مرتضی توحیدی نین دُنبالان حاقدا یازدیغی شعر دن سونرا، سایین مهدی محمدی بو شعرین ائتکیسینده یازدیغی شعر بیرلیکده اوخویاق...
چوخالیب مشتریسی وای حالینا دنبالانین قصهسی چوخدی هله باخ دالینا دنبالانین
آد قویان قبرووه رحمت یارادیبسان واللاه
باش اَییر کیم ائشیتسه آدینا دنبالانین
چوخ ملامت ائلهمه چؤلده گَزَن شخصلری
بیرکیلو آل یئ بیگون باخ دادینا دنبالانین
جیریغی گورجک اورکدن ائله بیر ضربه ورور
یئریییر طوله میخی هفت قاتینا دنبالانین
قورخاسان سنده بیگون طوله میخی الده توتوب
دوشهسن چؤلده خرامان دالینا دنبالانین
هره بیر یئرده ییغیر رحمی گلن واردی مگر؟
بیری یوخ بلکه چاتا فریادینا دنبالانین
بئله کی من گؤرورم شهرت آچیب خلق ایچره
ورولار بیر تزه میدان یادینا دنبالانین
بیر ایداره بیر اوتاق منسوب اولار دنبالانا
پول یئیه تا نئچه مسئول آدینا دنبالانین
هره بیر سمته گئدیر نوختاسی یوخ دایچا کیمی
تاپا شاید یئکهسین اولادینا دنبالانین