Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
«ایتن کؤلگه‌لر» رمانی باره‌ده
جناب «ارسطو مجرد»ین «ایتن کؤلگه لر» آدلی رومانینی چوخ ماراقلا اوخویوب هر بؤلوموندن اولدوقجا فایدالانیب، حظلر آلدیم. روماندا یازارین اساس آماجی آذربایجان میللی حؤکومتی‌نین ایصلاحات‌لاری‌نین نه تکجه شه‌هرلرده، اولا بیلسین خیردا کولتورلره مالیک اولان کندلرده‌ده سؤز قونوسونا چئویرلمه‌سیدیر، همی ده گؤزل سئوگی ایله محبت‌لرله دولو آنلاری اینسانلیق گؤرکمینده جانلاندیرماسی‌دیر، یازیچی ایلک اؤنجه سرت‌لییه توخۇنور. خان و ارباب‌لارین واسیطه‌سیله رعیت‌لرینه نه درجه‌ده وحشی‌لیک‌لرینی، صمد آدلی بیر موعللیم موغانین یام یاشیل کندلرینده بیرینجی دفعه شاهلیق رئژیمی‌نین قارا کؤلگه‌سیندن چیخان آذربایجان میللتی‌نین طالئحینه اوخشار، قارا حسن آدلی دره بی‌لییی تمثیل ائدن شخصین طرفیندن گولـله‌له‌نیر، بو حادیثه‌نی یاخیندان ایزله‌ین اوشاقلارا منفی تاثیر ائتدییینی، اوخوجونون دوشونجه‌سینی هیدایت ائدیر. هابئله خان و ارباب لارین نه درجه ده رعیت لرین بئله جانلارینا دا مالیک اولدوقلارینی و چئوره نین گوونلیک دورومونون اولمادیغینی گؤستریر. آنا دیلی ایلک اؤنجه شه هرلرده تدریس اولدوغو زامان، کندلرده ده اؤیره دیلمه سی ، خالق بو حرکتی نئجه قارشی لاماسی سئوینج آدلی موغانلی بیر قیزین آنا دیلینه نه درجه ده سئوگی سیله باشلاییر «ائولرینده گئجه گوندوز خالچا توخویان سئوینج، یازیب پوزماغی اوخویوب اؤیره نمه یی، اؤزونه سودان دا هاوادان، ضروری ساییردی» رومانین گیریشینده بو جینایتی کیمسه لرین واسیطه سیله تؤره تدیریلمه سینی و هانسی زاماندا باش وئرمه سینی تعیین ائتمیین یازار بیر آز اوخوجونو یاهالتسا بئله اوخوجونو رومانین آردی سی نا جذب ائدیر، بئله کی ایلک اؤنجه بلیر لنمیر بو حادیثه میلی حؤکومت ین ایقتیداریندان سونرا یا اؤنجه ده کی اولای لارا مخصوص دور. رومانین باشقا بؤلومونده یازار کئچمیش سووئت لر بیرلییی نین حاکیمیتی آلتیندا یاشایان قوزئی آذربایجاندا بیر عایله نین گونئیه کؤچ ائتدیک لرینی و بو یولجولوقدا هانسی حادیثه لرله اوغراشاجاقلارینا ایشاره ائدیر، بیر یئرده عایله آتاسی نین باجی سی اونو بو سفردن ایمتیناع ائتمه سینی خواهیش ائدیر بو سؤزله «منیم او گونئی دئدییین یئردن خوفوم وار والله اورانین کئچمیشینه بیر باخ! همیشه قانلی قادالی اولوب» رومانین اؤنملی اؤزللییی یازارین، ظاهیری بزه دیلمیش و ساختا ایچرییه(محتوا) وئرمه دییی یول دور،عکسینه اولاراق اوخوجو تام رئالیته گؤرونتولری آجی و شیرین لیک لرییله بوتونلوکجه سینه بیرگه دویور، رومانین آیری بؤلومونده، یازار، ائلیاس و جاوید آدلی ایکی دوستون دوشونجه فرق لیک لرینه توخونور، بو بؤلومده رئالیته جانلانیر، میلی حؤکومتین ایقتیداریندا توپلومون گوونلیک دورومو یوکسه لیرکن اعدام سایی لاری نین چوخ اولدوغو ایکی فرقلی دوشونجه نی اوخوجویا گوسته ریر، بیر یاندا جاوید بو اعدام لاری محکوم ائدیر بو اعدام لار اونو چوخ ناراحات ائتدیریر، گئرچکدن ده بعضی اعدام لارین فیرقه دئورینده آرتماسی او تاریخه رغماً قاچینیلماز گؤرونسه بئله، یئتر سیز و غئیر اینسانی گؤرونور، ان آزی ایندی میلی روحا سؤیکه نن اوزمان لار طرفیندن تایید اولونمور، اما اصلینه وارارکن اعدام کمونیسم دوشونجه سی نین ایکینجی اصلی دیر دئسه ک هئچ ده یانیلمامیشیق. کمیتدن کیفیته دؤنوشمک، بو آشامادا اعدام و حذف اولونماق کمونیزم دوشونجه سی اساسدا گرکلی گؤرونوب میلی حؤکومت ین یارغی قورولوشونا (قضایی دستگاهینا) علاوه ائتدیریلمیشدیر، جاوید آزاد دوشونجه و هئچ بیر دوگماتیزم دوشونجه یه سیغمایان اینسان ساییلیر، البته گریینجه ده احتیاط لی و توتوجو، یازار:_«بیر سؤزله گئری قالمیشلیقدی، دیری گؤزلو اینسانی اوشاغین، بؤیویون، قادینین گؤزلری قاباغیندا، لاپ دالدا دا بئله گولله مه یین بیرجه آدی وار وحشی لیک» رومانین گیریشینده اعدامی محکوم ائدن یازار بورادا دا هئچ بیر تعصوبلو دوشونجه یه یول وئرمه دن بو ایشی یارغی لاییر، بیر آیری یئرده منجه رومانین اساس اؤزللییی ساییلان نؤقطه بورادادیر، ائلیاس کیشی و قادین برابرلیینی هابئله تورپاق ایصلاحات لاری و اؤزللیکله آنادیلی نین فیرقه طرفیندن رسمی اولدوغونا ایشاره ائدیر جاوید جاوابیندا «حاقلیسان، آنجاق بونلار یئترلی دئییلدیر، بو ایشلری دانمیرام آمما قادین، کیشی برابر لییی کیمی مترقی فیکیرلری ایره لی سوره نلر اعدام یئرینه ده بیر باشقا بیر جزانظره آلمالیلار»
یاتاقسال سوچ بیلیمی نین (جرمشناسی بالینی) تئوری لری نین اساسیندا اؤرنک اوچون سیز حیات یولداشیزی چوخ سئویرسینیز، بو سئومک ائله یییه لیکدن آسیلی دیر بونونلا بئله بو درین سئوگی حیات یولداشیزین منفی عمللرینی سیزه گؤستره بیلمیر ان یاخشی سی حیات یولداشیزین منفی عمللرینه بیله بیله بیر تکلیفی ایره لی سورمه نیزدی بو ایش، عمللری نی ایصلاح ائتمه سینه اولابیلسین کی سونوجلانا و عکسینه، تنقید و ائلشدیرمک توپلوملارین گلیشمه سی اوچون چوخ یارارلی دیر اؤزللیکله بو تنقید میلی روحا مالیک اولان وطنداش لار طرفیندن اولسا توپلوم گلیشدیریلر، یازار رومانین هر بؤلومونده آتابابالاریمیزین سؤزلریندن اولدوغونجا، دوزگون جه سینه یارارلانیب دیر، جۆمله دوزنلیک لری و یازما قایداسی منجه گله جک ده یازارلار اوچون منبع ساییلابیلر، قادینلارین قاپالی توپلوملاردا و خیردا کولتورلره مالیک اولان کندلرین چئوره سینده میلی حؤکومتین ائتکی سی آلتیندا یئنی دن اؤز من لیک اینام لاری نین تعریف اولونماسی، درین سئوگی لری، طبیعتین گؤزللیینی جانلادان یازار، میلی حؤکومتین تکجه بیر ایلده تبریزدن کیلومئتیرلر اوزاق تاثیریندن سؤز آچیر، بونونلا بئله یازیچی هئچ بیر یالان ایمگه لری اوخوجویا تحمیل ائتمک ایسته میر، چئوره نین حقیقیتینه توخونان یازار بیر یئرده بیر شخصین جاوابیندا سئوینج آدلی قیزین آتاسی ، اونو مکتبه ایذین وئرمه دییی نین اساس ندنلییینی دول بیر قادین اولدوغو و خالق طرفدن دامغالانماسی بیلدیریر، بونونلا بئله سئوینج ائلیاس لا بیرگه، آتاسی نین ایذنی اولمادان تبریزه گئدیر بو دامغالانماق ساییلمیرمی؟ ان آزی سئوینج «مخفی نیجات کومیته سی» نین واسیطه سیله آرازین اوتایینا گئدیر خالقین ائتیکئتیندن جانی قورتاریر. ائلیاس و جاوید ایکی فرقلی دوشونجه یه صاحیب دیرلر، بیر آز چوخ تعصوبلو و قورخماز اولان ائلیاس، عکسینه حئساب جیل و منطیق سل دوشونن جاوید موغان سفریندن قاییدارکن جاوید و حیات یولداشی شفیقه بیر آندا رومانین صحیفه لریندن سیلینیرلر.بیر یئرده ائلیاس جاویده دئییر«-اشی سن همیشه قارا دوغراییرسان منیم ده ایچیمده تشویش واردی،آنجاق سنین کی قده ر یوخ بیرآز امیدوار اولماق لازیمدیر قاداسی.هم اؤز گوجوموز. هم ده او بویدا اؤلکه دایانیب آرخامیزدا، هئچ کیمسه بیزه خورباخا بیلمز، جاوید استئهزا ایله گولدو. مندن اینجیمه، قارداش!آنجاق بو،ساده لؤوح لیک دیر! کؤلگه ده دورانین کؤلگه سی اولماز دئییبلر»تام قطعیتله دییه بیله رم بو رومان اوخوجویا دوشونمک ایمکانی یارادان اثر ساییلیر، ارتیجاعین بیر میلتین آنا دیلی نین محو ائتمک قصدینه باخمایاراق اونو ابدی بیر نعمت بیلیر
هر بیر بؤلومونده سئوگینی،محبتی، اینسانلیق حاقلارینی مودافیعه ائدن یازار اوخوجونو طرفسیز دوشونجه یه آزاد بوراخیر، رومانین سونلاریندا موهاجیر عایله نین آتالاری شهید اولونوب، ائلیاس شهید اولونوب، جاوید رومانین صحیفه لریندن سیلین سه بئله چیخیش یولونون سیمگه سینه چئوریلیب دیر
جناب «ارسطو مجرد»ین «ایتن کؤلگه لر» آدلی رومانینی چوخ ماراقلا اوخویوب هر بؤلوموندن اولدوقجا فایدالانیب، حظلر آلدیم. روماندا یازارین اساس آماجی آذربایجان میللی حؤکومتی‌نین ایصلاحات‌لاری‌نین نه تکجه شه‌هرلرده، اولا بیلسین خیردا کولتورلره مالیک اولان کندلرده‌ده سؤز قونوسونا چئویرلمه‌سیدیر، همی ده گؤزل سئوگی ایله محبت‌لرله دولو آنلاری اینسانلیق گؤرکمینده جانلاندیرماسی‌دیر، یازیچی ایلک اؤنجه سرت‌لییه توخۇنور. خان و ارباب‌لارین واسیطه‌سیله رعیت‌لرینه نه درجه‌ده وحشی‌لیک‌لرینی، صمد آدلی بیر موعللیم موغانین یام یاشیل کندلرینده بیرینجی دفعه شاهلیق رئژیمی‌نین قارا کؤلگه‌سیندن چیخان آذربایجان میللتی‌نین طالئحینه اوخشار، قارا حسن آدلی دره بی‌لییی تمثیل ائدن شخصین طرفیندن گولـله‌له‌نیر، بو حادیثه‌نی یاخیندان ایزله‌ین اوشاقلارا منفی تاثیر ائتدییینی، اوخوجونون دوشونجه‌سینی هیدایت ائدیر. هابئله خان و ارباب لارین نه درجه ده رعیت لرین بئله جانلارینا دا مالیک اولدوقلارینی و چئوره نین گوونلیک دورومونون اولمادیغینی گؤستریر. آنا دیلی ایلک اؤنجه شه هرلرده تدریس اولدوغو زامان، کندلرده ده اؤیره دیلمه سی ، خالق بو حرکتی نئجه قارشی لاماسی سئوینج آدلی موغانلی بیر قیزین آنا دیلینه نه درجه ده سئوگی سیله باشلاییر «ائولرینده گئجه گوندوز خالچا توخویان سئوینج، یازیب پوزماغی اوخویوب اؤیره نمه یی، اؤزونه سودان دا هاوادان، ضروری ساییردی» رومانین گیریشینده بو جینایتی کیمسه لرین واسیطه سیله تؤره تدیریلمه سینی و هانسی زاماندا باش وئرمه سینی تعیین ائتمیین یازار بیر آز اوخوجونو یاهالتسا بئله اوخوجونو رومانین آردی سی نا جذب ائدیر، بئله کی ایلک اؤنجه بلیر لنمیر بو حادیثه میلی حؤکومت ین ایقتیداریندان سونرا یا اؤنجه ده کی اولای لارا مخصوص دور. رومانین باشقا بؤلومونده یازار کئچمیش سووئت لر بیرلییی نین حاکیمیتی آلتیندا یاشایان قوزئی آذربایجاندا بیر عایله نین گونئیه کؤچ ائتدیک لرینی و بو یولجولوقدا هانسی حادیثه لرله اوغراشاجاقلارینا ایشاره ائدیر، بیر یئرده عایله آتاسی نین باجی سی اونو بو سفردن ایمتیناع ائتمه سینی خواهیش ائدیر بو سؤزله «منیم او گونئی دئدییین یئردن خوفوم وار والله اورانین کئچمیشینه بیر باخ! همیشه قانلی قادالی اولوب» رومانین اؤنملی اؤزللییی یازارین، ظاهیری بزه دیلمیش و ساختا ایچرییه(محتوا) وئرمه دییی یول دور،عکسینه اولاراق اوخوجو تام رئالیته گؤرونتولری آجی و شیرین لیک لرییله بوتونلوکجه سینه بیرگه دویور، رومانین آیری بؤلومونده، یازار، ائلیاس و جاوید آدلی ایکی دوستون دوشونجه فرق لیک لرینه توخونور، بو بؤلومده رئالیته جانلانیر، میلی حؤکومتین ایقتیداریندا توپلومون گوونلیک دورومو یوکسه لیرکن اعدام سایی لاری نین چوخ اولدوغو ایکی فرقلی دوشونجه نی اوخوجویا گوسته ریر، بیر یاندا جاوید بو اعدام لاری محکوم ائدیر بو اعدام لار اونو چوخ ناراحات ائتدیریر، گئرچکدن ده بعضی اعدام لارین فیرقه دئورینده آرتماسی او تاریخه رغماً قاچینیلماز گؤرونسه بئله، یئتر سیز و غئیر اینسانی گؤرونور، ان آزی ایندی میلی روحا سؤیکه نن اوزمان لار طرفیندن تایید اولونمور، اما اصلینه وارارکن اعدام کمونیسم دوشونجه سی نین ایکینجی اصلی دیر دئسه ک هئچ ده یانیلمامیشیق. کمیتدن کیفیته دؤنوشمک، بو آشامادا اعدام و حذف اولونماق کمونیزم دوشونجه سی اساسدا گرکلی گؤرونوب میلی حؤکومت ین یارغی قورولوشونا (قضایی دستگاهینا) علاوه ائتدیریلمیشدیر، جاوید آزاد دوشونجه و هئچ بیر دوگماتیزم دوشونجه یه سیغمایان اینسان ساییلیر، البته گریینجه ده احتیاط لی و توتوجو، یازار:_«بیر سؤزله گئری قالمیشلیقدی، دیری گؤزلو اینسانی اوشاغین، بؤیویون، قادینین گؤزلری قاباغیندا، لاپ دالدا دا بئله گولله مه یین بیرجه آدی وار وحشی لیک» رومانین گیریشینده اعدامی محکوم ائدن یازار بورادا دا هئچ بیر تعصوبلو دوشونجه یه یول وئرمه دن بو ایشی یارغی لاییر، بیر آیری یئرده منجه رومانین اساس اؤزللییی ساییلان نؤقطه بورادادیر، ائلیاس کیشی و قادین برابرلیینی هابئله تورپاق ایصلاحات لاری و اؤزللیکله آنادیلی نین فیرقه طرفیندن رسمی اولدوغونا ایشاره ائدیر جاوید جاوابیندا «حاقلیسان، آنجاق بونلار یئترلی دئییلدیر، بو ایشلری دانمیرام آمما قادین، کیشی برابر لییی کیمی مترقی فیکیرلری ایره لی سوره نلر اعدام یئرینه ده بیر باشقا بیر جزانظره آلمالیلار»
یاتاقسال سوچ بیلیمی نین (جرمشناسی بالینی) تئوری لری نین اساسیندا اؤرنک اوچون سیز حیات یولداشیزی چوخ سئویرسینیز، بو سئومک ائله یییه لیکدن آسیلی دیر بونونلا بئله بو درین سئوگی حیات یولداشیزین منفی عمللرینی سیزه گؤستره بیلمیر ان یاخشی سی حیات یولداشیزین منفی عمللرینه بیله بیله بیر تکلیفی ایره لی سورمه نیزدی بو ایش، عمللری نی ایصلاح ائتمه سینه اولابیلسین کی سونوجلانا و عکسینه، تنقید و ائلشدیرمک توپلوملارین گلیشمه سی اوچون چوخ یارارلی دیر اؤزللیکله بو تنقید میلی روحا مالیک اولان وطنداش لار طرفیندن اولسا توپلوم گلیشدیریلر، یازار رومانین هر بؤلومونده آتابابالاریمیزین سؤزلریندن اولدوغونجا، دوزگون جه سینه یارارلانیب دیر، جۆمله دوزنلیک لری و یازما قایداسی منجه گله جک ده یازارلار اوچون منبع ساییلابیلر، قادینلارین قاپالی توپلوملاردا و خیردا کولتورلره مالیک اولان کندلرین چئوره سینده میلی حؤکومتین ائتکی سی آلتیندا یئنی دن اؤز من لیک اینام لاری نین تعریف اولونماسی، درین سئوگی لری، طبیعتین گؤزللیینی جانلادان یازار، میلی حؤکومتین تکجه بیر ایلده تبریزدن کیلومئتیرلر اوزاق تاثیریندن سؤز آچیر، بونونلا بئله یازیچی هئچ بیر یالان ایمگه لری اوخوجویا تحمیل ائتمک ایسته میر، چئوره نین حقیقیتینه توخونان یازار بیر یئرده بیر شخصین جاوابیندا سئوینج آدلی قیزین آتاسی ، اونو مکتبه ایذین وئرمه دییی نین اساس ندنلییینی دول بیر قادین اولدوغو و خالق طرفدن دامغالانماسی بیلدیریر، بونونلا بئله سئوینج ائلیاس لا بیرگه، آتاسی نین ایذنی اولمادان تبریزه گئدیر بو دامغالانماق ساییلمیرمی؟ ان آزی سئوینج «مخفی نیجات کومیته سی» نین واسیطه سیله آرازین اوتایینا گئدیر خالقین ائتیکئتیندن جانی قورتاریر. ائلیاس و جاوید ایکی فرقلی دوشونجه یه صاحیب دیرلر، بیر آز چوخ تعصوبلو و قورخماز اولان ائلیاس، عکسینه حئساب جیل و منطیق سل دوشونن جاوید موغان سفریندن قاییدارکن جاوید و حیات یولداشی شفیقه بیر آندا رومانین صحیفه لریندن سیلینیرلر.بیر یئرده ائلیاس جاویده دئییر«-اشی سن همیشه قارا دوغراییرسان منیم ده ایچیمده تشویش واردی،آنجاق سنین کی قده ر یوخ بیرآز امیدوار اولماق لازیمدیر قاداسی.هم اؤز گوجوموز. هم ده او بویدا اؤلکه دایانیب آرخامیزدا، هئچ کیمسه بیزه خورباخا بیلمز، جاوید استئهزا ایله گولدو. مندن اینجیمه، قارداش!آنجاق بو،ساده لؤوح لیک دیر! کؤلگه ده دورانین کؤلگه سی اولماز دئییبلر»تام قطعیتله دییه بیله رم بو رومان اوخوجویا دوشونمک ایمکانی یارادان اثر ساییلیر، ارتیجاعین بیر میلتین آنا دیلی نین محو ائتمک قصدینه باخمایاراق اونو ابدی بیر نعمت بیلیر
هر بیر بؤلومونده سئوگینی،محبتی، اینسانلیق حاقلارینی مودافیعه ائدن یازار اوخوجونو طرفسیز دوشونجه یه آزاد بوراخیر، رومانین سونلاریندا موهاجیر عایله نین آتالاری شهید اولونوب، ائلیاس شهید اولونوب، جاوید رومانین صحیفه لریندن سیلین سه بئله چیخیش یولونون سیمگه سینه چئوریلیب دیر
0باخيش