لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

بولاق

شعرده دیله گتیریلن دویغو، دوشونجه و خیالا تئم دئییلیر. شعر بیر دوشونجه یازیسی اولمادیغی اوچون «تئم» سؤزجویوندن داها چوخ اثرده دیله گتیریلن دویغو و خیالی آنلامالیییق. شعرده تئم بعضاٌ بیر عشق، آیریلیق آجیسی، اؤلوم قورخوسو کیمی فردی دویغولار بعضاً ده باشقا اینسانلار اوچون کدرلرین ایشتیراک ائتدیی اجتماعی قونولاری دا داشیا بیلر.

دئمک، هر اثرین بیر یازیلیش مقصدی، چاتدیرماق ایسته‌دییی بیر مئساژ واردیر. اثرده چاتدیریلماق ایسته‌نن مئساژا "تئم" دئییلیر. شعرده داها چوخ دویغو و خیاللار ایشله‌نر؛ بیر شعرده سیخ اولاراق ایشله‌نن دویغولار و خیاللار شعرین تئمینی یارادیر. شعری یارادان هر بؤلومون بیر تئمی واردیر. بو تئملر بیرله‌شه‌رک شعرین آنا تئمینی یارادیر.

شعرده ایشله‌نن تئملر مجرّد بیر آنلاییش و یا دوشونجه‌دیر، بو مجرّد آنلاییشلار شعر دیشیندا دا واردیر. شعرله کانکرئت‌لشدیریلن تئمه ده «قونو» دئییلیر.

عینی تئمی ایشله‌ین بیردن چوخ شعر واردیر. آنجاق بعضی‌لری باشقالاریندان داها باشاریلی‌دیر؛ بونون سببی، تئمین ایشله‌نیش فورماسی‌دیر.

شعرده ایشله‌نن تئمین شعرین یازیلدیغی عصره و شاعیرله ایلیشکی‌سی واردیر.

 

تئم حاققیندا بیر اؤرنک:

 

سئویرم سنی

 

چؤره‌یی دوزا باتیریب یئیه‌ر کیمی

گئجه آتشلر ایچینده اویاناراق

آغیزیمی سؤیکه‌ییب سو شیریندن ایچه‌ر کیمی

آغیر مکتوب پاکئتینی

نه‌یین نَسی بَلیرسیز

تلاشلی، سئوینجلی، شوبهه‌لی آچار کیمی

سئویرم سنی

دنیزی ایلک دفعه اوچاقلا کئچر کیمی

ایستانبولدا یوموشاق قارالارکن اورتالیق

ایچیمده ترپه‌نن بیر شئیلر کیمی

سئویرم سنی

یاشاییریق چوخ شوکر دئیه‌ر کیمی.

 ناظیم حیکمت

تئم: ناظیم حیکمت، بو شعرینده عشقین اؤزو اوچون نه آنلام ایفاده ائتدییی، گونده‌لیک حیاتدان اؤرنک‌لر سئچه‌رک کانکرئتلشدیرمکده‌دیر. شاعیرین باخیش آچیسی‌لا عشق؛ ماراق، هیجان، احتیاج و حیاتا سئوینجی دئمکدیر.

+0 به‌ین

گؤنده ريليب تاريخ سه شنبه 18 تیر 1398يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ