Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
یازان: خدیجه بیچه‌ر
کؤچورن: ایلقار موذن‌زاده
ائدیب جانسئوَر کیم‌دیر؟ قیساجا حیاتی و اَن گؤزل شعری
سیرادا یئنه ایکینجی یئنی آخیمینین تمثیلچی‌لریندن و تورک شعری‌نین اوستا قلملریندن بیری وار. ۱۹۲۸-جی ایلده حیاتا ایستانبولدا آچدیغی گؤزلرینی، یئنه عینی شهرده ۱۹۸۶-جی ایلده باغلادی. «بودروم»دا یاشادیغی دؤورده کئچیردییی بیر بئیین قاناماسی سببیله، تئز ایستانبولا سؤوق ائدیلدی و بورادا وفات ائتدی. لیسه‌یی قوتاردیقدان سونرا بیر دؤور «کاپالیچارشی»دا خالچا و توریستیک اشیا تجارتی ائد‌ن «ائدیب جانسئوَر»، داها سونرا اؤزونو تامامیله شعر یازماغا حصر ائتدی. داواملی چیخاران و یازان بیر شاعر اولان ائدیب جانسئوَر، ایستیفاده ائتدیی اوسلوبلا دا آدیندان دانیشدیردی. ایلک شعر کیتابی «ایلکیندی اوستو»نو ۱۹۴۷-جی ایلده نشر ائتدی. شعرلرینی توپلادیغی باشقا بعضی کیتابلاری ایسه بئله؛ اومودسوزلار پارکی، دیرلیک نیظاملیق، چاغیریلمایان یعقوب، من روحی بی نئجه‌یه‌م، یئنی‌دن، اوتئللر شهری و سونراسی قالار. ائدیب جانسئوَرین حیاتی حاققیندا قیساجا بیلگی وئردیکدن سونرا، اَن تانینان شعرلریندن بیرینه ده یئر وئرک:
سئودا بیر آتش تاپدی سنده
سئودا بیر آتش تاپدی سنده، اَییلیب اؤپدو سنی
آرتیق کیمسه دنیزی بیلمیر.
دیرسَکلرینی ماسایا قویوشوندان بللی
گلیب کئچه‌ن بیر گونو بیتیرمک ایسته‌مه‌دییینی
سئودا بیر اومود تاپدی سنده.
ائی بیر یولچو سیاهی‌سینده بیر اؤلونو آختاران
آرتیق کیمسه گؤزلرینی بیلمیر.
بونو ایمضالا
بیر مکتوب، بیر تئلئقراف آلینتی‌سی دئییل
اونودولموش بیر سئودادیر قاپینی دؤیه‌ن
و سئویمسیز بیر باشماق کیمی دایانان اوتاغین
کیمسه آرتیق بیر شئی گئیمک ایسته‌میر.
سونرا بیر پنجره‌دن اؤزونه
آی ایشیغی کیمی ووران سن
نه سنه نه باشقاسینا بنزه‌ییر.
و ایشده بیر دیب بالیغی سو بوشلوغوندا
چیرپاراکدان اوزگجلرینی(باله‌لرینی)
هئچ کیمه اویمایان بیر مؤوسوم تکلیف ائدیر
ایمگهلرین معجزه بیر شکیلده سَرپیشتیریلدییی، سطیرلرین سون درجه تأثیر ائدیجی اولدوغو بیر ائدیب جانسئوَر شعرینی پایلاشدیق سیزلرله. ائدیب جانسئوَر اوچون دئییرلر کی؛ چوخ شعردن اؤلن شاعیر. هئچ دایانمادان یازدیغی شعرلر سایه‌سینده هامی گونده‌مده اولماغی باجارمیش. اولدوقجا درین آنلاملار ائحتیوا ائد‌ن بو شعری ایسه، خارق‌العاده توصیف‌لرله بَزَنمیش.
