Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
بولاق درنه‌یی‌نین «رضا حسینی» جینابلاری ایله دانیشیغی
ادبی درنکلرین شعر و ادبیاتین گلیشمه‌سینده دانیلماز بیر رولو اولدوغونو هامیمیز یاخجی بیلیریک. بو اساسدا آذربایجان ادبیاتی محوریتینده چالیشان درنکلر و بو درنکلری دولاندیران یؤنتمن‌لرله دانیشیقلاریمیز اولاجاق. بو دانیشیقلاردا درنکلرین نئجه قورولوب، هانسی ساحه‌لرده چالیشماسیندان، قارشیلاریندا یارانان موشکوللر، درنکلرین گلیشمه‌مه‌سینده اولان پاتولوژیک اینجه‌له‌مه‌لر، هانسی یولدا گئتمه‌لری، ادبیاتیمیزین دیرچه‌لمه‌سی اوغروندا بئینیمیزده چیزدیییمیز پیلانلار و بونلار کیمی سؤزلر و سورغولار سؤز قونوسو اولاجاق. بو بؤلومده مرند شهرینده قورولان درنکله تانیش اولاجاغیق.
1- سایین حسینی؛ نئچه واخت اولار کی مرند شهری‌نین درنه‌یینی دولاندیریرسینیز؟ سیزدن قاباق کیملر بو ایشی گؤروب و درنک نئچه واختدیر چالیشیر؟
ادبی درنکلرین شعر و ادبیاتین گلیشمه‌سینده دانیلماز بیر رولو اولدوغونو هامیمیز یاخجی بیلیریک. بو اساسدا آذربایجان ادبیاتی محوریتینده چالیشان درنکلر و بو درنکلری دولاندیران یؤنتمن‌لرله دانیشیقلاریمیز اولاجاق. بو دانیشیقلاردا درنکلرین نئجه قورولوب، هانسی ساحه‌لرده چالیشماسیندان، قارشیلاریندا یارانان موشکوللر، درنکلرین گلیشمه‌مه‌سینده اولان پاتولوژیک اینجه‌له‌مه‌لر، هانسی یولدا گئتمه‌لری، ادبیاتیمیزین دیرچه‌لمه‌سی اوغروندا بئینیمیزده چیزدیییمیز پیلانلار و بونلار کیمی سؤزلر و سورغولار سؤز قونوسو اولاجاق. بو بؤلومده مرند شهرینده قورولان درنکله تانیش اولاجاغیق.
1- سایین حسینی؛ نئچه واخت اولار کی مرند شهری‌نین درنه‌یینی دولاندیریرسینیز؟ سیزدن قاباق کیملر بو ایشی گؤروب و درنک نئچه واختدیر چالیشیر؟
1398جی ایلین مرداد آیینین 19 دا درنه‌ییمیزین ایلک جلسه‌سی قورولدو. یولداش‌لارلا بیر آرایا گلیب بو ایشی گؤرمه‌یه سؤز وئردیک. مرند شهرینده بیر نئچه شعر درنه‌یی اولسادا، آنجاق حیکایه‌نین اؤزل درنه‌یی اولمامیشدیر. بیز حیکایه‌لریمیزی آرا سیرا شعر درنک‌لرینده اوخویوردوق. آمما او درنکلرده یئترینجه زامان آییرماق اولموردو. بو اوزدن اؤزل درنه‌یین بوشلوغو چوخ گؤرونوردو. بو بوشلوغو دولدورماق ایسته‌دیک. قیسا زامانین ایچینده بیز چوخلو یئنی یازارلارلا تانیش اولدوق. بو گؤستریر بو بوشلوق دوغرودان وارایمیش. یولداش‌لار بو ایشی گؤرمه‌یه اورکدن چالیشدی‌لار. اللریندن گله‌نی اسیرگه‌مه‌دی‌لر.
2. بو درنک ده نئجه باشلاییب ایندییه قدر هانسی ایشلری قاباغا آپارماغا چالیشیب‌سینیز؟
بو درنک بیر تلگرام گروهوندان باشلادی. اورادا هر هفته بیر یازینی پایلاشیب، اونا گؤره دانیشیق آپاریردیق. قیسا زاماندان سونرا مرندین ایلک حیکایه درنه‌یین قورولماسینا دوشوندوک. اوز اوزه گلدییمیز ایلک سورون، جلسه‌لرین هاردا قورولماسی‌ایدی. چوخ دوشونوب داشیناندان سونرا پیمان عالیباف جینابلاری اَلیمیزدن توتدو. آچیق کؤنوللوکله اؤز موسیقی آموزشگاهینی بیزیم ایختیاریمیزا قویدو. ایلک جلسه‌میز چوخ گوجلو باشلادی. سانکی بو شهرده چوخلاری بو درنه‌یی گؤزله‌ییرمیش. نثر یازان‌لاری اؤزونه ساری چکدی. ایلک گوندن بیزه اؤنملی اولان مرندین یازارلارینا دَیر وئریب، اونلاری یازماغا آلقیشلاماق‌ایدی. هر هفته اؤنجه‌دن درنه‌یین بیر یازاریندان صفحه‌میزده بیر یازی پایلاشیب، سونرا جلسه‌ده اونا گؤره دانیشیریق. نئچه هفته‌دن بیر اؤز شهریمیزدن یوخسا آیری شهرلردن قوناغیمیز اولور. فرقیلی دوشونجه‌لری ائشیدیب، فایدالانماغا چوخ ماراقلی‌ایق. بیر نئچه گونه درنه‌ییمیزن کیتاب‌خاناسی دا قورولاجاق. و بو اؤزلویونده یئنی و دیرلی ایشدیر.
کیتاب تانیتیمی، حیکایه یازماق قوراللاری‌نا گؤره بیلگی وئرمک و... درنه‌یین قیسا زامانین ایچینده گؤردویو ایش‌لردندیر. بو قیسا زامانین ایچینده بیر ایمضا تؤره‌نی‌ده اولموشدور. یحیی آلیلو جیناب‌لارینین "سون دیلک" رومانینین ایمضا تؤره‌نی.
گله‌جه‌یه چوخلو فیکیرلریمیز وار: دونیا اثرلریندن سئچیب درنکده اوخوماق- درنه‌ییمیزده اؤنجه‌دن بیر قونو بللی ائدیب هامینی یازماغا آلقیشلاماق – حیکایه یاریشماسی – فولکلور ناغیل‌لاریمیزی تانیتدیریب و بیر نفرین طرفیندن او ناغیلین دئییلمه‌سی و...
3. سیزجه درنکلرده اولان هانسی موشکوللر اونلارین داغیلماسی یوخسا چیچکلنمه‌سینه سبب اولور؟
درنک ایشینی جدی توتمالییق. بیر ادبی درنک باشقا ایشلره تایدیر، اونا واخت آییرماساق پوزولوب آرادان گئده‌جک. تاسفله ادبیاتا جدی باخیشیمیز یوخدور. اونا بیر اَیلنجه کیمی باخیریق. من دئمیرم ایشیمیزی گوجوموزو بوراخیب ادبیات قونوسوندا چالیشاق. ایندیکی دورومدا هئچ عقله باتان سؤز دئییل، آنجاق ایندیکی باخیشیمیزدا دوز دئییل. درنکلرین باشلانیش‌لاری چوخ زامان گوجلو اولور، آنجاق قیسا زاماندان سونرا سوزالیب آرادان گئدیر. ایشی های کویله باشلاییب سونرا اؤز حالینا بوراخماق، بیزلره عادت اولوربدور. بیز هئچ زامان یولون دوامینا دوشونموروک. باشلامادان، بیتیریک. دواملی ایش‌لر بیزلرده چوخ آز اولور. هونر ساحسینده ده کی بو دوروم هامیسیندان برباد دی!
آیری آچیدان باخیرساق، ادبیاتدا اَلی بوش اولدوغوموز بیر بؤیوک ندندیر درنکلرین گوجسوز اولماسینا. آز کیتاب اوخویوروق، اونا گؤره‌ده یازا بیلیمریک. یازاندادا یاخچی یازا بیلمیریک. بئله‌ایسه درنک‌لره قاتیلیب، چالیشماغادا ماراقلی دئییلیک. بیر درنه‌یین اؤیه‌لرینین ساوادسیز اولدوغو اونو گوجدن سالیر. داها اوردا اولان دانیشیقلاردا گوجلو اولا بیلمز. و بونلار هامیسی ال-اله وئریب بیر درنه‌یی آشاغی چکیر. بیرده بیزیم درنکلرده اولان سایاق چیکیجی دئییل. بیز درنک‌لریمیزی ائله قدیم سایاق دولاندیریریق.
ایقتیصادی سورون‌لارین‌دا اؤز یئرلری واردیر. هونر ساحه‌سینده ایقتیصاد مسئله‌سی همیشه ایشی آخسادیب. میلتین فیکری پول قازانماقلا قاریشاراق، داها ادبیاتا واختلاری چاتمیر.
4. نئجه ائلییه بیلریک بیر جمعی روح یارادیب ادبیاتین پارلاماسی، باشدا اولان شعر و اؤیکوموزون گلیشمه‌سینه شاهید اولاق؟
منجه
بیز گرک یئنی نسلی آرایا گتیرک. بیزیم درنکلر یئنی نسلی‌ایله ایلگله‌نه
بیلیمر. درنکلر یئنی نسله چکیجی دئییل. ساده ایشلرله ائله‌یه بیلریک
درنک‌لریمیزی گلیشدیرک. تکجه شعر اوخویوب، بوش-بوشونا آلقیشلاییریق!
یازی‌لاریمیزا واخت آییرمالییق، تنقید آپارمالی‌ییق و...
کیتاب تانیدیریب، اوخوماغا آلقیشلاماق بیر درنه‌یین بیلینجینی یوکسلدیب اونون دایازلیقدان قورتاریر. هر جلسه بیر کیتاب تانیدیرماغا نه گلیب؟ کیتاب اوخودوقجا دانیشیغا سؤزوموز چوخالیر. بئله‌لیکله جلسه‌نین دانیشیقلاری دا گوجلو قاباغا گئدیر. گرک ساوادسیز اولدوغوموزو بوینوموزا آلاق. بونو قبول ائله‌دیکدن سونرا ایشیمیز باشلانیر. نه یازیق چوخوموز بونو قبول ائدمیریک!
بیزیم درنکلرده کؤهنه بئیینلیک و سالمند سالاری آت چاپدیریر. یولوموزو بیر یوللوق بونلاردان آییرمالییق. بونلار ایش گؤرن اولساایدیلار ایندیه‌دک گؤرموشدولر. اؤزوموزه اونلاردان آییریب یئنی بیر یول باشلامالی‌ایق.
اینترنت دونیاسیندا حرفه‌ای چالیشمالییق. درنه‌یه بیر پئیج آچیب نئچه آی سونرا بوراخمایاق. بو بیزیم اوچون بیر آراجدیر. صباحی درنه‌یی باشاردیقجا بو آراجدان یارارلانیر. ائله بو اوزدن مرندیده تانیمادیغیمیز یازارلارلا تانیش اولوروق. و بو بیزیم اوچون اَن بویوک قازانج‌دیر.
کیتاب تانیدیریب، اوخوماغا آلقیشلاماق بیر درنه‌یین بیلینجینی یوکسلدیب اونون دایازلیقدان قورتاریر. هر جلسه بیر کیتاب تانیدیرماغا نه گلیب؟ کیتاب اوخودوقجا دانیشیغا سؤزوموز چوخالیر. بئله‌لیکله جلسه‌نین دانیشیقلاری دا گوجلو قاباغا گئدیر. گرک ساوادسیز اولدوغوموزو بوینوموزا آلاق. بونو قبول ائله‌دیکدن سونرا ایشیمیز باشلانیر. نه یازیق چوخوموز بونو قبول ائدمیریک!
بیزیم درنکلرده کؤهنه بئیینلیک و سالمند سالاری آت چاپدیریر. یولوموزو بیر یوللوق بونلاردان آییرمالییق. بونلار ایش گؤرن اولساایدیلار ایندیه‌دک گؤرموشدولر. اؤزوموزه اونلاردان آییریب یئنی بیر یول باشلامالی‌ایق.
اینترنت دونیاسیندا حرفه‌ای چالیشمالییق. درنه‌یه بیر پئیج آچیب نئچه آی سونرا بوراخمایاق. بو بیزیم اوچون بیر آراجدیر. صباحی درنه‌یی باشاردیقجا بو آراجدان یارارلانیر. ائله بو اوزدن مرندیده تانیمادیغیمیز یازارلارلا تانیش اولوروق. و بو بیزیم اوچون اَن بویوک قازانج‌دیر.
6.درنکلرین اؤلوم یوخسا یاشامینا سبب اولان مقوله‌لر نه‌لردیر؟
اوسته
دئدیییم کیمی گنج یازارلار و شاعیرلری میدانا گتیرمه‌لییک. اونلارا
اینانیب ایش تاپشیرمالی‌ایق. تاسفاله درنکلرین چوخوندا بیر سنتی باخیش
حوکوم سورور. باشدا اوتوران‌لار نئچه ایل‌لریدیر بو ایشی اللرینه آلیب
بوراخماق‌دا ایسته‌میرلر. سئودیک‌لری آداملاری باشلارینا ییغیب شعر
اوخوماغا سانکی چوخ ماراقلیدیرلار. اونلارین دوشونجه‌لرینه اویمایانلاری دا
قیراغا قویورلار. دوزونو آختارساق بیزیم درنکلرده سنتی باخیش همیشه مدرن
باخیشی اَزیب. بوردا تکجه درنه‌یین دولاندیرماسی مسئله‌سی دئییل. باشدا
اوتورانین کیم اولدوغودا مسئله دئییل. آنجاق اورا گلن‌لرین باخیش‌لاری چوخ
اؤنملی‌دیر. یئنی دوشونجه اوستون گلمه‌یینجه ایره‌لی گئده بیلمه‌ریک.
7. سیزین درنکده چالیشان یازارلارینیز حاققیندا بیر تانیتیم وئرین.
بیز هر جلسه یئنی یازالارلا تانیش اولوروق و بو بیزیم اوچون چوخ سئونیدیریجی‌دیر. یئنی یازارلادان باشقا تانینمیش یازارلاردا صباحی درنه‌یینه گوج وئریرلر. میرحسین دلدار بناب ("فرهنگ تطبیقی کنایات دلدار" و باشقا کیتاب‌لارین یازاری)، زکیه خانیم ذولفقاری("دوغولمایان اوشاغا بیر مکتوب"بون مترجمی و باشقا کیتاب‌لارین مترجمی و یازاری)، محمد عابدین‌پور(بئش‌داش درگیسینین باش یازاری و باشقا اوشاق کیتاب‌لارینین مولیفی)، میرهدایت سیدمرندی("ساری گلین"، "آپاردی سئللر سارانی" حیکایه توپلوسو و باشقا تاریخی کیتاب‌لارین یازاری) و چوخلو حیکایه یازارلاری کی کیتاب‌لاری چاپ اولماسادا، درگی‌لرله ایش بیرلییی آپاریب و گؤزل اثرلر یاردیرلار...
1باخيش