Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
رومانتیک آخیمینا باغلی فرانسیز شاعیر، رومانچی، پیئس یازانی‌دیر.
عشق کی سئوگیلی قیزیم...
عشق کی سئوگیلی قیزیم، آینایا بنزر اَن چوخ،
باخماغا باییلیرلار گؤزل و شیک بایانلار
باخدیقجا دوش قورورلار، موتلو اولورلار.
آیناداکی گؤرونتولری سئحر ائدر اونلاری؛
کؤتولوکدن گوناهدان آرینیر اورکلری
روحلاری دوپ دورو آغ بیر صفحه‌یه جان آتار.
ساقین ائنمه‌یه قالخما یوخسا آیاغین زویویر؛
توتوناجاق دال یوخسا اوچوروم گؤزلر سنی
دیره‌نه بیلمزسن قاپیلیر یوخ اولارسان بورولغاندا،
عشق کی گؤزلدیر قیزیم، صاف آمما اؤلوملودور
سنین کیمی کیچیک یاشدا آخینتییا قاپیلانلار
اؤز یانسیمالارینی گؤرور، یانار، بوغولور.
شعری اورجینال دیلدن چئویره‌نی: توزان آلکان
ویکتور هوگو لیبرال-سوسییال اینانجلاری ایله جامیعه‌نین یوخسوللار و یازیقلاریندان حمایت ائتمه‌سینه گؤره همشه دؤولت و حکومت باشچیلارینین طرفیندن تهدید، سانسور و تبعید اولسا دا، یئنه بؤیوک و اوجا آرمانلاریندان ال گؤتورمه‌دی.
او «بروکسل» سونرا ایسه «جرزی» آداسی و نهایت مانش دنیزینده اولان «گریزین» آداسینا تبعید اولوندو. اوردا دا فرانسا حکومتینین ظولم ایله دولو ایشلرینی پیسله‌مکدن ال چکمه‌دی. نهایت اوچونجو ناپلئونا یازدیغی آدلیم مقاله‌لر فرانسا دا یاساق اولدو.
هوگو سورگونده اؤز شاه اثری اولان یوخسوللار(بینوایان)رومانینی یاراتدی، سونرا دا جنجاللار تؤره‌دن «ناپلئون صغیر» کیتابینی یازدی. یوخسوللار رُمانی باره ده «من بو کیتابی دونیانین بوتون آزادیخواهلارینا یازمیشام» دئدی.
اوچونجو ناپلئون 1859-جو ایل اونون بوتون سیاسی تبعیدلرینی باغیشلاسا دا، هوگو اونو قبول ائتمکدن باش قاچیرتدی، نییه کی اونو قبول ائتمک، دؤولته اولان انتقادلارینا سون قویماق آنلامیندا ایدی.
اوچونجو ناپلئونون دیکتاتورلوغو 1870-جی ایلده داغیلاندان سونرا هوگو بیر میللی قهرمان کیمی پاریسه قاییتدی و میللی نماینده‌لر مجمعی‌نین عضوو، سونرالار دا اوچونجو جمهوری‌نین سناتورو اولدو.
0باخيش