لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

بوگون آذربایجانین تانینمیش و سئویملی شاعیرلریندن بیری اولان، اوستاد «نادیر ایلاهی»نین دوغوم گونودور. «بولاق درنه‌یی» طرفیندن بو گؤزل اولایی تبریك دئییریك. نه یاخجی كی سن گلدین بو دونیایا اوستاد...


بئله‌لیك‌له سیزی اوستاد «نادیر ایلاهی‌»دن بیر غزله قوناق ائدیریك:

تورپاغام

تورپاغام ، ائللرین آغلار آلایی وار منده
گؤزو یاشلی آرازی، آرپا‌چایی وار منده

بایاتی داغلی سینمدن اومانیم، قوی اومسون
بیر چیچك هر دره‌نین نغمه پایی وار منده

یایلیغیندان ال آتیب دَرمَه‌میشم...سئودیجه‌ییم
ائللرین گوللو یازی، گوللو پایی وار منده

آردي

+0 به‌ین

گؤنده ريليب تاريخ جمعه 9 آبان 1393يازار بولاق

بیر گون ،
تانری اؤزویله شاهمات اوینایاندا
بیر سنی یاراتدی بیر منی
آغ،قارا
آغ ائولر،قارا ائولر

اوردو قوردوق قارشیتلاریمیزلا

قالالار سالدیردیق
یاراقلاندیق
و یاشاماق باشلاندی قارالاردا و آغلاردا.

ایلك كره،

اوخو یاییندا داریخمیش
بیر جوت عسگرینه توش گلدیم.
او گؤزلرینین
سارسیدیجی سالدیریسی‌یلا باشلادی هر شئی.

آردي

+0 به‌ین

گؤنده ريليب تاريخ جمعه 9 آبان 1393يازار بولاق

هر هفته كی كیمی بو جلسه‌ده كئچمیش جلسه‌لردن داها گوجلو و داها سانباللی قورولدو. بو هفته دؤرد نفر عضولاردان اؤیكو اوخودو:

خانیم قاسیمی، یعقوب رنجبر، حامید صالح زاده و درنه‌ییمیزین تزه عضوو ناهید عباسی...

بو جلسه اوستاد فرزانه‌وش ده بیر فیلمنامه اوخودولار.
آردي

+0 به‌ین

گؤنده ريليب تاريخ چهارشنبه 7 آبان 1393يازار بولاق

بولاق درنه‌یی طرفیندن اوستاد «علیرضا ذیحق»ین دوغوم گونونو تبریك دئییب، سیزی اوستاد ذیحق دن بیر حئكایه اوخوماغا دعوت ائدیریك

قاچاق قیز

باهارین گونش لی بیر ناهار چاغی سی ایدی . لاله پاركیندا اوتورموشدوم و گودوردوم كی بیر ساعات كئچه و گئده م ایشیمین دالیسیجا .یانیم دا بیر قیز اوتورموشدوكی چوخ نیگران گؤرسه نیردی .الیم ده كی كیتابلاری ورق لی ییب باخسام دا فیكریم او قیزدایدی .بیرآن گؤردوم دوردی و گئتدی اوزاغا . بیرینه بیرزاد وئردی و قاییتدی . نظریمه گلدی كی اویوشدوروجو اولا . چالیشدیم كی بیله سینی دیله توتام گؤرم نئینی ییر. اوّل ده بیله مه اوز وئرمه دی آمما چوخ چكمه دی كی دیله گلدی . چوخ ساده و صمیمی دانیشدی . گؤزلری نین یاشی  اوزونده پارلاركن او حیاتینی بئله آنلاتدی :

آردي

+0 به‌ین

گؤنده ريليب تاريخ چهارشنبه 7 آبان 1393يازار بولاق

(1)

من‌ده یالان سؤیله‌یه بیله‌رم
اونوتمادیم ائتدیكلرینی
بیلیرسن، بیلیرم
یالنیز مزار تورپاغی سپدیم
اؤره‌ییمه
سرینله‌سین دئییه

(2)

آزادلیق
 
ایللردیر هر كس
او بیر گون گله‌جك دئییب‌لر
من‌سه
بیر ساختا اومید اوسته
گلیرسن دئییه
گؤزلریم یولدا قالدی
قالدی و قوجالدی گؤزلریم
سیغیندی گؤزلوكلره
سن گلمه‌دین

آردي

+0 به‌ین

گؤنده ريليب تاريخ سه شنبه 6 آبان 1393يازار بولاق

(1)

هاواداندا كئفله‌نیرم
سوداندا
بیر قوشون اوچوشونداندا
اللرین اللریمده اولان زامان.

(2)

نه یاخجی كی یاغیش یاغیر
یارپاقلار ایسلانیر
قوشلار ایسلانیر
من ایسلانیرام
سن ایسلانیرسان
و كیمسه بیلمیر اوزوموده كی یاش
یاغیشداندیرمی
یا آیریلیقدان.

آردي

+0 به‌ین

گؤنده ريليب تاريخ دوشنبه 5 آبان 1393يازار بولاق

بویلو بیر قادین
آختاریر وارلیغین سون ایزلرینی
ایتمیش خیالیندا
قورخویا اوخشار آجی دویغو
بوروموش توتغون بنیزین
سولغون دوداقلاری گیزلی بیر ایبهام داشیییر
پوزغون باخیشلاریندا دویولماز بیر سس
منی سسله‌ییر
پایلاشماق ایسته‌ییر منیمله بوتون یوخلوق‌لاری
بیر گئجه سئویشمه‌یین یوكو اونون چیینینده
بیر سورو سورگون باخیش‌لار اونون آردیندا

آردي

+0 به‌ین

گؤنده ريليب تاريخ یکشنبه 4 آبان 1393يازار بولاق

جیار چیخاردان...

تقریبنن ایرمی ایل زاد اؤنجه یانی منیم سككسز-دوققوز یاشیمدا كندیمیزده های دوشموشدو كنده جیار چیخاردان گلیب، اونا دایاناراق كیمسه گون باتاندان سونرا اوره‌ك ائلییه بیلمیردی كؤوشنده قالا! مالچی، بیچینچی، درگزچی و ... هامیلیغا گون باتاناجاق ائوه قاییتمالی ایدیلار. بو جیار چیخاردان شوقریب‌ده نه ایدیسه گئجه‌لر چیخیردی "جیار چیخارتماغا"!

یازیق گئجه سو نؤبتی اولانلار! چوخو قورخودان یئر سووارماغا گئتمیردی و بعضی لری دؤرد-بئش یاندان گئدیردیلر و ایتی اولانلار ایت آپارماقدان قیسمتسیز اولموردولار.

آردي

+0 به‌ین

گؤنده ريليب تاريخ یکشنبه 4 آبان 1393يازار بولاق

درنه‌ییمیزین سئویملی عضولاریندان بیری اولان «مهسا ابراهیمی»نین دوغوم گونونو تبریك دئیه‌رك...

چئویرن: بولاق


آغاجلاری دوشونورم
او گونلری كی
كولك كیمی سوووشور
و بو شهرین گؤیلری‌نین
باش گیجه‌لمه‌سینی دوشونورم.

زیلله‌نیرم
قالدیریملارین اؤسگورتوسونه
هانسیسا دویولماز آغریلار خیشیلداییر قولاغیمدا،
بو خیابان
بیر ائركه‌یین قوجاغیندان بویلو
من اوچون آغری دوغور.

آردي

+0 به‌ین

گؤنده ريليب تاريخ شنبه 3 آبان 1393يازار بولاق

به مناسبت ایام محرم، سوگواره داستان‌نویسی با موضوع «محرم و عاشورا» در اداره ارشاد مشگین‌شهر برگزار خواهد شد. مهلت ارسال آثار تا 22 آبان ماه می‌باشد. سوگواره داستان‌نویسی در دو بخش بالای سی سال و زیر بیست‌و‌نه سال و به دو زبان تركی آذربایجانی و فارسی می‌باشد. حجم داستانهای ارسالی بایستی كمتر از 6 صفحه A4 باشد.

آردي

+0 به‌ین

گؤنده ريليب تاريخ شنبه 3 آبان 1393يازار بولاق
1 | .. | 15 | 16 | 17 | 18 | 19 | .. | 39 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ