لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

سوتو ،سودان آییر!

مشدی حیدریله  زولفعلی،  ایكی قارداش كندده یاشاییردیلار. بو قارداشلارین، تكجه بازآغیلی زمیلرینی سووارانده سؤزلری چیخاردی، یوخسا آیری اختلاف‌لاری یوخ ایدی.
زولفعلی، قبیر اوستونون قورخمالی ماجرالارینی دفعه‌لرله كندلی‌لردن ائشیتمیشدی. مثلا دئیردیلر: "گئجه‌لرین بیرینده، یوسفعلی چؤلدن كندده گلنده، قبیرلرین بیریندن، اوت- آلووون قالخماسینی گؤرموشدو. او قبیری نیشانلاماق اوچون، اؤز ده‌ینه‌یینی آلوولانان قبیرین قیراغینا آتمیشدی. آنجاق سحر چاغی قبیر اوستونه گئدیب گئجه آتدیغی ده‌ینه‌یی قبریستانلیقدان ائشیكده گؤرموشدو!" بئله سؤزلرین قورخوسو، زولفعلی‌نین جانینا دوشموش ایدی. اوناگؤره، اونلارین گره‌لری گئجه چاغینا دوشسه‌یدی، هئچ زامان قارداشینا یاردیم اوچون زمی‌لری سووارماغا گئتمزایدی.
گئجه‌لرین بیرینده، باز آغیلیدان قاییدان یورغون مشدی حیدر، قبیر اوستونه گؤزو ساتاشار و قبیرلرین بیریندن اوت-آلوون چیخماسینی گؤرر! اورادا بیرآز دایانیب قبیردن گلن سسلره قولاق یاتیردیب دؤنه-دؤنه ائشیدر: "سوتو، سودان آییر!  سویو، سوتدن آییر!" سانكی، اوچاغدا،  اؤلونو سئوال- جوابا توتوب، سویو سوته قاتماماغی اونا خاطیرلادیرمیشلار!
مشدی حیدر، اوگونون صاباحی، شاهید اولدوغو ماجرانی ائولرینده تعریفلر. اونون سؤزلرینه قولاق آسان زولفعلی ایسه، اوگوندن بویانا قبیر اوستونه یاخین یئرلره، گوندوزلرده تك گئتمز!!

بازآغیلی: قبرستانلیق یاخینینداكی، كند چؤللریندن بیری

زمی: زمین ، یئر

گره: نوبت،‌ سو سووارماق نوبتی

ده‌یه‌نك: ال آغاجی

+0 به‌ین

گؤنده ريليب تاريخ یکشنبه 23 آذر 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ