Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
«آچیل سحر» شعری‌نین آنالیزی- ایلقار موذن‌زاده
«بو مقاله ایلک دؤنه بان درگیسی‌نین اوچونجو ساییسیندا یاییملانیب»
«حیدر رقابی»نین شعری و «مجید وفادارین» بسته‌کارلیغیلا یارانمیش مشهور «مرا ببوس» ترانه‌سیندن اقتباس اولان «آچیل سحر» شعرینی آنالیز ائتمک اوچون، بو شعری اولوشدوروب تشکیل وئرن کلمه‌لری اینجه‌له‌مه‌لییک. «علیرضا نابدل»ین «آچیل سحر» شعری‌نین کلمه‌لرینی قورولوش و محتوا باخیمیندان آنالیز ائتدیییمیزده، شعر بدنین تشکیل وئرن اعضانی آشاغی‌داکی جدولده یئرلشدیره بیله‌ریک. بو جدولده کلمه‌لر و عیبارت‌لر آلتی بؤلومده یئرله‌شیر. شعرین بیر انقلابی روایت‌له قاباغا گئتمه‌سینده، دئوریم و یاخجیلاشمایا ساری ده‌ییشک‌لیک ایسته‌ین بیر روح‌لا اوزبه‌اوز اولوروق. شاعیر اینسان و اینسانلارین آجیناجاقلی دوروموندان، بیر قورتاریش و موتلولوق سرود و ترانه‌سی سؤیله‌ییر. بوردا اوچ پدیده بیر خط ده دالدالا دایانیب: اورتادا اومود ماهنیسی و گؤزه‌للیک مارشی اوخویان شاعیر، آرخاسیندا قارانلیق و فلاکتده اولان میللت و اؤن ده پیسلیک، توفان و فلاکت‌دن قفس توخوموش قارانلیق گوجلر. بو اوچ آرد آردا دایانمیش وارلیقلارین یانی سیرادا پارالئل و موازی اولاراق گؤزه‌للیک و چیرکینلییین رحمسیز و مهریبان آناسی اولان طبیعت. شاعیر طبیعت‌له ایلگیلی تمثیل‌لری مخاطب توتوب، اؤنونده گؤردویو اومود و آرزولارین بویون اوخشاییر؛ سحرین آچیلماسی و اینسانین قارشی‌سیندا سعادته دوغرو آچیلان قاپی‌نین قارشیلاماسینا گئدیر. بوردا شاعیر طبیعتین سعادتله ایلگیلی اولان اولاناق و پدیده‌لرینی سؤز قونوسو ائدیر؛ بو هشتادبئش کلمه‌لیک شعرده سحرین آچیلماسی، گونشین دوغماسی، حیاتین جانلانماسی، آلووو، گونش، چیچک، باهار، لاله‌زار کیمی طبیعتین گؤزه‌للیک‌لرینی، اینسان و جامیعه بَطنینده ایشیقلانماسینی موشتولوق وئریب، سولموش وارلیقلارین سونا چاتماسینی دیله‌ییر. شاعیر بو سعادت مارشیندا آرخاسینا دؤنوب فلاکتده اولان اینسانلارادا اومود و دؤزوم هدیه ائدیر و «آغلاما ائی گؤزه‌لیم» کیمی جومله‌لرله بیر کیمسه‌نی دولای‌سیز(مستقیم) مخاطب ائدیب، اونلاری خوش‌گؤروشلو اولماغا دعوت ائدیر و اونلارین بخت و اقبالینا قارشی «گول، آزاد اول، شادلیق یاغدیر» دئییب، هَمن کیمسه‌یه «سیل گؤزون یاشین» کیمی «قورتاریب داها قارانلیق» و آجیناجاقلی دورومودان یوروب، بئزیب، دیز چؤکموش اینسانا «آیاق اوسته دور» ترانه‌سین سؤیله‌ییر.
بو شعرده شاعیر اؤزون و اؤزلویون، جمعین اؤزو و اؤزلویو کیمی ده‌یرلندیریب، میللتین و اینسانلارین توپلولوق و بوتونلویو ایله بیرلیگه چاتیر و جمعی بیر یورویوشله موتلولوغا چاتماغا خالق، طبیعت و اؤز آزاد روحو ایله بیر بیرلیک و بیر اولماغا یئتیشمک ایسته‌ییر. بو بیرلیک و یورویوشو ایسه «شفقلریم ساچیلسین، چیچکریم آچیلسین، کئچمه‌لییه‌م توفانلاردان» کیمی عیبارت‌لرله بیر دؤرد بوجاق یارادیر: اؤز و شاعیرین اؤزو-طبیعتین گؤزه‌للیه ساری یؤنلمک آخیشی-ائشیکده طبیعت‌له تمثیل اولان پیسلیک‌لر و نهایت ده خالق. بو دؤرد بوجاق اورتاسیندا دایانیر، سونرا شاعیر بیر اوچ بوجاقلا چئوره‌له‌نیر: بیرلشمیش موتلولوق-طبیعت و میللت؛ بو گئدیشده، دامجیلارین بیرلشمه‌سینده بیر چای کیمی آخیب، موتلولوق دنیزینه تؤکولمه‌سینی ایسته‌ییر. شعرین عاطفی محتواسی و روایت لحنینه دیققت یئتیردیییمیز زامان، شعرین موتلولوق مارشی و سعادت سرودو اولماسی‌نین نَدنینی، عیبارتین ایچ مفهومونا باخمادان(تکلییینده ذاتاً منفی کلمه‌لر اولدوقلارینا باخاراق) بونون قارشی‌سیندا ایشله‌نن مثبت یاناشمالارین ساییسیندا گؤره بیله‌ریک، اولومسوز(منفی) کلمه‌لر اون‌بیر دؤنه و اولوملو(مثبت) کلمه‌لر ایرمی‌آلتی دؤنه سطیرلره دوزولور.
«بو مقاله ایلک دؤنه بان درگیسی‌نین اوچونجو ساییسیندا یاییملانیب»
«حیدر رقابی»نین شعری و «مجید وفادارین» بسته‌کارلیغیلا یارانمیش مشهور «مرا ببوس» ترانه‌سیندن اقتباس اولان «آچیل سحر» شعرینی آنالیز ائتمک اوچون، بو شعری اولوشدوروب تشکیل وئرن کلمه‌لری اینجه‌له‌مه‌لییک. «علیرضا نابدل»ین «آچیل سحر» شعری‌نین کلمه‌لرینی قورولوش و محتوا باخیمیندان آنالیز ائتدیییمیزده، شعر بدنین تشکیل وئرن اعضانی آشاغی‌داکی جدولده یئرلشدیره بیله‌ریک. بو جدولده کلمه‌لر و عیبارت‌لر آلتی بؤلومده یئرله‌شیر. شعرین بیر انقلابی روایت‌له قاباغا گئتمه‌سینده، دئوریم و یاخجیلاشمایا ساری ده‌ییشک‌لیک ایسته‌ین بیر روح‌لا اوزبه‌اوز اولوروق. شاعیر اینسان و اینسانلارین آجیناجاقلی دوروموندان، بیر قورتاریش و موتلولوق سرود و ترانه‌سی سؤیله‌ییر. بوردا اوچ پدیده بیر خط ده دالدالا دایانیب: اورتادا اومود ماهنیسی و گؤزه‌للیک مارشی اوخویان شاعیر، آرخاسیندا قارانلیق و فلاکتده اولان میللت و اؤن ده پیسلیک، توفان و فلاکت‌دن قفس توخوموش قارانلیق گوجلر. بو اوچ آرد آردا دایانمیش وارلیقلارین یانی سیرادا پارالئل و موازی اولاراق گؤزه‌للیک و چیرکینلییین رحمسیز و مهریبان آناسی اولان طبیعت. شاعیر طبیعت‌له ایلگیلی تمثیل‌لری مخاطب توتوب، اؤنونده گؤردویو اومود و آرزولارین بویون اوخشاییر؛ سحرین آچیلماسی و اینسانین قارشی‌سیندا سعادته دوغرو آچیلان قاپی‌نین قارشیلاماسینا گئدیر. بوردا شاعیر طبیعتین سعادتله ایلگیلی اولان اولاناق و پدیده‌لرینی سؤز قونوسو ائدیر؛ بو هشتادبئش کلمه‌لیک شعرده سحرین آچیلماسی، گونشین دوغماسی، حیاتین جانلانماسی، آلووو، گونش، چیچک، باهار، لاله‌زار کیمی طبیعتین گؤزه‌للیک‌لرینی، اینسان و جامیعه بَطنینده ایشیقلانماسینی موشتولوق وئریب، سولموش وارلیقلارین سونا چاتماسینی دیله‌ییر. شاعیر بو سعادت مارشیندا آرخاسینا دؤنوب فلاکتده اولان اینسانلارادا اومود و دؤزوم هدیه ائدیر و «آغلاما ائی گؤزه‌لیم» کیمی جومله‌لرله بیر کیمسه‌نی دولای‌سیز(مستقیم) مخاطب ائدیب، اونلاری خوش‌گؤروشلو اولماغا دعوت ائدیر و اونلارین بخت و اقبالینا قارشی «گول، آزاد اول، شادلیق یاغدیر» دئییب، هَمن کیمسه‌یه «سیل گؤزون یاشین» کیمی «قورتاریب داها قارانلیق» و آجیناجاقلی دورومودان یوروب، بئزیب، دیز چؤکموش اینسانا «آیاق اوسته دور» ترانه‌سین سؤیله‌ییر.
بو شعرده شاعیر اؤزون و اؤزلویون، جمعین اؤزو و اؤزلویو کیمی ده‌یرلندیریب، میللتین و اینسانلارین توپلولوق و بوتونلویو ایله بیرلیگه چاتیر و جمعی بیر یورویوشله موتلولوغا چاتماغا خالق، طبیعت و اؤز آزاد روحو ایله بیر بیرلیک و بیر اولماغا یئتیشمک ایسته‌ییر. بو بیرلیک و یورویوشو ایسه «شفقلریم ساچیلسین، چیچکریم آچیلسین، کئچمه‌لییه‌م توفانلاردان» کیمی عیبارت‌لرله بیر دؤرد بوجاق یارادیر: اؤز و شاعیرین اؤزو-طبیعتین گؤزه‌للیه ساری یؤنلمک آخیشی-ائشیکده طبیعت‌له تمثیل اولان پیسلیک‌لر و نهایت ده خالق. بو دؤرد بوجاق اورتاسیندا دایانیر، سونرا شاعیر بیر اوچ بوجاقلا چئوره‌له‌نیر: بیرلشمیش موتلولوق-طبیعت و میللت؛ بو گئدیشده، دامجیلارین بیرلشمه‌سینده بیر چای کیمی آخیب، موتلولوق دنیزینه تؤکولمه‌سینی ایسته‌ییر. شعرین عاطفی محتواسی و روایت لحنینه دیققت یئتیردیییمیز زامان، شعرین موتلولوق مارشی و سعادت سرودو اولماسی‌نین نَدنینی، عیبارتین ایچ مفهومونا باخمادان(تکلییینده ذاتاً منفی کلمه‌لر اولدوقلارینا باخاراق) بونون قارشی‌سیندا ایشله‌نن مثبت یاناشمالارین ساییسیندا گؤره بیله‌ریک، اولومسوز(منفی) کلمه‌لر اون‌بیر دؤنه و اولوملو(مثبت) کلمه‌لر ایرمی‌آلتی دؤنه سطیرلره دوزولور.
0باخيش