لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

دونیا ادبیاتیندان قیسا حئکایه‌لر

حاضیرلایان: بولاق
چئویرن: رامیل احمد

خاویئر آلفارو کالوو
سئوگی‌نین زامانی

اینسان سئونده زامان دایانیر. صاباح ایکی ساعت بویونجا سنه باخدیم. دونن سنه داها چوخ باخا بیلمک اوچون اؤزومه ایکی علاوه گؤز آلاجاغام.


آردي

+0 به‌ین

گؤنده ريليب تاريخ شنبه 28 فروردین 1400يازار بولاق

بیر دفعه «نیو تایم» ژورنالی‌نین رئداکتورو «استیو موس» اَن قیسا حئکایه مسابقه‌سینی کئچیرمک ایسته‌دی. لاکین بو، داغینیق جمله‌لر دئییل، ۵۵ سؤزدن عبارت، سوژه‌لی، پئرسوناژلی و قفیل سونلو متنلر اولمالی‌ایدی. رئداک‌سییایا او قدر حکایه گؤندریلدی کی، اونلارین اَن یاخشیلاری «دونیانین اَن قیسا حئکایه‌لری» کیتابیندا توپلاندی. بیر نئچه‌سینی بوردا اوخویورسوز:

گؤروش (نیکول وئدل) 

تئلئفون زنگ چالدی. 
- آللو، - قادین پیچیلدادی. 
- ویکتورییا، منم. گل بو گون گئجه‌یاریسی گؤروشک. 
- یاخشی، عزیزیم. 
- خاهیش ائدیر‌م، اونوتما، اؤزونله شامپاین گؤتور. 
- گتیرر‌م، عزیزیم، من بو گئجه سنینله اولماق ایسته‌ییرم. 
- تلس، منی گؤزلتدیرمه! - کیشی دئدی و تلفونو قاپاتدی. 
قادین کؤکسونو اؤتوروب گولومسه‌دی: 
- گؤره‌سن، او قادین کیمدی ... 

آردي

+0 به‌ین

گؤنده ريليب تاريخ یکشنبه 21 دی 1399يازار بولاق
Larisa Kerklənd

تکلیف
اولدوزلو گئجه. موناسیب واخت. شام ایشیغیندا ناهار. راحات ایتالیان رستورانی. کیچیک قارا لیباس. گؤزل ساچلار، پارلاق گؤزلر، گوموشو گولوش. بیرگه ایکی ایل. اعلا واخت! صاف سئوگی، یاخجی دوست، باشقا هئچ کیم. شامپاین شارابی! او، اوره‌یینی تکلیف ائدیر. بیر دیزی اوسته. جماعت باخیر.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق

ایکی آلما
کؤچورن: جعفر باقریان

    آخشام واختلاری گزمه‌یه چیخاندا،هردن بیر بالاجا اوغلومودا یانیمجا آپاریرام .بو دؤنه‌ده آپاردیم. و ائله بالاجا اوغلوم ایله گزمه‌یه گئدنده ، هردن بیر اتفاق دوشوردو ،اونا یئمه‌لی شئی‌ده آلیردیم‌کی مندن راضی قالسین. بو دؤنه‌ده بالاجا اوغلوم دوکانلارا دوزولموش ناز-نعمتی گؤرنده مندن یئملی بیر شئی ایسته‌دی. من او عقیده‌ده دئییلم‌کی،هر دؤنه اوشقلا بازارا گئدنده اونا بیر شئی آلماق لازیمدیر و بوندا دئییرم کی ،هئچ بیر واخت آلماق لازیم دئییل. آنجاق بو دؤنه هئچ بیرزاد آلماق ایسته‌میردیم ،او ندنه گؤره‌کی جیبیمده پول یوخو ایدی.و بیرده ایسته‌مه‌‌دیم‌کی ،اوشاق هر دفعه بازارا چیخاندا دادامال اؤیره‌نسین.


آردي

+0 به‌ین

گؤنده ريليب تاريخ چهارشنبه 22 بهمن 1393يازار بولاق

قارانلیق آستا-آستا پنجره‌دن اوتاغیمین اورتاسینا اوزانیر. قالخیب میز اوستو چیراغیمی یاندیریرام.
هله آخشاما چوخ قالیر. گلیرم…گلیرم…گلیرم؛ قایالارین دیبینده، داش اوستونده اوتوردوغوم یئرده، اوتورورام.
بیریسی یاغیشین آغزینا پیچاق آتمیش دئیه‌سن، یاغیش کسیب. بلن‌لری، یاماجلاری بوروین چن، بولودلارا قاریشیب. گونش بولودلاری ایشقلاندیرمیش. سازین دا سسی کسیلیب. باشیمی یوخاری قالدیریب گوموشو دونقار قایالارا باخیرام.

آردي

+0 به‌ین

گؤنده ريليب تاريخ شنبه 11 بهمن 1393يازار بولاق

حیه‌طین قاپیسی آچیق ایدی اوزومو حیه‌طه ساری توتوب لوم-لوت اوزانمیشدیم!دامدا بیر پیشیک واریدی. من اوچون دووار سیناما پرده‌سی و پیشییین کؤلگه‌سی ایزله‌دیییم فیلم.! آیاغلاریمی یورغانین آلتیندان چیخارتمیشدیم شاید یئلین سویوقلوغون یانان اوره‌ییمه سوزدورلر.
»هایانا اوزانمیشام!؟ قبله‌یه ساری اوزادیب منی؟ یوخسا پیشییین کؤلگه‌سینه!» اؤز-اؤزومه دئییب کؤلگه‌یه دونوخوب باخدیم! پیشیکین کؤلگه‌سی بئله نظره گلیردی ائله‌بیل قویروغون الینه آلیب شاللاق کیمی توولاییر. بارماغینین اوجونو یاواش-یاواش بوینومدان سوزدوروب بئلیمده دوردوردی. حتمن «هاچان منن وارسان الینی گؤ**ومه ویرمیاجاخ سان» دئدیییم سؤز یادینا دوشموشدو!

آردي

+0 به‌ین

گؤنده ريليب تاريخ دوشنبه 6 بهمن 1393يازار بولاق

اؤلو

یازار:گی ده موپاسان

چئویرن: Kultura.az

كؤچورن: سید رضا حسینی

من اونو دلیجه سینه سئویردیم. بیز نیه سئویریك؟بو بویدا دونیادا یانلیز بیر نفری گؤرمك،بئینینده یانلیز بیر فیكرین اولماسی، اوره یینده بیر ایسته‌یین اولماسی دیلینده یانلیز بیر آدین اولماسی قریبه دئییلمی؟ بو آد بولاقدان سو سیزیر كیمی دایم اوره یینین ایچیندن دوداقلارینا قالخیر، سن اونو دوعا كیمی همیشه، هر یئرده، دورمادان تكرارلاییرسان، پیچیلداییرسان. حئكایه میزی دانیشمایاجاغام. محبّتین همیشه عئینی حئكایه سی اولور، ائله اودا تكرارلانیر. من اونو گؤردوم و سئودیم. واسّلام و بوتون ایل بویو اونون اینجه لییینین، قایغیسینین، نوازیشینین، باخیشلارینین، دانیشیغین تاثیرینده اولموشام، اوندان گلن هر شئیین اسیری ایدیم، باشیم ائله دومانلانمیشدی كی، گئجه، یوخسا گوندوز اولدوغونو، ساغ، یوخسا اؤلو اولدوغومو، كؤهنه دونیادا، یوخسا یئنی دونیادا یاشادیغیمی درك ائده بیلیردیم.

آردي

+0 به‌ین

گؤنده ريليب تاريخ شنبه 29 آذر 1393يازار بولاق

اوركده بوغولموش آرزولار

آنا، اوشاغین قولوندان چكه-چكه، كوچه‌دن ائوه آپارماق ایسته‌ییردی، قیزجیغاز ایسه، آغلایا- آغلایا، "منه دوندویما آل، من دوندویما ایستیرم!" دئییردی. آنا قونشولارین یانیندا اوزو قیزارا-قیزارا اوشاغی ائوه آپاردی. چورویوب پاسلانمیش قاپینی ایشیلله‌ییب، حیطه گیردیلر.
اوشاغین آغلاماق سسی ائوی آلتینا آلمیشدی. اوشاق حیطده قالیب گؤز یاشلاری اونون تكجه یولداشی اولدو.

آردي

+0 به‌ین

گؤنده ريليب تاريخ دوشنبه 17 آذر 1393يازار بولاق

1372-جی ایل، آبان آیینین 26-سیندا دونیایا گلیب. اوشاقلیقدان هونری و هونر سئور بیر عائیله‌ده بؤیودویونه گؤره ادبیاتلا ایلگی‌له‌نیب. 16 یاشیندان ایلك اؤنجه شعرله ادبیاتی باشلاییب، ایندیسه چوخلو نثر و اؤیكو ساحه‌سینده چالیشیب، مهندسی‌صنایع ریشته‌سینده تحصیل آلماقدادیر. آشاغیدا اوخویاجاغیز اؤیكو حامیدین اوچونجو توركجه یازدیغی اؤیكوسودور.

بونو دا آرتیراق كی بو گون حامیدین دوغوم گونودور :)

بو گونو تبریك دئیه‌رك سیزی اؤیكوسونو اوخوماغا دعوت ائدیریك


- سعید دئیرم ذهنونده سوژه یوخدی؟
- نه سوژه سی؟
- داستان یازماغا. یامان یازماغیم گلیر
- دوزدن؟ هاروننان گلیر؟
- ساریما دوزدن دئیرم. ایستیرم بی داستان یازام ٬ آنجاق موضوعین تاپبیرام.
- یاراتدیغووا شوكر الله ٬‌عیززت و جلالووه شوكر ٬ گئده بی شئی تاپ اوتیر یاز دای
- قانمیسان یا اؤزو ویریبسان قانمامازدیغا؟
- اده سن ساریبسانه. آدامین اول ذئهنینه بی شئی گلر سورا اوتیرار آدام بالاسی كیمی یازار
- بابا منه چتینی اوولیدی. من موضوع تاپسام اوتیریب یازارام.
- هه سنده ساعاتین عقربه لری برعكس تولانیر. اول یازماغون گلیر سورا موضوع گزیسن.
- ایسته‌مه‌دیم هئچ. ساغول

آردي

+0 به‌ین

گؤنده ريليب تاريخ دوشنبه 26 آبان 1393يازار بولاق

سیز تانریسینیزمی؟ (حیكایه‌جیك)

بایرام گئجه‌سی ایدی. هاوا قارلی و چوخ سویوق ایدی. اوغلان‌جیغاز، یالین آیاقلارینی، قالدیریمین اوستونده‌كی قارلارین سویوغو لاپ آز اینجیتسین دئیه ترپه‌دیردی. اؤزونو ساتیش‌یئری‌نین شوشه‌سینه یاپیشدیریب ایچه‌ری باخیردی. باخیش‌لاریندا بیرزادلار دالغالانیردی. ائله‌بیل، باخیش‌لاری ایله الینده اولمایانلاری تانری‌دان ایسته‌ییردی.ائله‌بیل گؤزله‌ری ایله آرزی ائدیردی.

آردي

+0 به‌ین

گؤنده ريليب تاريخ شنبه 24 آبان 1393يازار بولاق
1 | 2 | 3 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ