Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
قاچاق قیز
باهارین گونش لی بیر ناهار چاغی سی ایدی . لاله پاركیندا اوتورموشدوم و گودوردوم كی بیر ساعات كئچه و گئده م ایشیمین دالیسیجا .یانیم دا بیر قیز اوتورموشدوكی چوخ نیگران گؤرسه نیردی .الیم ده كی كیتابلاری ورق لی ییب باخسام دا فیكریم او قیزدایدی .بیرآن گؤردوم دوردی و گئتدی اوزاغا . بیرینه بیرزاد وئردی و قاییتدی . نظریمه گلدی كی اویوشدوروجو اولا . چالیشدیم كی بیله سینی دیله توتام گؤرم نئینی ییر. اوّل ده بیله مه اوز وئرمه دی آمما چوخ چكمه دی كی دیله گلدی . چوخ ساده و صمیمی دانیشدی . گؤزلری نین یاشی اوزونده پارلاركن او حیاتینی بئله آنلاتدی :
"آنالیق محبتی بیر سئوگی دیر كی تكجه ناغیل لاردا ائشیتمی شم و اؤزگه لرین حیاتیندا گؤرموشم .گؤزومو آچاندان آنالیق الین ده اسیر اولوب وفقط یامان یوغوزدور كی ائشیتمی شم .آتام دا بیر شوفر دیر كی گئجه گوندوزو چؤللرده كئچیری. ائو دن قاچماق فیكری ده هم مه شه من ایله وارایدی. تكجه بیر دوستوم و سیرداشیم ریحانه ایدی . اونو ندا اوره یی دولوایدی . آمما من دن اوره ك لی ایدی . اوبوننان رابیطه سی اینانیلماز ایدی . گئتدی یی پارتی لری و یولداش بازلیق لاری ، اونو منیم گؤزوم ده بؤیودوردی . بیله می قورشالیردی كی من ده اونا قاتیشام . آمما اوره ییم راضی اولموردی . دونیالاریمیز فرق لی ایدی . پوللو بیر عائیله دن ایدی و آتا آناسی دا هره اؤزدونیاسینی یاشاییردی . ریحانه یه چوخ باش قوشموردولار . حیات اونون گؤزونده باللی بیر قابا بنزه ییردی كی گرك ذره – ذره اونو شیرین لیغینی داداردی .آمما منیم یاشاییشیم بیر معجون ایدی كی آجی لاردان و یوخسول لوقلاردان دوزه لمیشدی و گرك كی آجی لاری داداردیم . ایكی یاشیندایدم كی آنام بوشانمیشدی وایندی ده ایل ده بیر یول آنجاق بیله سینی گؤره بیلیره م . تقدیر اونو ندا طالعینی قارا یازمیشدی .
ریحانه اؤزجسارتی و قورخمازلیغی لا ائله بیر یاشام طرزینی خاطیرلادیردی كی آدامی وسوسه ائدیردی . قاچماق فیكرینی سالمیشدی منیم بئینیمه و فورصت دالیجایدیم . تاكی بیر گون بیر قوناقلیق دان باش آچدیم . اوغلان قیز قاریشیق ایدی و سحره جان چالیب اویناماق ایدی . او گئجه نی سحره یاخین ائوه گئتدیم . آنالغیم دا ائله گؤرونجه منی باسدی یامان یوغوزا. آغزین نان چیخانی منه دئسه ده من سوسدوم . گونلر كئچسه ده ارتباطیمی چوخالتمیشدیم . اوقوناق لیق دا بهمن آدلی بیر ایله تانیش اولموشدوم كی رئیحانه نین دوستو ایدی . قولاغیما ائله سؤزلر پیچیلداییردی كی سانكی یئردن گؤیه جان منه عاشیق ایدی . بالا – بالا آیاقیم آچیلدی بهمن ین ائوینه و بیرزامان گؤزومو آچدیم كی گؤردوم ایش ایش دن كئچیب دی . ائودن قاچمیشدیم . دوشموشدوم اعتیادا و اویوشدوروجو سوز یاشایانمیردیم . هرنه شر و خلاف دئسه ن اوندا وارایدیم . ائله یئرلردن باش چیخاردیردیم كی بهمن ین یانیندا یاشاماق ، بوتون آجی لارا گؤره گینه امنیت لی ایدی .
ایندی یه جان نئچه یول توتوقلاسالاردا یئنه سربست بوراخیبلار و ایشیم اویویشدوروجو ساتماق و كیشی لری نن یولداش لیق ائتمك دی . بهمن ده گؤزقولاق دی كی قازانجیمی اوننان بؤلوم ."
باهارین گونش لی بیر ناهار چاغی سی ایدی . لاله پاركیندا اوتورموشدوم و گودوردوم كی بیر ساعات كئچه و گئده م ایشیمین دالیسیجا .یانیم دا بیر قیز اوتورموشدوكی چوخ نیگران گؤرسه نیردی .الیم ده كی كیتابلاری ورق لی ییب باخسام دا فیكریم او قیزدایدی .بیرآن گؤردوم دوردی و گئتدی اوزاغا . بیرینه بیرزاد وئردی و قاییتدی . نظریمه گلدی كی اویوشدوروجو اولا . چالیشدیم كی بیله سینی دیله توتام گؤرم نئینی ییر. اوّل ده بیله مه اوز وئرمه دی آمما چوخ چكمه دی كی دیله گلدی . چوخ ساده و صمیمی دانیشدی . گؤزلری نین یاشی اوزونده پارلاركن او حیاتینی بئله آنلاتدی :
"آنالیق محبتی بیر سئوگی دیر كی تكجه ناغیل لاردا ائشیتمی شم و اؤزگه لرین حیاتیندا گؤرموشم .گؤزومو آچاندان آنالیق الین ده اسیر اولوب وفقط یامان یوغوزدور كی ائشیتمی شم .آتام دا بیر شوفر دیر كی گئجه گوندوزو چؤللرده كئچیری. ائو دن قاچماق فیكری ده هم مه شه من ایله وارایدی. تكجه بیر دوستوم و سیرداشیم ریحانه ایدی . اونو ندا اوره یی دولوایدی . آمما من دن اوره ك لی ایدی . اوبوننان رابیطه سی اینانیلماز ایدی . گئتدی یی پارتی لری و یولداش بازلیق لاری ، اونو منیم گؤزوم ده بؤیودوردی . بیله می قورشالیردی كی من ده اونا قاتیشام . آمما اوره ییم راضی اولموردی . دونیالاریمیز فرق لی ایدی . پوللو بیر عائیله دن ایدی و آتا آناسی دا هره اؤزدونیاسینی یاشاییردی . ریحانه یه چوخ باش قوشموردولار . حیات اونون گؤزونده باللی بیر قابا بنزه ییردی كی گرك ذره – ذره اونو شیرین لیغینی داداردی .آمما منیم یاشاییشیم بیر معجون ایدی كی آجی لاردان و یوخسول لوقلاردان دوزه لمیشدی و گرك كی آجی لاری داداردیم . ایكی یاشیندایدم كی آنام بوشانمیشدی وایندی ده ایل ده بیر یول آنجاق بیله سینی گؤره بیلیره م . تقدیر اونو ندا طالعینی قارا یازمیشدی .
ریحانه اؤزجسارتی و قورخمازلیغی لا ائله بیر یاشام طرزینی خاطیرلادیردی كی آدامی وسوسه ائدیردی . قاچماق فیكرینی سالمیشدی منیم بئینیمه و فورصت دالیجایدیم . تاكی بیر گون بیر قوناقلیق دان باش آچدیم . اوغلان قیز قاریشیق ایدی و سحره جان چالیب اویناماق ایدی . او گئجه نی سحره یاخین ائوه گئتدیم . آنالغیم دا ائله گؤرونجه منی باسدی یامان یوغوزا. آغزین نان چیخانی منه دئسه ده من سوسدوم . گونلر كئچسه ده ارتباطیمی چوخالتمیشدیم . اوقوناق لیق دا بهمن آدلی بیر ایله تانیش اولموشدوم كی رئیحانه نین دوستو ایدی . قولاغیما ائله سؤزلر پیچیلداییردی كی سانكی یئردن گؤیه جان منه عاشیق ایدی . بالا – بالا آیاقیم آچیلدی بهمن ین ائوینه و بیرزامان گؤزومو آچدیم كی گؤردوم ایش ایش دن كئچیب دی . ائودن قاچمیشدیم . دوشموشدوم اعتیادا و اویوشدوروجو سوز یاشایانمیردیم . هرنه شر و خلاف دئسه ن اوندا وارایدیم . ائله یئرلردن باش چیخاردیردیم كی بهمن ین یانیندا یاشاماق ، بوتون آجی لارا گؤره گینه امنیت لی ایدی .
ایندی یه جان نئچه یول توتوقلاسالاردا یئنه سربست بوراخیبلار و ایشیم اویویشدوروجو ساتماق و كیشی لری نن یولداش لیق ائتمك دی . بهمن ده گؤزقولاق دی كی قازانجیمی اوننان بؤلوم ."
0باخيش