لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...
احمد عاریف کیمدیر؟ قیساجا حیاتی و ان گؤزل شعری

یازان: خدیجه بیچه‌ر
کؤچورن: ایلقار موذن‌زاده
 
دیپلومو دوغولدوغو یئر اولان دیاربکرده قورتاران احمد عاریف، آنکارا یونیوئرسیته‌سینده دیل و تاریخ- جوغرافیا فاکولته‌سی، فلسفه حیصصه‌سینده باشا چاتدیردی. ۱۹۲۷ دوغوملو اولان شاعیرین اصل آدی، «احمد اؤنال‌»دیر. تورکجه‌نی اَن یاخشی شکیلده قوللانان شاعیرلریمیزدن بیری اولاراق تانیان احمد عاریف، شعرلری‌نین چوخوندا ازیلَن و حاقسیزلیغا اوغرایان اینسانلاری اله آلدی. ضعیفین یانیندا دایاندیغی شعرلرینده اؤزونه خاص اوسلوبویلا، خیالپرست ائلئمئنت‌لری تعریفله‌دی. یازدیغی شعرلرین چوخو، احمد کایا، جئم کاراجا، زولفو لیوانئلی، فیکرت کیزیل‌اوک کیمی بؤیوک سس هونرمندلرین طرفیندن سسلندیریلدی. ۱۹۹۱-جی ایلده، قلب سکته‌سی نتیجه‌سینده حیاتینی ایتیره‌ن احمد عاریفین اَن گؤزل شعرلریندن بیری «آی قارانلیق» آدلی شعری‌دیر.
 
آی قارانلیق
 
آی قارانلیق  
ماویه
ماویه چالار گؤزلرین،
یانغین ماوی‌سینه
کولکده عاصی،
کورام‌سا،
سندن باشقاسینا یوخام‌سا،  
گرگینم‌سه،
جان منیم، دوش منیم،
ائللره نه؟
هایدی گل،
آی قارانلیق...
ایتده‌ن آج،
ایلاندان چیلپاق،
وورغون و بلا
گلیب دایانمیشام‌سا قاپینا
وارمی کی دویمازلیغیم؟
حؤکمه‌ن ده حؤکمه‌ن
سئومه‌لریم،
سئومه‌لریم کیمی‌سی؟
اوتورموش یازی‌چیلار
فرمانیم یازار
نه‌اولار گل،
آی قارانلیق...
دؤرد یانیم هلاکت لابیرئنتی،
دوست اوزلو،
دوست گولوجوک‌لو
سیگاریم یانار.
آلینیم اؤپرلر،
سوسقون، خائین، چیان‌ سایاق.
دؤرد یانیم هلاکت لابیرئنتی،
دؤنه‌ره‌م دؤنه‌ره‌م چیخماز.
کور‌قارانلیق گئجه‌ده اؤلمه‌ییم توتموش،
ائتمه گل،
آی قارانلیق...

 
مشهور شاعیرین بو شعری جئم کاراجا و احمد کایا طرفیندن سسلندیریلدی. اؤزونه خاص اوسلوبونو دانیشدیردیغی بو شعری ده، عینیله باشقا بوتون سطرلری کیمی آنادولو ایگیسی وئریر. تورکجه‌سینی قوسورسوز ایستیفاده ائتمه‌نین غرورو، مملکتی‌نین اینسانی‌نین یاشادیغی قایغی، سؤزلر آراسیندا اولاغان‌اوستو بیر آهنگ و دویغو، نه آختارسان وار شعرده. تورک شعرینده اؤنملی و فرقلی بیر یئره صاحب اولان احمد عاریفین سطیرلرینی اوخومادان بو دونیادان گئتمه‌یین لوطفن.

+0 به‌ین

گؤنده ريليب تاريخ شنبه 1 تیر 1398يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ