لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...
من سنی
دئموکراسی خیاوانلاردا
دانس ائتمک ایسته‌ییرم.
قیرمیزی
دیک دابان
آیاق قابیملا

من سنی
دیکتاتور قادینلارین شئعیرلرینده
یازماق ایسته‌ییرم
دینله سئوگیمی!
گؤزلرینی یوم دا
بیر آنلیق منی دوشون!

سنی سئویرم
و اینقیلاب اولور ساچلاریمدا...
یئلله‌نیر داریخمالاریم
دویغونا ساری
و
من
هله ده
سئویرم سنی
گـَل-گئت‌لی خیاوانلاردا،
دیک دابان شهرین ویترین‌لرینده...
کافه‌لرده...
تئاترلاردا...
بؤیوک دده‌مین
اسکی توزلو دفترینده
آتامین یئشیل کُتوندا
آنامین حوزونلو اودکولونوندا

سئویرم سنی
یالقیزلیغیمدا
و
دونومون اته‌ییندن یاپیشیب
تانگو دانس ائدیرم
قیرمیزی حؤکومتین سئوگیلری ایله

سئویرم؛
آخشام آلتیلاری،
سنی دوشونورم
یانیمدا

سنی
سئویرم
ایسترسن دوداقلاریمدا داد سئوگیمی
و باشلانسین قیامت
گؤزلریمده

باااخ...
دوداقلاریمدا
گیزلنن سیجاق اؤپوش
سنسن.

هله ده سئویرم سنی
و
گؤزللـَشیرم
قورخولو
گئجه‌لریمله
ال_اَله وئریب
دولانیرام گؤزلرینده کی شهری
هله ده
بعضن..
قیرمیزی ماتیک ائدیب
یاخیرام دوداقلاریما
سنی

و من
هله ده سئویرم؛
سئویرم سنی...

+0 به‌ین

گؤنده ريليب تاريخ جمعه 30 فروردین 1398يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ