Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
یازان: بولاق
کلاسیسیزم
اون‌یئددینجی یوز ایللییین اورتالاریندا فرانسادا اورتایا چیخان ادبیات آخیمی‌دیر.
• عاغیلا و ساغلام‌فیکیره ده‌یَر وئررلر.
• اینسانداکی طبیعته، اینسانلارین ایچ دونیاسینا حؤرمت گؤسترمک اساس‌دیر.
• قونولارینی کؤهنه یونان و لاتین ادبیاتیندان آلیرلار.
• قهر‌مانلاری سئچکین کَسلردیر. سیرادان اینسانلارا اثرلرین‌ده یئر وئرمزلر.
• اؤنملی اولان قونو دئییل، قونونون ایشله‌نیش فورماسی‌دیر.
• دیل، اوسلوب بَلیرلی، موکممل، تام و آیدین(شفاف) بیر شکیلده ایشلنمیش‌دیر. دیل آچیق، ساده، سویلودور(اصیل).
• هونر اوچون هونر فیکیرینی ساوونورلار.
• هونرمند اثرده اؤزونو گیزله‌در.
• تئاتردا اوچ بیرلیک قایداسینا اویغون گلینَر. (اولای، زامان، مکان)
• بو آخیمین اَن اؤنئملی نماینده‌لری: مولیئر، پیر کورنِی، ژان راسین، لا ژان دو لافونتِن، ژان دو لا برویر، دانیل دِفو، نیکولا بوالو، ژیلبر دو موتیه دو لافایت، ژاک بنینی بوسوئه
*تورک ادبیاتیندا ایسه ایبراهیم شیناسی و احمد وئفیک پاشادیر. شیناسی‌نین لافونتِن‌دن؛ احمد وئفیک پاشانین‌دا مولیئره دئییل ائتدیی ترجومه و اقتباس‌لار کلاسیسیزمی ادبیاتیمیزدا تانیتمیشدیر.
رومانتیزم
• فرانسادا ۱۸۳۰ ایللرینده کلاسیزمه رئاکسیا اولاراق دوغولموشدور.
• کلاسیک ادبیاتین قایدا و شکیللری بوراخیلار.
• قونولار کؤهنه یونان و لاتین ادبیاتی یئرینه مسیحیت‌دن، تاریخدن و گونده‌لیک حیاتیندان آلینار.
• عقل یئرینه دویغولارا و خیاللارا اؤنم وئررلر.
• هونرمندلر اؤز اثرلری‌نین شخصیتلرینی گیزله‌مزلر.
• هونر جمعیت اوچوندور فیکیرینی منیمسه‌میشلر.
• طبیعت اؤنَم‌لی‌دیر. موشاهیده و تصویره اؤنَم وئریلر.
• قونولار ایشله‌نرکن یاخشی، پیس، دوغرو، سهو کیمی قارشیتلیق‌لاردان فایدالانارلار.
• اوچ بیرلیک قایداسی ترک ائدیلر.
• نماینده‌لری: وولتر، شکسپیر، لورد بایرون، گوته، شیلر، ژان-ژاک روسو، فرانسوا رنه دو شاتوبریان، مادام آنه لوئیز ژرمن دو استائل، لامارتین، ویکتور هوگو، الکساندر دوما، آلفرد دو موسه، آلکساندر پوشکین.
*تورک ادبیاتیندا ایسه نامیق کمال، احمد میتهات افندی، آبدولهاک هامیت تارهان، رئجائیزاده محمود اکر‌م (شعرده)
0باخيش