Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
باشقالارینین شجاعتیایله غرور دویماق
ربیقه ناظیم‌قیزی
کؤچورن: ائلیار پولاد
اصلینده، کیمیسه قوروماق، کیمه‌سه جان یاندیرماق نورما اولمالییدی. آما گؤرونورکی، دئییل. اولسا، قهرمان، قهرمانلیق اولمازدی. نه سؤز کیمی، نه مفهوم کیمی. اولسا، هئچ قهرمانلیغا احتیاج دا قالمازدی...
چوخ سئودیگیم بیر مؤلیف وار. بیزیم محمد سولئیمانوو و اونون چوخ سئودیگیم بیر فیکری وار: دئییر، قهرمانلیق آدامین اؤز ائویندن باشلاییر، آروادیندان (اریندن)، اوشاغیندان. اونلاری سئومک و قوروماق ایستگیندن...
البته، هئچ کس بیردن-بیره دونیانی قورتارماغی قارشیسینا مقصد قویمور. چونکی دونیانی قورتارماق اونسوزدا مومکون دئییل. اول اؤزونو دوشونمه‌لیسن، سونرا یانینداکینی، سونرا یاخینلاری، سونرا بیر آز اوزاقلاری و بئلجه، سن ایسته‌دین-ایستمه‌دین، بوتون بشریتی دوشونمه‌لی اولورسان. یئری گلمیشکن، بیر مسئله‌یه توخوناق. نییه بیزده قهرمانلیق (اصلینده، بیر چوخ موضولاردا: آنا، سئوگی، طبیعت و سایره.) موضوسوندا اثرلر ضعیف آلینیر؟ اونا گؤرهکی، عمومی سؤزلرله کیفایتله‌نیریک. مثلا، "قهرمانلار یوردویوق "، نه بیلیم، "بابک-هجر نوه‌سیییک"، آما قهرمان نه اوچون قهرمان اولور، نئجه اولور، اونون فعالیتی هانسی دئتاللاردا اؤزونو بروزه وئریر، بوتون بونلار قالیر کناردا. نییه؟ اونا گؤرهکی، حاضر کالکا وار. فیلانکس قهرماندیر. اوزاغی، " نییه" سوالینا بیر-ایکی جمله‌لیک جاوابیمیز اولور– "اون نفری خلاص ائدیب"، یا " دوشمن کینوتئاترینی پارتلادیب" و سایره. دئتاللاری دوشونمک صرف ائله‌میر. چونکی بو، علاوه انرژی، واخت ایسته‌ییر. بیز حاضرا نازیر اولماغی سئویریک. باشقالارینین شجاعتیایله غرور دویماق داها آساندیر آخی...
قهرمان همیشه چتین وضعیتلرده دوغولور (صحبت، طبیعیکی، فیزیکی دوغولوشدان گئتمیر). آما بو گون هامیمیز راحاتلیغا قاچیریق. مثلا، اوشاقلاریمیزی پامپئرسله بؤیودوروک، آنا سودو عوضینه جوربجور اوشاق قیدالاریندان استفاده ائدیریک، اوغلوموز قونشو اوشاغییلا دالاشاندا اته‌گیمیزی الیمیزه آلیب (قصدن معلوم اولان ایفادنی یازمادیم)،" دوشمن " آنانین منزیلینه هوجوم ائدیریک، اوشاغیمیزی عسگرلیکدن قورویوروق کی، آمان-زامان اوغلوموزا بیر شئی اولماسین، اولادیمیز بیزیم سئچیمیمیزه اویوشمایان قیزلا عایله قوراندا معرکه چیخاریریق، حاقلی-حاقسیز بیزی قویوب باشقاسینی مدافعه ائله‌ینده غضبله‌نیریک. باخ بونا گؤره قهرمانلیق نورما دئییل، قهرمانلیق ائله محض قهرمانلیق طلب ائدیر.
قهرمان عادی اینساندی. عادی کیشی. عادی قادین. آنی بیر شرایطده قهرمانا چئوریلیر. بیرجه آندا. آما او بیرجه آنا قدر اونون اؤزوندن ده خبرسیز ایچریسینده توپلاشیر، داملا-داملا ییغیلیر قهرمانلیق...
سون زامانلار مشاهده ائدیرم، آوتوبوسلاردا قیزا-قادینا یئر وئرمه‌ییب، ساکیتجه اوتوران اوغلانلارین سایی آرتیر. ائلجه‌ده اونلاری مدافعه ائدن غربدوشونجه‌لی قادینلاریمیزدا چوخالیب. منی قینامایین، یاریم ساعاتلیق یولو آیاق اوسته دایانا بیلمیه‌جک کیشیدن نینکی قهرمان، هئچ آروادی، اوشاقلاری اوچون نورمال کیشیده چیخمایاجاق. چیخا دا بیلمز...
هر قهرمانی بیر آنا دوغور، بیر آنا یئتیشدیریر، بیزیم آنالاریمیز ایسه ایندی داها چوخ نرمنازیک، سویوغا-ایستییه داوامسیز، سوست اوغلانلار یئتیشدیریر. پوتئنسیال "ماویلر" بئله یارانیر. فیکیر وئرمیسینیزمی، اونلاری سایی گونو-گوندن آرتیر. آرتاجاق دا...
آخی قهرمان آناسی اولماق هر آنانین ایشی دئییل.
ربیقه ناظیم‌قیزی
کؤچورن: ائلیار پولاد
اصلینده، کیمیسه قوروماق، کیمه‌سه جان یاندیرماق نورما اولمالییدی. آما گؤرونورکی، دئییل. اولسا، قهرمان، قهرمانلیق اولمازدی. نه سؤز کیمی، نه مفهوم کیمی. اولسا، هئچ قهرمانلیغا احتیاج دا قالمازدی...
چوخ سئودیگیم بیر مؤلیف وار. بیزیم محمد سولئیمانوو و اونون چوخ سئودیگیم بیر فیکری وار: دئییر، قهرمانلیق آدامین اؤز ائویندن باشلاییر، آروادیندان (اریندن)، اوشاغیندان. اونلاری سئومک و قوروماق ایستگیندن...
البته، هئچ کس بیردن-بیره دونیانی قورتارماغی قارشیسینا مقصد قویمور. چونکی دونیانی قورتارماق اونسوزدا مومکون دئییل. اول اؤزونو دوشونمه‌لیسن، سونرا یانینداکینی، سونرا یاخینلاری، سونرا بیر آز اوزاقلاری و بئلجه، سن ایسته‌دین-ایستمه‌دین، بوتون بشریتی دوشونمه‌لی اولورسان. یئری گلمیشکن، بیر مسئله‌یه توخوناق. نییه بیزده قهرمانلیق (اصلینده، بیر چوخ موضولاردا: آنا، سئوگی، طبیعت و سایره.) موضوسوندا اثرلر ضعیف آلینیر؟ اونا گؤرهکی، عمومی سؤزلرله کیفایتله‌نیریک. مثلا، "قهرمانلار یوردویوق "، نه بیلیم، "بابک-هجر نوه‌سیییک"، آما قهرمان نه اوچون قهرمان اولور، نئجه اولور، اونون فعالیتی هانسی دئتاللاردا اؤزونو بروزه وئریر، بوتون بونلار قالیر کناردا. نییه؟ اونا گؤرهکی، حاضر کالکا وار. فیلانکس قهرماندیر. اوزاغی، " نییه" سوالینا بیر-ایکی جمله‌لیک جاوابیمیز اولور– "اون نفری خلاص ائدیب"، یا " دوشمن کینوتئاترینی پارتلادیب" و سایره. دئتاللاری دوشونمک صرف ائله‌میر. چونکی بو، علاوه انرژی، واخت ایسته‌ییر. بیز حاضرا نازیر اولماغی سئویریک. باشقالارینین شجاعتیایله غرور دویماق داها آساندیر آخی...
قهرمان همیشه چتین وضعیتلرده دوغولور (صحبت، طبیعیکی، فیزیکی دوغولوشدان گئتمیر). آما بو گون هامیمیز راحاتلیغا قاچیریق. مثلا، اوشاقلاریمیزی پامپئرسله بؤیودوروک، آنا سودو عوضینه جوربجور اوشاق قیدالاریندان استفاده ائدیریک، اوغلوموز قونشو اوشاغییلا دالاشاندا اته‌گیمیزی الیمیزه آلیب (قصدن معلوم اولان ایفادنی یازمادیم)،" دوشمن " آنانین منزیلینه هوجوم ائدیریک، اوشاغیمیزی عسگرلیکدن قورویوروق کی، آمان-زامان اوغلوموزا بیر شئی اولماسین، اولادیمیز بیزیم سئچیمیمیزه اویوشمایان قیزلا عایله قوراندا معرکه چیخاریریق، حاقلی-حاقسیز بیزی قویوب باشقاسینی مدافعه ائله‌ینده غضبله‌نیریک. باخ بونا گؤره قهرمانلیق نورما دئییل، قهرمانلیق ائله محض قهرمانلیق طلب ائدیر.
قهرمان عادی اینساندی. عادی کیشی. عادی قادین. آنی بیر شرایطده قهرمانا چئوریلیر. بیرجه آندا. آما او بیرجه آنا قدر اونون اؤزوندن ده خبرسیز ایچریسینده توپلاشیر، داملا-داملا ییغیلیر قهرمانلیق...
سون زامانلار مشاهده ائدیرم، آوتوبوسلاردا قیزا-قادینا یئر وئرمه‌ییب، ساکیتجه اوتوران اوغلانلارین سایی آرتیر. ائلجه‌ده اونلاری مدافعه ائدن غربدوشونجه‌لی قادینلاریمیزدا چوخالیب. منی قینامایین، یاریم ساعاتلیق یولو آیاق اوسته دایانا بیلمیه‌جک کیشیدن نینکی قهرمان، هئچ آروادی، اوشاقلاری اوچون نورمال کیشیده چیخمایاجاق. چیخا دا بیلمز...
هر قهرمانی بیر آنا دوغور، بیر آنا یئتیشدیریر، بیزیم آنالاریمیز ایسه ایندی داها چوخ نرمنازیک، سویوغا-ایستییه داوامسیز، سوست اوغلانلار یئتیشدیریر. پوتئنسیال "ماویلر" بئله یارانیر. فیکیر وئرمیسینیزمی، اونلاری سایی گونو-گوندن آرتیر. آرتاجاق دا...
آخی قهرمان آناسی اولماق هر آنانین ایشی دئییل.
0باخيش