لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

تورک ادبیاتیندا لاپ قیسا اؤیکولره مختلف آدلار دئییلیر. بو آدلار بونلاردان عیبارت‌دیر: مینیمال اؤیکو، چوخ قیسا اؤیکو، اؤیکوجوک، قیساقیسا اؤیکو، قیپ‌قیسا اؤیکو، سیخ اؤیکو، قیسا قورماجا، کیچیک اؤیکو، مینی اؤیکو، کیچیک اؤیکو، آنی اؤیکو، میکرو قورماجا، کیچیک اؤلچکلی اؤیکو، مثل، کیچیک اؤلچولو قورماجا، کیچیک اؤیکو و...

بونلار کیمی آدلاندیرمالارلا خاطیرلانان اؤیکو نوعوندا، ایلک اولاراق ۱۹۶۰-جی ایللرده، ریچارد براتیگان و ایسپئنجئر هولست کیمی یازارلار، اثرلر وئرمه‌یه باشلامیشلار. دونیالاشمانین‌دا تأثیرلی اولدوغو بو موددتده، کیچیک اؤیکو فست‌فود دئیه تعبیر ائدیله‌ن چاغین استهلاک آنلاییشینا اویغون بیر نؤوعدور.

کیچیک اؤیکولر، اؤیود وئرمه، کاراکتئر گَلیشدیرمه، اوخوجونو بَللی بیر نوقطه‌یه داشیما کیمی مقصدلر گودمز؛ لحظه‌ده خبردار ائتمه‌لر ائدر و حقیقتلری سئزدیررلر. سیخ و سیخیشدیریلمیش خصوصیتی ایله شعره یاخین دایانماقدادیر. کیچیک اؤیکولر، گرک حجم یؤنوندن گرکسه آنلاتیم تئکنیکلری باخیمیندان شعرله ایلیشکی‌لندیریلمکده‌یرلر. شعرده ده کیچیک اؤیکو ده آز سؤزله اَن چوخ شئیی ایفاده‌یه اساسی واردیر.


فئرید ائدگو (۱۹۳۶ - ) - ایز و یولچو

کیچیک اؤیکو دئیینجه آغلا گلن ایلک آد، هئچ شوبهه‌سیز «فئرید ائدگو»دور. «مین بیر هئجا»، «شرق اؤیکولری»، «ایشده دنیز»، «ماریا و دو سسی» آدلی کیتابلاریندا توپلادیغی بیر چوخ کیچیک اؤیکو واردیر. «فئرید ائدگو»نون کیچیک اؤیکولری، پوئتیک دوز یازی گؤرونوشونده‌دیر. ائدگو، سیخ بیر شکیلده دیالوقلارلا آنلاتیمی سئچر. «ایز»، اولدوقجا قیسا بیر اؤیکودور. هم اؤیکودور هم ده شعر ائلئمئنت‌لرینی ساخلاماقدادیر.

 

"او گونلرده داواملی ایزلنییردیم. بئزدیم. من ده منی ایزله‌یَنلری ایزله‌مه‌یه باشلادیم. بئله‌جه اونلارلا آرامدا بیر برابرلیک دوغولدو. اونلار دا من ده هم ایزله‌یَن، هم ایزله‌نیلن اولدوق."

یولچو اؤیکوسونده یولچو سؤز اولاراق تک بیر معنا داشیسادا، بیر گؤستریجی اولاراق بوتون اینسانلیغین حیاتا قایغی‌سینی ایشاره‌لر. «ائدگو»نون کیچیک اؤیکولرینده هر سمبول، اینسان و دونیانین یئنی‌دن معنالاندیریلماسینا ایره‌‌لیه بیر آتیلیمدیر(جهش).

 

"یولچو:

- گئدیرم. بو دفعه حقیقتَن گئدیرم.

- جهنمین دیبینه قدر یولون وار.

- اما من او یولو بیلمیرم.

- بیلمه‌یین لازیم دئییل. یولون سونو اونسوز دا ذاتاً اوراسی."

 

رفیق آلگان (۱۹۵۲ - ) - آفرودیت

آلگان کیچیک اؤیکولر اوچون قیسا متن آدینی وئرمیش‌دیر. تورک ادبیاتیندا، کیچیک اؤیکو نؤعونو سینایان ایلک یازیچی‌لارداندیر. ساعت کوله‌سی آدلی کیتابی‌نین ایلک حیصّه‌سی‌نین آدی دا قیسا متنلردیر. آلگان آفرودیته‌ده، دوش و گئرچک چاتیشماسینی وئرر. آفرودیت مجسمه‌سی، اینسان حیاتینداکی ایده‌آل‌لاری، یوخسا یوخولاری آنلاتیر. گئرچکلر ایسه ایده‌آل‌لارلا اؤرتوشمَز.

"بوتون گنجلییی بویونجا آفرودیت مجسمه‌سی کیمی گؤزل بیر قیز تاپیب اونونلا ائولنمک ایسته‌میشدی. دئیه‌رکن تاپدی دا. ائولَندیلر.

ائولی‌لیکلری‌نین ایلک گئجه‌سینده، سحره یاخین اویاندی. آروادی یاتمیشدی. توتدو، آروادی‌نین قوللارینی مجسمه‌نین قیریلمیش اولدوغو شکیلده کسدی."

 

 

تئزئر اؤزلو (۱۹۴۳ - ۱۹۶۶)

اثری‌نین آدی: گابوززی (اَسکی باغچا - اَسکی سئوگی)

«تئزئر اؤزلو»نون اؤیکولری‌نین بوتونو کیچیک اؤیکو قاپسامیندا ده‌یرلندیریلمکده‌دیر، لاکین عمومی آنلاییشی کیچیک اؤیکو آنلاییشینا یاخیندیر. بعضی اؤیکولری، کی کیچیک اؤیکو دئییلسه ده بیر یاریم یا دا ایکی صحیفه بؤیوکلویونده‌دیر. حیاتدان سوزولَن قیسا سؤزلر خصوصیتینده‌کی اؤیکولرینده، بؤیوک شهرده بحرانا دوشَن و ایستک‌لرینی رئاللاشدیرا بیلمه‌یَن قادینلارین تک‌لیکلرینی، پئشمان‌لیقلارینی و باشقالدیریسینی آنلاتیر.

 

کیچیک اؤیکولریندن بیری: 

 

"من کیمی اؤلدوردوم منی یا دا بیر باشقاسینی‌می بونو بیلمیرمیشم کیمی یازماق ایسته‌میرم، هئچ کیمی اؤلدورمه‌دیم من. راهیبه مکتبینده اوخوموش اولمام جاوان‌کَن، کی من همیشه جاوانام هئچ اؤلمه‌یه‌جه‌یَم، ایشده اؤلومه اؤلمه‌مکله قارشی چیخیرام. اؤلمه‌مک ده بیر نؤوع اؤلوم‌مو، ایچیم سئوینیر یئنه بو نئچه‌نجی سئوگی، سئوگی‌می، سئوینج‌می." 

 

هولکی آکتونچ (۱۹۴۹ - ۲۰۱۱)

اثری‌نین آدی: گئجه خبردارلیقچی‌سی (توپلو اؤیکولر ۱ - گونده‌لیک سؤیلنجه‌لر بؤلومو)

هولکی آکتونچ’ون کیچیک اؤیکولری عمومیتله بوتون کیچیک اؤیکوئر اوچون اعتبارلی اولسا دا خصوصیله آکتونچ’ون اؤیکولری آلینتی ائدیلرکن داهی کسیله بیلمه‌یه‌جک درجه‌ده باغلانتی‌لی جمله‌لردن اولوشماقدادیر. حوزنلو و بوروق بیر اتمسفر یولداشلیغیندا، اوخوجوسونو دوشوندورمه حرکتینی رئاللاشدیرار. اؤیکولرینده معنا باغلیلیغی، ریتم، تئم، آهنگ خصوصیتلری، دقیق بیر شکیل‌ده موشاهیده ائدیله بیلر. گئجه خبردارلیق‌چی‌سیندا اطرافدا ایزدیهاملار ایچینده اؤز ایچ دونیالاریندا ایسه تک‌لیگی سیخ بیر شکیلده یاشایان اینسانی آنلاتیر.

 

"سیخینتی وئریجی بیر فیلم گؤرموش، ائوه دؤنوردوم سرعتلی سرعتلی. کوچه سس‌سیز ایدی، کیمسه‌سیز ایدی. ایره‌‌لی‌ده بیر آدام واردی. بیر منزیله باخاراق، " ساعات اون ایکیه بئش وار!" دئیه قیشقیردی. بعضی‌لرینی خبردار ائدیر سانمیشدیم. حالبوکی، آدام گئتمه‌یه باشلامیشدی و سسینی دؤرد بیر طرفه یؤنله‌ده‌رک خبردارلیغینی داوام ائتدیریردی. " ساعات اون ایکیه بئش وار!" داواملی، "ساعات اون ایکیه بئش وار!" اوچ بئش پنجره داها قارالمیشدی."

 

 

نجاتی توسونئر (۱۹۴۴ - )

اثری‌نین آدی: آجی یاغیش (یاکاموز اووونا چیخماق)

نجاتی توسونئر، کیچیک اؤیکو اوچون یاراتدیغی و یئنه کیچیک اؤیکو دادینداکی تعریف‌لریله اؤنملی بیر یازاردیر. اؤیکونون، روماندان چوخ شعره یاخین دایاندیغی‌نین بیر عیللتی اولدوغونو دوشونن نجاتی توسونئره گؤره کیچیک اؤیکو شاعیرانه‌دیر و بلکه ده بونا گؤره یئره باخان، اورک یاخاندیر. اؤیکولری، کیچیک اؤیکونون گَره‌یینه اویغون اولاراق، قیسا و تک قونو اطرافیندا گئتمکده‌دیر؛ تئماتیک اولاراق چئشیتلی‌لیک ائتمز. جیناس‌دان فایدالاناراق ریتملی و آهنگ‌لی متنلر یارادیب.

 

"بیر زاماندیر باجیم آنامین باشی سویوقلادیغینی سؤیله‌ییردی. من چوخ اوزرینده دایانمادیم. بلی، باجیم‌دا حاقلی. یاشلی بیر قادینلا هر گون عینی ائوده اولماق آسان دئییل. دونَن بازار ایدی، بئله بیر اوغرادیم اونلارا. بیر آز قایناتدیق ایندی کؤهنه‌لردن فیلان… اما قالخدیم گئدیرم، الینی اؤپدوم آنامین. «اوغلوم بیر داها گلیشینده آنانی دا گتیر…» دئدی. ایچیمده‌کی یانغین گؤزلریمی یاشارتدی. باجیمین اوزونه باخمادان قاچارجاسینا چیخدیم ائودَ‌ن. یاغیشا سیغیندیم ائشیکده."

 

قایناق: ایزدیحام.کام

+0 به‌ین

گؤنده ريليب تاريخ سه شنبه 18 تیر 1398يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ