لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

«شوخلوق» اتحاف: نیر اوغلونا

او قدرکی ائله ییبسن هامیا یار شوخلوق
یاز کیمین گوللو چیچکلی وئره‌جک بار شوخلوق

ائوین آباد ائلی گولدور کی دوداقلار گولمور
نه عجب هئچ زادیمیز اولماسادا وار شوخلوق

میللتین شیشه‌یه قانین توتانی سن سیندیر
ائله‌سین کئفلی جانین شوخلوغونان، زار شوخلوق

بوش یالان وعده وئریب رأی ییغانی رسوا ائت
ائله‌ر آغ گونلولرین آغ گونونو تار شوخلوق

دونیانی بوش توتاغین غم یئمه‌یه ارزیشی یوخ
طنز یازسین"بدلی" ائیله‌سین ایلقار شوخلوق

قیسط خیرتدکدن اولوب بورجدا دوواردان یئریییر
"به درک" حبینی آت ائیله بدهکار شوخلوق

چال اوخو دونیانی سایما نئجه سایمیر او سنی
شاققاناق چک ائده دونیا قولاغین کار شوخلوق

میلیاردر سانتافا سورسه دده سور پیکانیوی
باس گازا یازمیاجاق ائیلیری سرکار شوخلوق

قارقا های باسدی خبردار یئدیلر مملکتی
دیمدیگین قیچی‌له‌یین ائیله‌دی قارقار شوخلوق

کسسه‌لر باشینی ترسه اودا بسم‌الله‌سیز
یئری وار بس کی اوزون دیلدی، گوناهکار شوخلوق

گؤینه‌دیر طنز دیلیم بعضی‌لری من گؤرورم
آخی یالتاقچی ده‌ییر یا کی ریاکار شوخلوق

آرزوم واردی یوز ایل سن یاشاییب عؤمر ائده‌سن
نانجیب عرصه‌سین ائتسین گونو گون دار شوخلوق

اون اوچ اولدی دئیه‌سن بیت یامان نس گلدی
وای دده‌م وای ائله‌بیل اولدو گریفتار شوخلوق

دئسه‌لر اؤلدو «نیراوغلو» اینانانماز کی «سحر»
دئیه‌جک یوخ ائدیر حتمن کی پرستار شوخلوق

94.2.13

+0 به‌ین

گؤنده ريليب تاريخ سه شنبه 15 اردیبهشت 1394يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ