لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

چئویرن: ایلقار موذن‌زاده

باتی فلسفه‌سی اؤز تاریخی گئدیشینین سونوندا، متافیزیکی بیر اومودسوزلوق الده ائدیر. اومودسوز ادبییات ایییرمینجی یوزایللییین ایکینجی اون‌ایللیییندن «کافکا»، «بکت»، «کامو»، «یونسکو» و «اورول»ین اثرلری ایله، غالیب بیر یؤنده باتی‌نین چاغداش ادبی گلنه‌یینه چئوریلدی. 


آردي

+0 به‌ین

گؤنده ريليب تاريخ سه شنبه 21 بهمن 1399يازار بولاق

رومانتیک آخیمینا باغلی فرانسیز شاعیر، رومانچی، پیئس یازانی‌دیر.

عشق کی سئوگیلی قیزیم...

عشق کی سئوگیلی قیزیم، آینایا بنزر اَن چوخ،
باخماغا باییلیرلار گؤزل و شیک بایانلار
باخدیقجا دوش قورورلار، موتلو اولورلار.
آیناداکی گؤرونتولری سئحر ائدر اونلاری؛
کؤتولوکدن گوناهدان آرینیر اورکلری
روحلاری دوپ دورو آغ بیر صفحه‌یه جان آتار.
ساقین ائنمه‌یه قالخما یوخسا آیاغین زویویر؛
توتوناجاق دال یوخسا اوچوروم گؤزلر سنی
دیره‌نه بیلمزسن قاپیلیر یوخ اولارسان بورولغاندا،
عشق کی گؤزلدیر قیزیم، صاف آمما اؤلوملودور
سنین کیمی کیچیک یاشدا آخینتییا قاپیلانلار
اؤز یانسیمالارینی گؤرور، یانار، بوغولور.

آردي

+0 به‌ین

گؤنده ريليب تاريخ سه شنبه 14 بهمن 1399يازار بولاق

گنوس(Gnosis) «عرفان و معرفت» آنلامیندادیر. مسیحیّتین ایلک دوغوشوندا یایغینلاشسا دا، چوخ اسکی بیر کئچمیشی واردیر. یونانلی‌لارین «گنوس»دان الده ائتدییی آلینتی‌لار فلسفی، عقلانی و استدلالی ایدی. بو آلینتی‌لار عقل و شعورون واسیطه‌سی ایله الده اولوردو. آمما مصر، سوریه، ایران و دوغو اؤلکه‌لرینده عقل ایله استدلال دئییل، دینی، عرفانی، شهودی، اشراقی بیر «بینش» ایله باش وئریردی دئمک.

آردي

+0 به‌ین

گؤنده ريليب تاريخ دوشنبه 6 بهمن 1399يازار بولاق
بیرینجی دونیا ساواشیندان قاباق و اوندان سونرا

«کوبیسم» و «دادائیسم»

«کوبیسم» ادبییاتا کئچمه‌میشدن اؤنجه، رسساملیقدا ظهور ائتدی. کوبیسم مکتبینی «پیکاسو»، «براک»، «درن» و بونلارین بیر نئچه ایزله‌ییجی‌لری یاراتدیلار. 
«کوبیست»لر رسیملرینده، گؤزه گؤرونن پدیده‌لردن علاوه، گؤزه گؤرنمز یئرلری‌ ده گؤستریرلر. دئمک هر بیر شئیین بوتون یؤنلری ایله اساسی عنصرلارینی بیر آندا تجسم ائتمه‌یه چالیشیرلار. بئله‌لیکله، کوبیستلر رَسیمی گئرچکدن اوزاقلاندیریرلار.

آردي

+0 به‌ین

گؤنده ريليب تاريخ چهارشنبه 1 بهمن 1399يازار بولاق

بیر دفعه «نیو تایم» ژورنالی‌نین رئداکتورو «استیو موس» اَن قیسا حئکایه مسابقه‌سینی کئچیرمک ایسته‌دی. لاکین بو، داغینیق جمله‌لر دئییل، ۵۵ سؤزدن عبارت، سوژه‌لی، پئرسوناژلی و قفیل سونلو متنلر اولمالی‌ایدی. رئداک‌سییایا او قدر حکایه گؤندریلدی کی، اونلارین اَن یاخشیلاری «دونیانین اَن قیسا حئکایه‌لری» کیتابیندا توپلاندی. بیر نئچه‌سینی بوردا اوخویورسوز:

گؤروش (نیکول وئدل) 

تئلئفون زنگ چالدی. 
- آللو، - قادین پیچیلدادی. 
- ویکتورییا، منم. گل بو گون گئجه‌یاریسی گؤروشک. 
- یاخشی، عزیزیم. 
- خاهیش ائدیر‌م، اونوتما، اؤزونله شامپاین گؤتور. 
- گتیرر‌م، عزیزیم، من بو گئجه سنینله اولماق ایسته‌ییرم. 
- تلس، منی گؤزلتدیرمه! - کیشی دئدی و تلفونو قاپاتدی. 
قادین کؤکسونو اؤتوروب گولومسه‌دی: 
- گؤره‌سن، او قادین کیمدی ... 

آردي

+0 به‌ین

گؤنده ريليب تاريخ یکشنبه 21 دی 1399يازار بولاق
مدرن رُمانین نئجه یارانماسی

مختلف هونرلر ایچینده، ادبییاتین فلسفه ایله یاخینلیغی داها چوخدور. نییه کی هر ایکیسی‌نین سؤیله‌مک ابزاری دیلدیر. ادبییاتلا فلسفه‌نین ایلیشگیسینه سبب اولان باشقا کاتئقوری ایسه، روایتدیر.

افلاطونون مکالمه‌لری آچیق آیدین شکیلده روایی‌دیر. ارسطونون درسلرینده‌کی نیطقلر ایسه، سطرلرده‌کی معترضله گیزلی بیر مکالمه‌نی قاباغا آپارماقدیر. 


آردي

+0 به‌ین

گؤنده ريليب تاريخ پنجشنبه 11 دی 1399يازار بولاق
چئویرن: بولاق

گؤز یوماندا بو دونیادان
اؤلوم لحظه‌مده ناقوس سسله‌نن آن
باش اوجوما گلمه‌ییب ده، قیناما
یالقیزجا دا
باجاریرام بو سارای‌دان گئتمه‌نی
کؤنلومجه‌دیر آچیق گؤزله، باش اوجا
بو سایاق شن، غالیبجه‌ من
الده سیلاح
دوشم تورپاق اوستونه
کولکلر، اوزاقداکی پتکلر میزیلتیسین
گتیره‌لر باش اوجوما

آردي

+0 به‌ین

گؤنده ريليب تاريخ پنجشنبه 4 دی 1399يازار بولاق
گونئی آفریقادا «پره‌توریا رژیمی» 1973 دن 1979 ایللرینه کیمی، «آندره بریک»ین کیتابلارینا یاییلماق مجوزینی وئرمیردی. نییه کی آندره بریک گونئی آفریقانین نژادپرستلیک سیاستلرینه گؤره اعتیراض ائدیردی. بئله‌لیکله آندره بریک یازماماق قرارینا گلمیشدی. 

آردي

+0 به‌ین

گؤنده ريليب تاريخ چهارشنبه 3 دی 1399يازار بولاق

پاییزین سونو ایله قیشین باشلانیشی آدلانان چیله گئجه‌سی، آذربایجاندا اؤزل فلسفه‌یه عائید بیر گئجه‌دیر. ایلین لاپ اوزون گئجه‌سی آدلانان بو گئجه، قیرخ گون داوام ائدیر. بونا بؤیوک چیله دئییر. سونرا ایسه اییرمی گونلوک کیچیک چیله گلیر. «چیله» قیرخ گونه ایشاره ائدن بیر کلمه کیمی، گونشدن لاپ اوزاق نوقطه‌ده، کامانین اورتاسینداکی چیلله‌دن بوراخیلان اوخ کیمی‌دیر. (فارسجادا چله کمان) قیشین لاپ اوزون گئجه‌سی اولان بو نوقطه‌ده، سویوق آللاهلاری گؤیدن شاختانی اوخ کیمی یئره توش توتور. فونولوژی ایله دیلچیلیک باخیمیندان، قیشدا طبیعتین چیل دوشدویو اوچون، بو نوقطه‌یه «چیله گئجه‌سی» دئییر.



آردي

+0 به‌ین

گؤنده ريليب تاريخ دوشنبه 1 دی 1399يازار بولاق
دیل مساله‌سی

ادبیات آدلانان مقوله‌نین «دیل» اوزه‌رینده یارانماسی دانیلمازدیر. ادبییاتی ذاتاَ دیل سرحدلرینی پوزان بیر فئنومئن کیمی نظرده آلساق دا، هر حالدا دیلدن ائشیک ادبییاتین اولماماسینی قبول ائتمه‌لیییک.

بیر باشقا شئیین آرتیریلیب اسکیلمه‌سی ایله بیرلیکلده دئمک ادبییات همان دیلدیر. و بو باشقا شئیی تانیماق اوچون، #دیلی_تانیماق لازیم. 


آردي

+0 به‌ین

گؤنده ريليب تاريخ شنبه 29 آذر 1399يازار بولاق
1 | 2 | 3 | 4 | 5 | 6 | .. | 39 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ