لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

یایین سونونجو گونو آذربایجان فرهنگینده سونای آدلاناراق سئوگیلیلر گونودور. دئمك بو گونون سونوندا بیربیرینه ابدی عاشیق اولان «آی و گونش» چوخ آز لحظه‌لر بیربیرینین اوستونده اولورلار. افق دا 180 درجه‌لیك بیر دوروم دا بو ایكی میفیك(اسطوره ای) سئوگیلی بیر ایل بیربیریندن اوزاق یاشادیقدان سونرا او زاویه ده بیربیرلرینی گؤره بیلیرلر و بو قیسا گؤرشده بیر آنلیق‌دا اولموش اولسا حسرتلری سونا چاتیر. سونای  آذربایجان‌دا سئوگیلی‌لر گونو ساییلیر.
بو گونو «حسین واحدی»نین گؤزل یازیسی‌لا سیزه تبریك دئییریك.


آردي

+0 به‌ین

گؤنده ريليب تاريخ یکشنبه 31 شهریور 1392يازار بولاق

بؤیوك قولاقلیقلار

آنادولو توركجه‌سیندن اویغونلاشدیران: بولاق

یئنه عینی ساعاتلاردا بالكونا چیخمیشدی. یئنه اوردایدی ایندی. بؤیوك قولاقلیقلاری قولاغیندایدی. گولور، اَیله‌نیردی. او سیررلی ایدی. سسینی هئچ حیس ائتمه‌دی اونون. اوزونو ایشیقلیقدا هئچ گؤرمه‌دی. او ائوده یاشاییردی تك باشینا. قونشولاری ایدی. بیر نئچه دفعه آناسیندان سوروشدو اما آناسی بیلمه‌دییینی سؤیله‌دی. ایكی‌سینین آراسیندا بیر شئی وارایدی. عینی ساعاتدا گؤروشمه آیارلایان سئوگیلیلر كیمی‌ایدیلر. ایكیسی ده بالكونا او ساعاتدا چیخاردیلار. او موسیقی‌سینی دینله‌یردی. گولردی.

Bu öykücükün latincəsinidə mətləbin ardında oxuya bilərsiniz

آردي

+0 به‌ین

گؤنده ريليب تاريخ شنبه 30 شهریور 1392يازار بولاق

آجی گونلر

تانریم یاشایشین ازل گونوندن
نه‌لر چكتیرمه‌یه یاراتمیش منی
حایات گوزه‌للییین الیمدن آلدی
آجی چكدیرمه‌یه یاراتمیش منی


آردي

+0 به‌ین

گؤنده ريليب تاريخ پنجشنبه 28 شهریور 1392يازار بولاق

اوشاغین آغریسی نه آغیردی اوی
ایچیمین اوغروسو نه فاغیردی اوی
منی ایچریمه كیم چاغیردی اوی
كئشكه گلمه‌یه‌یدم اؤزومه ایندی
بو منده یاشایان او اؤزگه كیمدی

آردي

+0 به‌ین

گؤنده ريليب تاريخ چهارشنبه 27 شهریور 1392يازار بولاق

شهریورین ایرمی‌آلتی‌سی دونیا شؤهرتلی اوستاد شهریارین اؤلوم گونو مناسبتینه آدلانان شعر و ادب گونونو بوتون شاعیر و یازارلارا تبریك دئییب سیزی اوستادین بیر غزلینه قوناق ائدیریك.

ائوده بیر ایل آه چكیرم خبر یوخ
ائودن چیخام من او یانا یار گلیر
تای توشلاریم چوله چیخا گون چیخار
من چیخاندا یاغیش گئدن قار گلیر
یازیق گؤزوم آجلیغا دوز داریخما
بوگون سحر باهار گلیر بار گلیر


آردي

+0 به‌ین

گؤنده ريليب تاريخ سه شنبه 26 شهریور 1392يازار بولاق

یاشاتمادیغیم اوشاقلیق چاغلاریندان

یادلار اولاركن، اولمادیغیم‌دان

یادلار گؤرركن، گلیشدیره بیلمدیغیم‌ده

اورتاق بیر یازدان اولان دویغولاریمدا

عینی قایناغدان توتمادیغلاریم‌دان

كدرلریم، آییلدا بیلمدیغیمده

سئوینجلریم كؤنلومده سسلشدیرمه‌ییم‌ده

سئودیكلریمی یالنیزلیقدا سئودیغیم‌ده


Bu şeirin ingiliscəsi və latincəsinidə mətləbin ardında oxuya bilərsiniz


آردي

+0 به‌ین

گؤنده ريليب تاريخ دوشنبه 25 شهریور 1392يازار بولاق
سئوگینین باش آغریسی توتاندا

سئوگینین باش آغریسی توتاندا
اؤرتویومو آچاراق یومورام گؤزلرینی
و ساچلاریمین قاپ قارانلیغیندا یاتیردیرام اونو
هئچ بیر كودئیین زهرلییینی دادیزدیرمادان
سئوگینین باش آغریسی توتاندا
ایچیم نیظامی حوكومت گونلرینی آنیمسادیر
اوره ییم چیق-چیق چیققیلداییر


آردي

+0 به‌ین

گؤنده ريليب تاريخ یکشنبه 24 شهریور 1392يازار بولاق

سندن سونرا

آنادولو توركجه‌سیندن اویغونلاشدیران:
بولاق

بیلیرسنمی، آرتیق شعر یازماق گلمیر ایچیمدن. سانكی قورتاردی سؤزلریم، نه واخت آغزیمی آچسام جمله‌لر پارا-پارا تؤكولور دیلیمدن.
بوراخدیم آرتیق سنی یازماغی سویا، آتشه. سن هئچ دئییلمه‌میش بیر سؤزایدین بلكه ده. ایشین اصلی، بو آیریلیغی دا سیغدیرا بیلمیرم هئچ بیر شعره.
اوستومه سیخینتی قوسور زامان. بو گونلرده مجبور اولمایینجا چؤله چیخمیرام. اؤزومو كئچمیشیمده بوراخا بیلسئیدیم كاش كی. هارا گئتسه‌م اؤزومه توتولورام. سندن سونرا بیر آز داغیلدیم یقین، ائوین داغینیقلیغی دا اوندان.

Bu öykücükün latincəsinidə mətləbin ardında oxuya bilərsiniz

آردي

+0 به‌ین

گؤنده ريليب تاريخ شنبه 23 شهریور 1392يازار بولاق
آنادولو توركجه‌سیندن اویغونلاشدیران: بولاق

1)

دار دونیا

اوره‌ییم گؤوده‌مه سیغمیر
گؤوده‌م اوتاغیما
اوتاغیم ائویمه سیغمیر
ائویم دونیایا
دونیام كائیناتا سیغمیر
پارتلایاجاغام

Bu şeirin latincəsinidə mətləbin ardında oxuya bilərsiniz

آردي

+0 به‌ین

گؤنده ريليب تاريخ جمعه 22 شهریور 1392يازار بولاق

درنه‌ییمیزین سئویملی و یئتنكلی عضوو مهسا صباغی نین كنكور دا اوغور قازانماسی و یاخشی بیر رتبه ایله سراسری دانشگاه دان قبول اولماسینی بولاق طرفیندن اونا و عزیز عائیله‌سینه اؤزللیكله حؤرمتلی آناسی سحرخانیما تبریك دئییب، آشاغیداكی یازی‌نی بو موناسیبتله اوخوجولاریمیزا سونوروق.
(سایغی‌لا ایلقار موذن‌زاده)

آنادولو توركجه‌سیندن اویغونلاشدیران: بولاق

بؤیوك داشلار
پروفوسور كیلاسا كئچیب قارشیسینداكی، دونیانین ان سئچیلمیش اؤیرنجی‌لرینه قیسا بیر مدت باخدیقدان سونرا، بو گون زامان یؤنه‌تیمی(مدیریت زمان) قونوسوندا تجروبه‌یله قاریشیق بیر امتحان ائده‌جه‌ییك دئدی. كورسو*نون آلتیندان بؤیوك بیر قاب چیخاریب آردیندان یومروق بؤیوكلویونده داشلاری گؤتوروب بؤیوك بیر دیققتله داشلاری قابین ایچینه یئرلشدیرمه‌یه باشلادی.

Bu yazının latincəsinidə mətləbin ardında oxuya bilərsiniz

آردي

+0 به‌ین

گؤنده ريليب تاريخ پنجشنبه 21 شهریور 1392يازار بولاق
1 | 2 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ