Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
كؤچوروب اویغونلاشدیران: ایلقار خیاولی
بدبخت اولماق
آرتیق
دؤزولمز اولدوقدا – بو بیر نووامر آییندا باش وئرمیشدی – من اوتاغیم‌داكی
ائنسیز پالازین اوستونده قاچیش زولاغیندا اولدوغو كیمی او طرف بو طرفه
قاچیردیم و پنجره‌دن ایشیقلانمیش كوچه‌نی گؤردوكده قورخوردوم، گئریه دؤندوم
و اوتاقداكی گوزگونون درینلییینده سونراكی هدفی آلدیم و قیشقیردیم، سسیمی
ائشیتمك اوچون، بیلیردیم كی، اونا هئچ كیم های وئرمه‌یه‌جك و هئچ نه اونو
ضعیفلتمك ایقتیداریندا دئییل، او هئچ بیرمانع‌سیز اوجالیر و بوغولسا بئله
كسیلمیر، بو زامان دوواردا بیر قاپی آچیلدی، تلم-تله‌سیك آچیلدی، چونكو
تله‌سمك لازیم ایدی و داشلی كوچه‌ده‌كی آرابا آتلاری بئله، دؤیوشده
وحشی‌لشمیش آتلار كیمی كیشنه‌یرك دال آیاقلاری اوسته قالخدیلار.
تام قارانلیق، لامپلاری سؤنموش دهلیزدن روح شكلینده كیچیك بیر اوشاق تاپیلدی و قریبه ییرغالانان دؤشمه تاختاسی‌نین اوستونده آیاقلارینین اوجوندا دوردو. اوتاقداكی ظولمت اونون گؤزلرینی كور ائتدی و اللری ایله اوزونو اؤرتمك ایسته‌دی، آمما پنجره‌دن كوچه‌یه بویلانیب ساكیتلشدی. اورادا كوچه فنرلریندن قالخان ایشیقلی بوغ قارانلیغا باتمیشدی. اوشاق ساغ دیرسه‌یینی دووارا سؤیكه‌یه‌رك آچیق قاپی‌دا دایانمیشدی و ائشیكدن گلن هاوا آخینی اونون آیاقلارینی، بوینونو و تئللرینی سیغاللایاراق كئچیردی.
من بیر موددت اونا باخدیم، سونرا دئدیم سالام و سوبانین قارشیندان پئنجه‌ییمی گؤتوردوم، چونكو من اونون قارشیسیندا بئله یاری چیلپاق دوراسی دئییلدیم. من بیر آنلیق آغزیمی آچدیم كی، درین‌دن نفس آلیب هیجانیمی سؤندوره بیلیم. آغزیمین دادی قاچمیشدی، كیپریكلریم تیتره‌ییردی، قیساسی، منه ائله بیرجه بو گؤزله‌نیلن قوناق آز ایدی. اوشاق هله ده دووارین یانیندا اوول‌كی یئرینده دورموشودو، ساغ الینی دووارا باسمیشدی و یاناقلاری قیزارسادا بارماقلارینین اوجونو باسان آغاردیلمیش دووارداكی جوُدورلاردان دویماق بیلمیردی. من سوروشدوم:
- سیز امینسیز كی، منیم یانیما دوز گلیبسینیز؟ بو یانلیشلیق دئییل كی؟ بو بؤیوك ائوده یانلیشلیق همشه مومكوندور. منیم آدیم "ائله‌بئله"دیر، اوچونجو قاتدا یاشاییرام. دئمه‌لی سیزین گؤرمك ایسه‌دییینیز منم؟
- ساكیت، ساكیت، اوشاق دئدی، - هر شئی قایداسیندادیر.
- اوندا اوتاغا كئچین، من قاپینی اؤرتمك ایسته‌ییرم.
- قاپینی من ایندیجه اؤرتدوم. اؤزونوزه زحمت وئرمه‌یین.
- زحمت دئییل. آمما بو دهلیزده بیر دسته آدام یاشاییر، البتته اونلار منیم تانیشلاریمدیر؛ اونلارین چوخو بو چاغلاردا ایشدن قاییدارلار؛ اونلار هر هانسی بیر اوتاقدا صؤحبت ائشیدن كیمی، صؤحبته قاریشماق ایقتیداریندا اولدوقلارینی دوشونورلر كی، نه‌یین باش وئردییینین ایچینه یئتسینلر، بو بئله‌دیر. بورادا بیر شئی ائتمك مومكون دئییل. ایش گونو قورتاردی، اونلار بیر موددت آزاددیرلار؛ اونلار بوش بوش واختلارینی كیمه حسر ائتمه‌لیدیرلر؟ اونو دئییم كی، سیزین اؤزونوز ده بونو بیلیرسینیز. ایجازه وئرین قاپینی اؤرتوم.
- هه، نه اولسون كی؟ نه دانیشیرسینیز؟ مندن اولسا قوی بوتون بیناداكیلار ایچرییه كئچسینلر. یئنه ده تیكرار ائدیرم، قاپینی باغلامیشام، دوشونورسونوز كی، تكجه سیز قاپی باغلایا بیلرسینیز؟ من قاپینی آچارلا كیلیدله‌دیم بئله.
- اوندا هر شئی قایداسیندادیر. من باشقا هئچ نه ایسته‌میرم. آچارلا كیلیدله‌مه‌یه ائحتیاج یوخ ایدی. سیز كی، آرتیق بوراداسینیز، اؤزونوزو راحات حیسس ائدین. سیز منیم قوناغیمسینیز. من سیزی نه بورادا قالماغا، نه ده گئتمه‌یه زورلامیرام. من بونو دئمه‌لی ایدیم؟ سیز منی یاخشی تانیمیرسینیز؟
- یوخ، سیزین بونلارین دئمه‌یینیزه ائحتیاج یوخ ایدی. داها دوغروسو سیز بونو دئمه‌یه مجبور دئییلدینیز. من هله اوشاغام، بو سؤزلر نه‌یه لازیمدیر؟
- هئچ نه اولماز. البتته سیز هله اوشاق‌سینیز. آمما ائله‌ده بالاجا دئییل‌سینیز. سیز آرتیق بویا باشا چاتمیسینیز. اگر سیز قیز اولسایدینیز، منیمله بیر اوتاقدا یالقیز قالماغا ایجازه وئریلمزدیر.
- بو حاققدا ناراحات اولماغا دیمز. من دئمك ایسته‌ییردیم كی، من سیزی یاخشی تانیییرام، بو منه هئچ نه وعده ائتمیر، ساده‌جه سیزین یالان دانیشماغا چالیشماغینیزی آزالدیر. بونا باخمایاراق سیز منه تاعاروف ائدیرسینیز. قورتارین بو اویونو، قورتارین، خاهیش ائدیرم. بیرده كی، اونو دئییم من سیزی هر یئرده هر دورومدا تانیمییا بیلمیرم، اؤزللیكله ده بئله قارانلیق‌دا. یاخشی اولاردی كی، سیز ایشیغی یاندیرماغا ایجازه وئره‌سینیز. یوخ، اولماسا یاخشی‌دیر. هر حالدا سیزین منی هده‌له‌دیگینیزی اونوتمایاجاغام.
- نئجه!؟ من سیزی هده‌له‌دیم‌می!؟ بوش وئرین من سیزین نهایت بورادا اولماغینیزا چوخ سئوینیرم. من دئدیم نهایت، چونكو آرتیق چوخ گئجدیر. من سیزین بئله گئج گلمه‌یینیزی آنلایا بیلمیرم. اولا بیلر كی، من سئویندیگیمدن هیجانلی اولاراق بوش بوش شئی‌لر دانیشمیشام و سیز بونو دوز باشا دوشمه‌میسینیز. من بئله دانیشدیغیمی بوینوما آلیرام، من سیزی هده‌له‌میشم. آمما سیز آللاه سؤزو اوزاتمایین. آمما سیز بونا نئجه اینا بیلردینیز؟ سیز منی نئجه اینجیده بیلردینیز؟ سیز نه‌یه گؤره بورادا اولدوغونوز قیسا موددتی كورلاماغا چالیشیرسینیز. حتتا سیزه باخاندا كنار شخص بئله داها دیققتلی اولاردی.
- بونا اینانیرام، دئییرسن به بؤیوك بیر شئی اولوب! من البتته كی سیزه هر هانسی بیر یاددان داها یاخینام. بونو سیزده بیلیرسینیز آخی، بو نیگرانلیقلار نه‌یه لازیمدیر؟ سیز منه دئیین كی، اویون اویناییرسینیز، اوندا من او ساعات گئدرم.
- بئله؟ سیز بونو منه دئمه‌یه جورات ائدیرسینیز؟ چوخ قاباسینیز. اونوتمایین كی، سیز منیم اوتاغیم‌داسینیز. سیز بارماقلارینیزی دلی كیمی منیم دوواریما سورتورسونوز. منیم اوتاغیم، منیم دوواریم! بوندان علاوه سیزین دئدیكلرینیز تكجه اؤزباشینالیق دئییل، هم ده گولمه‌لیدیر. سیز دئییرسینیز كی، سیزین طبیعتینیز سیزی منیمله بئله دانیشماغا مجبور ائدیر. دوغوردان سیزین طبیعتینیز سیزی مجبور ائدیر؟ بونو ائشیتمك چوخ خوشدور. سیزین طبیعتینیز منیم‌كیدیر و اگر من سیزه طبیعی اولاراق نزاكت گؤرستمیشم‌سه، اوندا سیزده منه قارشی باشقا جور اولا بیلمزسینیز.
- بو نزاكتدیر؟
- من كئچمیشدن دانیشیرام.
- بیلیرسینیز من سونرا نئجه اولاجاغام؟
- هئچ نه بیلمیرم.
و من گئجه ماساسینا یاخینلاشدیم و اونون اوستونده‌كی شامی یاندیردیم. همین آندا منیم اوتاغیمدا نه گاز نه‌ده لامپ وار ایدی. من بیر موددت ماسانین قیراغیندا اوتوردوم، بوندان بئزه‌نه قدر، سونرا پالتومو گئییندیم، دیواندان پاپاغی گؤتوروب، شاملاری اوفوردوم. اوتاقدان چیخاندا اوتوراجاغین آیاغینا ایلیشدیم.
پیلله‌كن‌دن آشاغی ائنه‌نده بیزیم قاتدا یاشایان كیرایه‌چی ایله راستلاشدیم.
- یئنه ائودن چیخیب گئدیرسن، آوارا! – دئدی او، و ایكی پیلله آراسیندا تاریملانمیش آیاقلاری اوستونده دوردو.
- بس نئینه‌ملییم، - سوروشدوم. – ایندیجه منیم اوتاغیمدا روح وار ایدی.
- سیز بونو ائله دئییرسینیز كی، ائله بیل شوربانین ایچیندن ساچ تئلی تاپمیسیز.
- دئیه‌سن ظارافات ائدیرسینیز. آمما اونوتمایین، روح، روح اولاراق قالیر.
- دوغوردان دئییرم. بس اوندا نئجه، اگر آدام روحا اینانمیرسا؟
- یانی دئمك ایسته‌ییرسینیز كی، من روحلارا اینانیرام؟ منه بو اینامسیزلیغین فایداسی نه‌دیر؟
- چوخ ساده. سیزین اوتاغینیزا روح گلدیك‌ده قورخونو اوستله‌مه‌یه چالیشین.
- آمما سؤز قورخما دا دئییل. اساس قورخو اولایین سببیندن قورخماقدیر. و بو قورخو قالیر. او منه عذاب وئریر. – من عصبلشمه‌یه باشلادیم و هیجاندان جیبلریمده ائشه‌لندیم.
- اگر سیز روح‌دان قورخورسونوز، اوندا نه‌یه گؤره گلیشینین سببینی اوندان سوروشمادینیز؟
- سیز یقین كی، هئچ روحلا صؤحبت ائتمه‌میسینیز. اونلاردان هئچ واخت دقیق بیر شئی ائشیتمك اولمور. اوردان، بوردان. بو روحلار دئیه‌سن بیزدن داها چوخ اؤز وارلیقلاری حاققدا شكك ائدیرلر، آمما بو اونلارین ضعیفلییینین قارشیسیندا ائله‌ده تعجوبلو بیر شئی دئییل.
- بیلیرسینیز، من ائشیتمیشم كی، روحلاری یئدیزدیرمك اولار.
- سیز یاخشی معلوماتلیسینیز. بو مومكوندور. آمما كیمین بونا حوسی وار؟
- نییه كی؟ اؤرنك اوچون اگر بو قادین روح اولارسا، - دئدی و یوخاری پیلله‌یه قالخدی.
- هه، حتتی بئله اولان حالدا دا دیمز، - من دئدیم.
من اؤزومه گلدیم. قونشو داها دا یوخارییا قالخدی، منی یاخشی گؤرمك اوچون او آشاغی‌یا اییله‌رك بوینونو اوزاتدی.
- یئنه ده، - من قیشقیردیم، - اگر سن یوخارییا گلیب منیم اوتاغیم‌داكی روحو گؤتورسن، سنینله منیم‌كی قورتاردی.
- من ساده‌جه ظارافات ائتدیم، - دئدی و باشینی گئری‌یه چكدی.
- اوندا یاخشی، - من دئدیم.
اصلینده راحاتجا گزمه‌یه گئتمك اولاردی. آمما من اؤزومو چوخ یالقیز حیسس ائتدیم، اونا گؤره ده، اوتاغا قالخیب یاتاغیما اوستونلوك وئردیم.
تام قارانلیق، لامپلاری سؤنموش دهلیزدن روح شكلینده كیچیك بیر اوشاق تاپیلدی و قریبه ییرغالانان دؤشمه تاختاسی‌نین اوستونده آیاقلارینین اوجوندا دوردو. اوتاقداكی ظولمت اونون گؤزلرینی كور ائتدی و اللری ایله اوزونو اؤرتمك ایسته‌دی، آمما پنجره‌دن كوچه‌یه بویلانیب ساكیتلشدی. اورادا كوچه فنرلریندن قالخان ایشیقلی بوغ قارانلیغا باتمیشدی. اوشاق ساغ دیرسه‌یینی دووارا سؤیكه‌یه‌رك آچیق قاپی‌دا دایانمیشدی و ائشیكدن گلن هاوا آخینی اونون آیاقلارینی، بوینونو و تئللرینی سیغاللایاراق كئچیردی.
من بیر موددت اونا باخدیم، سونرا دئدیم سالام و سوبانین قارشیندان پئنجه‌ییمی گؤتوردوم، چونكو من اونون قارشیسیندا بئله یاری چیلپاق دوراسی دئییلدیم. من بیر آنلیق آغزیمی آچدیم كی، درین‌دن نفس آلیب هیجانیمی سؤندوره بیلیم. آغزیمین دادی قاچمیشدی، كیپریكلریم تیتره‌ییردی، قیساسی، منه ائله بیرجه بو گؤزله‌نیلن قوناق آز ایدی. اوشاق هله ده دووارین یانیندا اوول‌كی یئرینده دورموشودو، ساغ الینی دووارا باسمیشدی و یاناقلاری قیزارسادا بارماقلارینین اوجونو باسان آغاردیلمیش دووارداكی جوُدورلاردان دویماق بیلمیردی. من سوروشدوم:
- سیز امینسیز كی، منیم یانیما دوز گلیبسینیز؟ بو یانلیشلیق دئییل كی؟ بو بؤیوك ائوده یانلیشلیق همشه مومكوندور. منیم آدیم "ائله‌بئله"دیر، اوچونجو قاتدا یاشاییرام. دئمه‌لی سیزین گؤرمك ایسه‌دییینیز منم؟
- ساكیت، ساكیت، اوشاق دئدی، - هر شئی قایداسیندادیر.
- اوندا اوتاغا كئچین، من قاپینی اؤرتمك ایسته‌ییرم.
- قاپینی من ایندیجه اؤرتدوم. اؤزونوزه زحمت وئرمه‌یین.
- زحمت دئییل. آمما بو دهلیزده بیر دسته آدام یاشاییر، البتته اونلار منیم تانیشلاریمدیر؛ اونلارین چوخو بو چاغلاردا ایشدن قاییدارلار؛ اونلار هر هانسی بیر اوتاقدا صؤحبت ائشیدن كیمی، صؤحبته قاریشماق ایقتیداریندا اولدوقلارینی دوشونورلر كی، نه‌یین باش وئردییینین ایچینه یئتسینلر، بو بئله‌دیر. بورادا بیر شئی ائتمك مومكون دئییل. ایش گونو قورتاردی، اونلار بیر موددت آزاددیرلار؛ اونلار بوش بوش واختلارینی كیمه حسر ائتمه‌لیدیرلر؟ اونو دئییم كی، سیزین اؤزونوز ده بونو بیلیرسینیز. ایجازه وئرین قاپینی اؤرتوم.
- هه، نه اولسون كی؟ نه دانیشیرسینیز؟ مندن اولسا قوی بوتون بیناداكیلار ایچرییه كئچسینلر. یئنه ده تیكرار ائدیرم، قاپینی باغلامیشام، دوشونورسونوز كی، تكجه سیز قاپی باغلایا بیلرسینیز؟ من قاپینی آچارلا كیلیدله‌دیم بئله.
- اوندا هر شئی قایداسیندادیر. من باشقا هئچ نه ایسته‌میرم. آچارلا كیلیدله‌مه‌یه ائحتیاج یوخ ایدی. سیز كی، آرتیق بوراداسینیز، اؤزونوزو راحات حیسس ائدین. سیز منیم قوناغیمسینیز. من سیزی نه بورادا قالماغا، نه ده گئتمه‌یه زورلامیرام. من بونو دئمه‌لی ایدیم؟ سیز منی یاخشی تانیمیرسینیز؟
- یوخ، سیزین بونلارین دئمه‌یینیزه ائحتیاج یوخ ایدی. داها دوغروسو سیز بونو دئمه‌یه مجبور دئییلدینیز. من هله اوشاغام، بو سؤزلر نه‌یه لازیمدیر؟
- هئچ نه اولماز. البتته سیز هله اوشاق‌سینیز. آمما ائله‌ده بالاجا دئییل‌سینیز. سیز آرتیق بویا باشا چاتمیسینیز. اگر سیز قیز اولسایدینیز، منیمله بیر اوتاقدا یالقیز قالماغا ایجازه وئریلمزدیر.
- بو حاققدا ناراحات اولماغا دیمز. من دئمك ایسته‌ییردیم كی، من سیزی یاخشی تانیییرام، بو منه هئچ نه وعده ائتمیر، ساده‌جه سیزین یالان دانیشماغا چالیشماغینیزی آزالدیر. بونا باخمایاراق سیز منه تاعاروف ائدیرسینیز. قورتارین بو اویونو، قورتارین، خاهیش ائدیرم. بیرده كی، اونو دئییم من سیزی هر یئرده هر دورومدا تانیمییا بیلمیرم، اؤزللیكله ده بئله قارانلیق‌دا. یاخشی اولاردی كی، سیز ایشیغی یاندیرماغا ایجازه وئره‌سینیز. یوخ، اولماسا یاخشی‌دیر. هر حالدا سیزین منی هده‌له‌دیگینیزی اونوتمایاجاغام.
- نئجه!؟ من سیزی هده‌له‌دیم‌می!؟ بوش وئرین من سیزین نهایت بورادا اولماغینیزا چوخ سئوینیرم. من دئدیم نهایت، چونكو آرتیق چوخ گئجدیر. من سیزین بئله گئج گلمه‌یینیزی آنلایا بیلمیرم. اولا بیلر كی، من سئویندیگیمدن هیجانلی اولاراق بوش بوش شئی‌لر دانیشمیشام و سیز بونو دوز باشا دوشمه‌میسینیز. من بئله دانیشدیغیمی بوینوما آلیرام، من سیزی هده‌له‌میشم. آمما سیز آللاه سؤزو اوزاتمایین. آمما سیز بونا نئجه اینا بیلردینیز؟ سیز منی نئجه اینجیده بیلردینیز؟ سیز نه‌یه گؤره بورادا اولدوغونوز قیسا موددتی كورلاماغا چالیشیرسینیز. حتتا سیزه باخاندا كنار شخص بئله داها دیققتلی اولاردی.
- بونا اینانیرام، دئییرسن به بؤیوك بیر شئی اولوب! من البتته كی سیزه هر هانسی بیر یاددان داها یاخینام. بونو سیزده بیلیرسینیز آخی، بو نیگرانلیقلار نه‌یه لازیمدیر؟ سیز منه دئیین كی، اویون اویناییرسینیز، اوندا من او ساعات گئدرم.
- بئله؟ سیز بونو منه دئمه‌یه جورات ائدیرسینیز؟ چوخ قاباسینیز. اونوتمایین كی، سیز منیم اوتاغیم‌داسینیز. سیز بارماقلارینیزی دلی كیمی منیم دوواریما سورتورسونوز. منیم اوتاغیم، منیم دوواریم! بوندان علاوه سیزین دئدیكلرینیز تكجه اؤزباشینالیق دئییل، هم ده گولمه‌لیدیر. سیز دئییرسینیز كی، سیزین طبیعتینیز سیزی منیمله بئله دانیشماغا مجبور ائدیر. دوغوردان سیزین طبیعتینیز سیزی مجبور ائدیر؟ بونو ائشیتمك چوخ خوشدور. سیزین طبیعتینیز منیم‌كیدیر و اگر من سیزه طبیعی اولاراق نزاكت گؤرستمیشم‌سه، اوندا سیزده منه قارشی باشقا جور اولا بیلمزسینیز.
- بو نزاكتدیر؟
- من كئچمیشدن دانیشیرام.
- بیلیرسینیز من سونرا نئجه اولاجاغام؟
- هئچ نه بیلمیرم.
و من گئجه ماساسینا یاخینلاشدیم و اونون اوستونده‌كی شامی یاندیردیم. همین آندا منیم اوتاغیمدا نه گاز نه‌ده لامپ وار ایدی. من بیر موددت ماسانین قیراغیندا اوتوردوم، بوندان بئزه‌نه قدر، سونرا پالتومو گئییندیم، دیواندان پاپاغی گؤتوروب، شاملاری اوفوردوم. اوتاقدان چیخاندا اوتوراجاغین آیاغینا ایلیشدیم.
پیلله‌كن‌دن آشاغی ائنه‌نده بیزیم قاتدا یاشایان كیرایه‌چی ایله راستلاشدیم.
- یئنه ائودن چیخیب گئدیرسن، آوارا! – دئدی او، و ایكی پیلله آراسیندا تاریملانمیش آیاقلاری اوستونده دوردو.
- بس نئینه‌ملییم، - سوروشدوم. – ایندیجه منیم اوتاغیمدا روح وار ایدی.
- سیز بونو ائله دئییرسینیز كی، ائله بیل شوربانین ایچیندن ساچ تئلی تاپمیسیز.
- دئیه‌سن ظارافات ائدیرسینیز. آمما اونوتمایین، روح، روح اولاراق قالیر.
- دوغوردان دئییرم. بس اوندا نئجه، اگر آدام روحا اینانمیرسا؟
- یانی دئمك ایسته‌ییرسینیز كی، من روحلارا اینانیرام؟ منه بو اینامسیزلیغین فایداسی نه‌دیر؟
- چوخ ساده. سیزین اوتاغینیزا روح گلدیك‌ده قورخونو اوستله‌مه‌یه چالیشین.
- آمما سؤز قورخما دا دئییل. اساس قورخو اولایین سببیندن قورخماقدیر. و بو قورخو قالیر. او منه عذاب وئریر. – من عصبلشمه‌یه باشلادیم و هیجاندان جیبلریمده ائشه‌لندیم.
- اگر سیز روح‌دان قورخورسونوز، اوندا نه‌یه گؤره گلیشینین سببینی اوندان سوروشمادینیز؟
- سیز یقین كی، هئچ روحلا صؤحبت ائتمه‌میسینیز. اونلاردان هئچ واخت دقیق بیر شئی ائشیتمك اولمور. اوردان، بوردان. بو روحلار دئیه‌سن بیزدن داها چوخ اؤز وارلیقلاری حاققدا شكك ائدیرلر، آمما بو اونلارین ضعیفلییینین قارشیسیندا ائله‌ده تعجوبلو بیر شئی دئییل.
- بیلیرسینیز، من ائشیتمیشم كی، روحلاری یئدیزدیرمك اولار.
- سیز یاخشی معلوماتلیسینیز. بو مومكوندور. آمما كیمین بونا حوسی وار؟
- نییه كی؟ اؤرنك اوچون اگر بو قادین روح اولارسا، - دئدی و یوخاری پیلله‌یه قالخدی.
- هه، حتتی بئله اولان حالدا دا دیمز، - من دئدیم.
من اؤزومه گلدیم. قونشو داها دا یوخارییا قالخدی، منی یاخشی گؤرمك اوچون او آشاغی‌یا اییله‌رك بوینونو اوزاتدی.
- یئنه ده، - من قیشقیردیم، - اگر سن یوخارییا گلیب منیم اوتاغیم‌داكی روحو گؤتورسن، سنینله منیم‌كی قورتاردی.
- من ساده‌جه ظارافات ائتدیم، - دئدی و باشینی گئری‌یه چكدی.
- اوندا یاخشی، - من دئدیم.
اصلینده راحاتجا گزمه‌یه گئتمك اولاردی. آمما من اؤزومو چوخ یالقیز حیسس ائتدیم، اونا گؤره ده، اوتاغا قالخیب یاتاغیما اوستونلوك وئردیم.
1باخيش