لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

گؤزه‌ل

گوندوزوم دؤنوبدو گئجه‌یه منیم
كدرلی‌یَم یوخ دردیمی بیله‌نیم
سیزیلداییر سحر-آخشام بدنیم
سن منی غم‌لره سالاندان گؤزه‌ل

اَزَلدن باغلیدی اوره‌ییم سنه
سنسیز زندان اولوب بو دونیا منه
بیلمیرَم نه اوچون یاشیرام یئنه
آرزیمین گول‌لری سولاندان گؤزه‌ل

دونیادان نه سئچیم سنه وئرمه‌لی
جانیمی ایسته‌سن دئیه‌رم بلی
سالمیسان چؤل لره اولموشام دلی
اؤزومو اؤزومدن آلاندان گؤزه‌ل

نه قلبیم آچیلیب نه اوزوم گولوب
فلك قیسمتیمی ترسینه بولوب
قَوی دئییم نه واختدان "خانلارین" اؤلوب
آیریلیق سازینی چالاندان گؤزه‌ل

+0 به‌ین

گؤنده ريليب تاريخ یکشنبه 23 آذر 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ