لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

دوداغیندان بیر اؤپوش آلماسام ال چکمیه‌جم
او شیرین دویوغونو من دادماسام ال چکمیه‌جم

نئچه گون گؤزلریمی یوممامیشام فیکریندن
اوره‌یینده بو گئجه یاتماسام ال چکمیه‌جم

اؤزگه‌لرله کوچه‌ده ناز ائله‌ییب اویناییسان
من اگر اویناماسام قاتماسام ال چکمیه‌جم

دوزلویون فایداسی یوخ  من‌ده یالان سؤیله‌یه‌جم
دوز یا اَیری سنی آلداتماسام  ال چکمیه‌جم

اؤزگه‌لرله قوشولوب چؤلده گزیب اوینایاجام
بونو بیل باغرینی چارتلاتماسام ال چکمیه‌جم

گؤروسن هاردا منی هئی قاچیسان گیزله‌نیسن
قاچیسان قاچ قاچاجام چاتماسام ال چکمیه‌جم

سن منیمسن گؤزه‌لیم دونیا اگر سئوسه سنی
بمب اولوب دونیانی پارتلاتماسام ال چکمیه‌جم

بو رقیبلر اعصابیم اوسته گئدیرلر دئیه‌سن
بو گئجه من گینه قان سالماسام ال چکمیه‌جم

باخیشیندان یاغیر اود من‌ده سویوقدان اؤلورم
گوده‌جم گؤزلریوی یانماسام ال چکمیه‌جم

گلیرم ائلچی سنه شهریمیزین گؤزل قیزی
سیرتیغام باخ سنی من آلماسام ال چکمیه‌جم

+0 به‌ین

گؤنده ريليب تاريخ چهارشنبه 26 فروردین 1394يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ