Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
اعتراض و ادبیات
گونئی آفریقادا «پره‌توریا رژیمی» 1973 دن 1979 ایللرینه کیمی، «آندره بریک»ین کیتابلارینا یاییلماق مجوزینی وئرمیردی. نییه کی آندره بریک گونئی آفریقانین نژادپرستلیک سیاستلرینه گؤره اعتیراض ائدیردی. بئله‌لیکله آندره بریک یازماماق قرارینا گلمیشدی.
بریک نیوزویک مجله‌سی ایله دانیشیقدا بئله دئییر:
گونئی آفریقانین پریزیدنتی(دوکلرک) آغ دریلی‌لر استعمارینا سون قویماغا سؤز وئرسه‌ده، بو ایشی گؤرمه‌یه اولان چیخار اوندا یوخدور. برینک سونرا «گونئی آفریقا کیمی اؤلکه‌ده بیر یازیچی‌نین نه رولو وار» سورغوسونو بئله جاوابلاییر:
هئچ بیر جامیعه‌ده یازارین بللی بیر رولونون اولماسینی دوشونمورم من. هر بیر یازیچی‌نین گؤره بیله‌جه‌یی ایش، اونون گؤیلونه قارشی ایره‌لی‌له‌ین بیر جامیعه ایله اوزلشمکدیر. بو سؤز بو آنلامدا دئییل کی یازیچی مئیداندا چیخیش ائدن بیر ساواشچی اولسون، نییه کی ادبییاتی تبلیغات قدر آلچالدا بیلر. من آپارتایدین حاققیندا یازیرامسا، منیم گونده‌لیک خصوصی و شخصی یاشامیما تاثیر قویدوغونا گؤره‌دیر.
منیم بو اؤلکه‌ده یاشاماغیم بو حقیقتی قبول ائتمکدیرکی، دائماً امنیت پولیسی‌نین نظارتی آلتیندایام. منیم بوتون پستلا گؤندردیییم نامه‌لر آچیلیب اوخونور. تلفونوم کنترل اولور. ائشییه چیخاندا، تعقیب اولوندوغومدان تام خبریم وار. حتتا بیر نئچه سئری اؤلکه‌دن ائشییه چیخاندادا تعقیب آلتیندا ایدیم.
نیوزویک رئپورتاژچیسی، «بس نییه بو شراییطده کی یاشاماغا داوام وئریرسیز» سورغوسونا بئله جاواب وئریر:
میلادی ایلین مین‌دوققوزیوز آلتمیش‌سکگیزینده، پاریسده همشه‌لیک اولاراق یاشاماق تصمیمینی توتدوغوم زامانا قاییدیر. آلتی‌مین مایل اؤلکه‌مدن اوزاق دینج بیر انزوا ایچینده یازارلیغا داوام وئرسم ده، یازماق ایشی من اوچون تفریح هئچ بیر شئی اولمایاجاقدیر. آمما اوردا محرومیت و خطرلر ایچینده یاشاماقدا، هر آن اؤز مسئولییتیمی آنالیز ائدیردیم.
سونرا باشقا سوال کی «سیزین یازیلاریز آغ دریلی‌لرین فیکرینی ده‌ییشدیره بیلیبمی سیزجه؟» سورغوسونو سوروشور
برینک بئله جاوابلاییر:
«رئال دوشونمک لازیمدیر» جاوابلاییر. بیر رومان آپارتایدا سون وئره بیلمز. بوتون رومانلاری دا توپلاسان بو ایشی گؤره بیلمز، آمما لاپ گؤونمه‌لی مساله و من قازاندیغیم تجربه‌لر بونو دئییر: «اؤیکولر میللتین باخیشینین ده‌ییشیلمه‌سینه سبب اولا بیلر». آغ دریلی‌لر کیتابلاریمی اوخودوقدا بو نتیجهیه چاتمیشمیشلار کی قارا دریلی‌لر ده اینساندیر.
دؤولتین سانسور مساله‌سینه نظریز ندیر؟
دؤولت اون ایل شیددتلی سرکوبدان سونرا بو نتیجهیه چاتدی کی، سانسورون دؤولت اوچون ضرر زیاندان سونرا هئچ فایداسی یوخدور. ایندی کی دورومدا دؤولت اؤیکونو اؤزونه خطرلی بیلمیر. فهله‌لر اتحادییه‌سی ایله خالق حرکتلری او قدر دؤولتی تهدید ائدیر کی، ایندی ادبیاتین تهدیدی کؤلگه‌ده قالیب.
مجله ادبستان-ادبیات داستانی در افریقای جنوبی سلاحی برای مبارزه-مصاحبه شونده: آندره برینک-بهمن 1368 - شماره 2 (1 صفحه - از 31 تا 31)
بولاق
0باخيش