لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

یازان: بولاق

ناتورالیزم

• دئتئرمینیزم(جبرگرایی) آنلاییشینی رومانا گتیرَ‌ن بو آخیم اون‌دوققوزونجو عصرین ایکینجی یاریسیندا فرانسادا اورتایا چیخمیش‌دیر.
• دئتئرمینیزمه گؤره طبیعت حادیثه‌لرینده عینی سببلر عینی نتیجه‌نی دوغورار. ناتورالیست‌لر، دئتئرمینیزمی توپلوما و اینسانا تطبیق ائتدیلر.
• توپلوم بؤیوک بیر لابراتوار، اینسان تجروبه قونوسو، هونرمند ده بیلگین ساییلدی.
• اینسان شخصیتینی آنلاتا بیلمک اوچون وراثت قانونلاریندان و سوسیولوژی‌دن فایدالاندیلار.
• رومانلاردا قهرمانلارین پورتره‌‎‌لریندن اینجه دئتایللارینا قدر اؤنم وئریلر.
• یازار اثرده شخصیتینی گیزله‌یر.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق
Larisa Kerklənd

تکلیف
اولدوزلو گئجه. موناسیب واخت. شام ایشیغیندا ناهار. راحات ایتالیان رستورانی. کیچیک قارا لیباس. گؤزل ساچلار، پارلاق گؤزلر، گوموشو گولوش. بیرگه ایکی ایل. اعلا واخت! صاف سئوگی، یاخجی دوست، باشقا هئچ کیم. شامپاین شارابی! او، اوره‌یینی تکلیف ائدیر. بیر دیزی اوسته. جماعت باخیر.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق
(معادل پیشنهادی برای اصطلاحِ داستانکِ خیلی کوتاه)

قیپ‌قیسا اؤیکو
بو کلمه، اینگیلیسجه شورت‌شورت‌ایستوری اصطلاحینا تورکجه قارشیلیقلاردان بیری‌دیر. بئش‌یوز کلمه‌یه قدر اولان اؤیکولری ایفاده ائدن و قیسا قیسا اؤیکونون یانی سیرا قوللانیلان بو اصطلاح، گئتدیکجه داها دا یایغینلاشماقدادیر. بئله اولماسی دا منطیقلی‌دیر. نیه کی تورکجه‌ده کلمه‌لر داها سونرا بئله‌سی بیر قایناشدیرماغا دؤنوشمکده‌دیر. اؤرنک‌سه یاشیل یاشیل-->یام‌یاشیل، ساری ساری-->ساپ‌ساری، قارا قارا-->قاپ‌قارا و...

آردي

+0 به‌ین

گؤنده ريليب تاريخ جمعه 17 خرداد 1398يازار بولاق
هئرمونوتیک

هئرمونوتیک کلمه‌سی ایکی اصطلاحدا(تئرمینده) ایشله‌نیر:

بیر) عمومی اصطلاح:
بو کلمه متنین تفسیری باره‌سینده آپاریلان هر نوع آراشدیرمایا شامیل اولور. بونا گؤره ده هئرمونوتیک بو زمینه‌ده بوتون مرحله‌لره شامیل اولور. حتی اصول علمینده‌کی "کلمه" بحثی‌ده هئرمونوتیک بحث‌لردن حساب اولونور.
آردي

+0 به‌ین

گؤنده ريليب تاريخ جمعه 17 خرداد 1398يازار بولاق

یازان: بولاق

پارناسیزم
• رومانتیک شعر آنلاییشی ایله فرانسادا اورتایا چیخمیش‌دیر.
• طبیعی گؤزللییه و خاریجی گؤرونوشه بؤیوک اؤنَم وئرر.
• صنعت هونر اوچون‌دور قانونونو مدافعه ائتمیش‌دیر.
• هونر خاریجی گؤرونوشونو کؤچورموشلر.
• سؤزلر سئچیله‌رک ایستیفاده ائدیلر. سؤزلرین سیرالاییشی و آهنگ اؤنَملی‌دیر.
• قافییه و ردیفه اؤنَم وئریلر.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق
جاهید ظریف‌اوغلو کیمدیر؟ قیساجا حیاتی و ان گؤزل شعری


یازان: خدیجه بیچه‌ر
کؤچورن: ایلقار موذن‌زاده


جمهوریت دؤنه‌می شاعیرلریندن بیری اولان جاهید ظریف‌اوغلو، حیاتا چوخ ائرکن یاشلاردا ویداع ائد‌ن بیر آددیر. تام آدی عبدالرحمان جاهید ظریف‌اوغلو اولان هونرمند، ۱۹۴۰-جی ایلده آنکارادا دونیایا گلدی. ایستانبول یونیوئرسیته‌سی ادبیات فاکولته‌سی آلمان دیلی و ادبیاتینی اوخودوقدان سونرا، شعرلری بعضی ژورناللاردا نشر اولونماغا باشلادی.

آردي

+0 به‌ین

گؤنده ريليب تاريخ جمعه 17 خرداد 1398يازار بولاق

جان یوجئل کیم‌دیر؟ قیساجا حیاتی و ان گؤزل شعری

 


یازان: خدیجه بیچه‌ر
کؤچورن: ایلقار موذن‌زاده


بو بؤلومده «جان یوجئل» آدلی بیر شاعیره یئتیشیریک. اؤزونه خاص طرزیله معاصر تورک شعری‌نین قاباقجیللاریندان بیری اولان بیر شاعیرین حاققیندا قیسا بیلگی‌لر وئرمک ایستیریک…

عمومیتله ایستیفاده ائتدییی آرالیق(عامیانه) و کوبود تعبیرلریله تانینان بیر شاعیردیر. آمما دیلی بیر او قدر ده صمیمی و ایستی‌دیر.
آردي

+0 به‌ین

گؤنده ريليب تاريخ یکشنبه 12 خرداد 1398يازار بولاق
یازان: بولاق

رئالیزم

اون‌دوققوزونجو یوز ایللییین ایکینجی یاریسیندا فرانسادا رومانتیزمه رئاکسیا اولاراق دوغولموشدور.
• قونو گئرچَکده‌ن آلینار. حادیثه و شخص‌لر یاشانان و یاشایان شخص‌لرین بَنزَرلری‌دیر.
• شخص‌لرین روحی داورانیشلارینی ائتکیله‌یَن اونلارین شخصیتلرینی چکه‌ن اطراف و چئوره‌نین تانیدیلماسینا اهمیت وئریلَر.
• تصویرله‌مه‌لر یازارین گؤزویله گؤرولمز قهر‌مانین گؤزویله گؤرولر.
• احساس و خیالا قاپیلمادان توپلوم گئرچکلرینی اولدوغو کیمی عکس ائتدیرر.
• هونر اوچون هونر فیکیرینی مدافعه ائدرلر.

آردي

+0 به‌ین

گؤنده ريليب تاريخ جمعه 10 خرداد 1398يازار بولاق


یازان: خدیجه بیچه‌ر
کؤچورن: ایلقار موذن‌زاده


ائدیب جانسئوَر کیم‌دیر؟ قیساجا حیاتی و اَن گؤزل شعری

 

سیرادا یئنه ایکینجی یئنی آخیمینین تمثیلچی‌لریندن و تورک شعری‌نین اوستا قلملریندن بیری وار. ۱۹۲۸-جی ایلده حیاتا ایستانبولدا آچدیغی گؤزلرینی، یئنه عینی شهرده ۱۹۸۶-جی ایلده باغلادی. «بودروم»‌دا یاشادیغی دؤورده کئچیردییی بیر بئیین قاناماسی سببیله، تئز ایستانبولا سؤوق ائدیلدی و بورادا وفات ائتدی. لیسه‌یی قوتاردیقدان سونرا بیر دؤور «کاپالیچارشی»‌دا خالچا و توریستیک اشیا تجارتی ائد‌ن «ائدیب جانسئوَر»، داها سونرا اؤزونو تامامیله شعر یازماغا حصر ائتدی. داواملی چیخاران و یازان بیر شاعر اولان ائدیب جانسئوَر، ایستیفاده ائتدیی اوسلوبلا دا آدیندان دانیشدیردی.

آردي

+0 به‌ین

گؤنده ريليب تاريخ پنجشنبه 9 خرداد 1398يازار بولاق

یازان: بولاق

کلاسیسیزم

اون‌یئددینجی یوز ایللییین اورتالاریندا فرانسادا اورتایا چیخان ادبیات آخیمی‌دیر.
• عاغیلا و ساغلام‌فیکیره ده‌یَر وئررلر.
• اینسانداکی طبیعته، اینسانلارین ایچ دونیاسینا حؤرمت گؤسترمک اساس‌دیر.
• قونولارینی کؤهنه یونان و لاتین ادبیاتیندان آلیرلار.
• قهر‌مانلاری سئچکین کَسلردیر. سیرادان اینسانلارا اثرلرین‌ده یئر وئرمزلر.
• اؤنملی اولان قونو دئییل، قونونون ایشله‌نیش فورماسی‌دیر.
• دیل، اوسلوب بَلیرلی، موکممل، تام و آیدین(شفاف) بیر شکیلده ایشلنمیش‌دیر. دیل آچیق، ساده، سویلودور(اصیل).

آردي

+0 به‌ین

گؤنده ريليب تاريخ سه شنبه 7 خرداد 1398يازار بولاق
1 | 2 | 3 | 4 | 5 | 6 | .. | 37 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ