این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

آكواريوم

دنيزلرين گون‌اورتادان سونرا ساعات 4-5دن گون‌باتانا كيمي بوياسي اولان بير بويادا جيليدي اولان كيتابي اوخوياركن بعضن‌ده باشيني ساغا چئويريب اويناغان باليقلا‌رينا باخيردي. چوخ چكمه‌دي كيتابي بوكوب، اؤنونده اولان ماسانين اوستونه قويوب، ديزلريني قوجاقلاييب آكواريومون ايچينه جومدو. جوماركن اؤز-اؤزو ايله دئدي:
-‌ هن، قويروق بولايين، كئف‌ده، ياشاماق‌دا، دونيادا سيزينكي دي. نه يئمك فيكري نه‌ده غم-غصه. هر نه قاباغينيزدا حاضيردي.
سونرا فيلمه باخاركن يوخويا گئدن آداملارا تاي، هئچ بيلينمه‌دي نه زامان يوخويا گئديبدير. او، يوخودا گؤردو، باليق اولوب دوشوب اؤز ائوينده‌كي آكواريومون ايچينه. گؤردويونو اينانماييردي. آز قاليردي گؤيلره قاناد آچيب زيروه‌‌لرده اوچاق قوشلار كيمي اودا قاناد چيخاريب اوچسون. اؤزونو آكواريوم‌داكي داشلاريني بيرينه چاليب باليق اولدوغونو ايناندي.

آردي

+0 به‌ين

گؤنده ريليب تاريخ یکشنبه 2 آذر 1393يازار بولاق

چئويرن: بولاق

1. بوتون موتلو عائيله‌لر بيربيرينه بنزه‌يير، آمما هر موتسوز و بدبخت عائيله اؤزونه مخصوص بدبختليكلري وار. («آناكارنيا» نوشته لئو تالستوي / ۱۸۷۸)

2. بو حقيقتي بوتون دونيا قبول ائدير كي وارلي و سوباي بيريسي اؤزونه حايات يولداشي آختارمالي‌دير. («غرور و تعصب» نوشته جين آستين / ۱۸۱۳)

آردي

+0 به‌ين

گؤنده ريليب تاريخ جمعه 31 مرداد 1393يازار بولاق

كؤچوروب اويغونلاشديران: بولاق

شهرين هر يئرينده توپا-توپا آداملار واردي اونلار سئوينير، آتيليب-دوشور، بير-بيريني قوجاقلاييب تبريك ائديرديلر. ائله بيل اونلاري هلي‌كوپترله ياپيشقان محلول كيمي گؤيدن يئره توللاييب‌لار، گونشين آلتيندا قاليب قوروياندان سونرا ياپيشديقلاري يئردن قوپوبلار.
كوچه‌لر سينيق بطري‌لر، پيوه بانكالاري بوش سيگار قوتولاري، گونه‌باخان دنه‌لرينين قابيقلاري ايله دولو ايدي. كيم آغزيني آچيردي ايچيندن سؤز هورراسي تؤكولوردو. آداملار بير-بيرينين اوزونه توپوره-توپوره دانيشيرديلار. يوخ، اونلار بونو قصداً ائتميردي، ساده‌جه، سئوينديكلريندن توپورجك ايفاده‌لردن قاباق ائشيه چيخيردي. اما بيري ده اليني آتيب اوزونو سيلميردي، يادا اليني او بيري‌سينين اوزونه آتيب اونا «آدام بالاسي كيمي دانيش» دئميردي.

Bu öykünün latincəsini mətləbin ardında oxuya bilərsiniz

آردي

+0 به‌ين

گؤنده ريليب تاريخ چهارشنبه 30 بهمن 1392يازار بولاق

كَدَر

يازار: آنتوان چخوف
چئويرن: ايلقار خياولي

آخشام‌دي. قارين سولو ايري دن‌لري تزه‌جه يانديريلان فنرلرين باشينا دولانيب آستاجا يوموشاق، اينجه اؤرتوك كيمي شيرواني داملارين اوستونه، آتلارين بئلينه و يولچولارين چيگين و بؤركونه قونوردو. آت‌داشقاسي سوروجوسو يوآن پوتاپوف، باش‌دان آياغا قارا بورونوب، روحا بنزه‌ييردي.

آردي

+0 به‌ين

گؤنده ريليب تاريخ پنجشنبه 16 آبان 1392يازار بولاق

آلمانجادان چئويرن: دوكتور رئزو علي‌يو
كؤچوروب اويغونلاشديران: ايلقار خياولي


بدبخت اولماق

آرتيق دؤزولمز اولدوقدا – بو بير نووامر آييندا باش وئرميشدي – من اوتاغيم‌داكي ائنسيز پالازين اوستونده قاچيش زولاغيندا اولدوغو كيمي او طرف بو طرفه قاچيرديم و پنجره‌دن ايشيقلانميش كوچه‌ني گؤردوكده قورخوردوم، گئريه دؤندوم و اوتاقداكي گوزگونون درينلييينده سونراكي هدفي آلديم و قيشقيرديم...

آردي

+0 به‌ين

گؤنده ريليب تاريخ دوشنبه 13 آبان 1392يازار بولاق

چئويرن: گول شاهين

آذربايجان توركجه‌سينه اويغونلاشديران: بولاق
(شاهكاري از ادگار آلن پو)

ايكي‌اوزلو اورك


دوغرو! سينيرلي‌ايديم(عصبي‌ايديم)، پيس عصبي‌ايديم، هله ده ائله‌يم اما دلي اولدوغومو دا هارادان چيخاريرسيز؟ خسته‌ليييم دويغولاريمي ايتيلشديرميشدي، آمما خاراب ائتميش يا دا كؤورلتميش(بدنين ضعييفله‌ييب قوروماسي) دئييل‌دي. هاميسيندان قيراق اولان، ايتي ائشيتمه دويغوسو ايدي. جننت‌ده‌كي و دونياداكي بوتون سسلري ائشيديرديم. جهنم‌دن گلن بير چوخ سسي ائشيديرديم. سؤيله‌سه‌نيز، نئجه دلي اولا بيلرم؟ قولاق آسين و نئجه اوستاليقلا - نئجه ساكينجه سيزه بوتون ناغيليمي دئييرم، گؤرون.

Bu öykünün latincəsinidə mətləbin ardında oxuya bilərsiniz

آردي

+0 به‌ين

گؤنده ريليب تاريخ چهارشنبه 8 آبان 1392يازار بولاق

سندن سونرا

آنادولو توركجه‌سيندن اويغونلاشديران:
بولاق

بيليرسنمي، آرتيق شعر يازماق گلمير ايچيمدن. سانكي قورتاردي سؤزلريم، نه واخت آغزيمي آچسام جمله‌لر پارا-پارا تؤكولور ديليمدن.
بوراخديم آرتيق سني يازماغي سويا، آتشه. سن هئچ دئييلمه‌ميش بير سؤزايدين بلكه ده. ايشين اصلي، بو آيريليغي دا سيغديرا بيلميرم هئچ بير شعره.
اوستومه سيخينتي قوسور زامان. بو گونلرده مجبور اولمايينجا چؤله چيخميرام. اؤزومو كئچميشيمده بوراخا بيلسئيديم كاش كي. هارا گئتسه‌م اؤزومه توتولورام. سندن سونرا بير آز داغيلديم يقين، ائوين داغينيقليغي دا اوندان.

Bu öykücükün latincəsinidə mətləbin ardında oxuya bilərsiniz

آردي

+0 به‌ين

گؤنده ريليب تاريخ شنبه 23 شهریور 1392يازار بولاق

زاپاس قيزلار


- به به سلام گولوم! اؤنجه مني  باغيشلا باشيم يامان قاريشميشدي فورصت اولمادي زنگ آچيب تشككور ائليه‌يم، چوخ گؤزل ايدي، ائله‌بيل بؤيوما بيچيلميشدي، رنگينده سئوديم اللرين آغريماسين، اينشاللاه سنين دوغوم گونونده جوبران ائدرم گوزومون گيله‌سي...
ايچي ايچيندن كئچن قيزين اوره‌يينده قند يوخ داش دا اريير!

آردي

+0 به‌ين

گؤنده ريليب تاريخ شنبه 14 اردیبهشت 1392يازار بولاق
اينسانليق

قورخماز بيريسي ايدي، قينامايان اولماسايدي تانريلادا ساواشماقدان اؤترو بولودلاريدا جيرماقلاياردي، وحشيجه‌سينه يوخ ها، يالنيز حاقق اوزه‌ره! ياني گؤرسهيدين بيريسينه ظولم اولور يوخسا بيريسيني اونون گؤزونون اؤنونده اينجيديرلر و اودا ساكيت اوتورا بير يئرده گؤردويونه اينانما؟؟؟!!!
آخي آي كيشي سنين آرواد اوشاغين يوخدومو؟ بئكارسان اونون–بونون سؤزونه، ايشينه، ساواشينا قاريشيرسان؟! آي ددم قوربان سن‌ده باشقالاركيمي اوتوراراق يالنيز، تاماشا ائت دا...

آردي

+0 به‌ين

گؤنده ريليب تاريخ جمعه 30 فروردین 1392يازار بولاق

مهسا 1369 دوغوملوسو، تورك ادبياتي اوغروندا اؤزل اولاراق شعرده چاليشماسي ايل ياريما ياخيندير. ايلك اؤيكوسونو بورادا اوخويورسونوز.


چين يوخو...

پاييزين اورتانجيل آيي ايدي. آغاجلاردان تؤكولن خزللرين خيشيلتي سسي بير ياندان و كوچه‌ني بوروموش هاي-كوي ايسه بير طرفدن اونو دئهشتلي يوخوسوندان آراييب " يوووووخ" دييه چيغيريب ديكسيندي.
قان ترين ايچينده بوغولوردو سانكي، آناسي بير ليوان سرين سو الينده باشينين اوستونه گليب اوتوردو.
- نه اولوب آي بالا، يوخو گؤرموشسن؟!
ايلك اؤنجه ليواني آناسينين اليندن آليب بير نفسه باشينا چكدي اوره‌يي آغزينا گليردي، ايضطيرابلي باخيشلاريني آناسينين گؤزلرينه تيكيب قفيلدن اينجه جيسميني اونون قوجاغيندا يئرلشديردي:
- هه آنا، يوخو گؤرموشم، قورخولو و داريخديريجي بير يوخو...!!!

آردي

+0 به‌ين

گؤنده ريليب تاريخ سه شنبه 1 اسفند 1391يازار بولاق
1 | 2 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ