز نتیجه‌سی اولاراق ذهنیمه گلن بو دوشونجه ایله اوز اوزه گلدیم: نییه ادبیات ساحه‌میزده چالیشانلار بو قده‌ر واخت و سرمایه‌نی بیر ایشین اوستونه قویاندا اؤنجه‌دن اونو ایچه‌ریک و ادبی ده‌یرلر باخیمیندان آغیر سانبال ائله‌میرلر.

آردي

+0 به‌ین

گؤنده ريليب تاريخ چهارشنبه 12 تیر 1398يازار بولاق
چئویرن: اولکو تامئر
کؤچورن: بولاق

قوزغون

اورتاسیندا بیر گئجه‌نین، دوشونرکن یورغون، الده‌ن دوشموش
او عجاییب کیتابلاری، گون کئچدیکجه اونودولان،
هاراداسا مورگوله‌یرکن، بیر تیققیلتی گلدی بیردن،
اوتانجاق بیری‌دی سانکی یاواشجا قاپینی دؤیه‌ن؛
"بیر قوناق‌دیر" دئدیم، "اوتاق قاپیسینی دؤیه‌ن،
باشقا کیم گلیر بو زامان؟"

آردي

+0 به‌ین

گؤنده ريليب تاريخ شنبه 8 تیر 1398يازار بولاق
احمد عاریف کیمدیر؟ قیساجا حیاتی و ان گؤزل شعری

یازان: خدیجه بیچه‌ر
کؤچورن: ایلقار موذن‌زاده
 
دیپلومو دوغولدوغو یئر اولان دیاربکرده قورتاران احمد عاریف، آنکارا یونیوئرسیته‌سینده دیل و تاریخ- جوغرافیا فاکولته‌سی، فلسفه حیصصه‌سینده باشا چاتدیردی. ۱۹۲۷ دوغوملو اولان شاعیرین اصل آدی، «احمد اؤنال‌»دیر. تورکجه‌نی اَن یاخشی شکیلده قوللانان شاعیرلریمیزدن بیری اولاراق تانیان احمد عاریف، شعرلری‌نین چوخوندا ازیلَن و حاقسیزلیغا اوغرایان اینسانلاری اله آلدی. ضعیفین یانیندا دایاندیغی شعرلرینده اؤزونه خاص اوسلوبویلا، خیالپرست ائلئمئنت‌لری تعریفله‌دی.

آردي

+0 به‌ین

گؤنده ريليب تاريخ شنبه 1 تیر 1398يازار بولاق

خییوو اؤیکو یازارلاری بیر یئره توپلاندی.

خییوو اؤیکو یازارلاری یئنی دؤورونو باشلادیقلاری یارادیجی یازارلیق آتولیه‌سینین بیرینجی اوتوروموندا، "رویای خیاو" مؤسسه‌سینده بیر آرایا گلدیلر.
تزه‌جه آرامیزدان کؤچن دَیرلی شاعیر و یازار مهسا عبدالعلی‌زاده‌نین آنما تؤره‌نینه اختصاص وئریلن بو اوتورومدا، آذربایجانین بیر چوخ شهرلریندن تانینمیش شاعیر و یازارلار اشتراک ائتدیلر.
ایلقار مؤذن‌زاده‌نین مجری‌چیلیک ائتدییی تؤره‌نین دانیشان ایلک آدامی "رویای خیاو" مؤسسه‌سینین مودورو سید رضا موسوی اولدو. سونرا تانینمیش شاعیر نادیر الهی تریبون آرخاسینا کئچدی. سلیم زحمت دوست و بهمن خادم مسجد ده چیخیش ائدن و اؤز نؤوبه‌لرینده کؤچن شاعیرین حاققیندا اورک سؤزلرینی دیله گتیرن دانیشان‌لار اولدولار.

آردي

+0 به‌ین

گؤنده ريليب تاريخ شنبه 1 تیر 1398يازار بولاق
1 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ