Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
بو حئكایه بیر چئوریلیش حئكایه‌سی‌دیر . خیال و گئرچكلییین ابدی موحاریبه‌سی. چیلپاق گئرچلیك، اینسان وارلیغیندا اؤزونه یئر ائلییه‌ن دهشت تؤره‌تمك‌لری، جینایت و چؤلولوك (وحشیت)لری بیزه زامان-زامان وورغولامیشدیر . تاریخه بیر داها آچیق گؤزله باخاندا تاسسوفله بونلارین نئجه ده درین، اوزون و كؤكلو اولدوغونو آسانلیقلا دویوروق... بولگاكوفون گؤزوایله باخاندا ایسه بو اؤزه‌ل‌لیك‌لر، واختیلا روسیه خالقیندا، او خالق كی اون...ونلا یوز ایل‌لر بویو بیر حیوان كیمی داورانیلمیش‌دیر داهادا قاباریق گؤرونمكده‌دیر.
یازار بو رمانیندا اكتیابر انقلابینی، "ایت" سیماسیندا گؤره‌ن روسیه خالقی اوزه‌رینده بیر جراحییه عملی كیمی اوخوجولارا وورغولاییر. بو تمثیلی حئكایه‌ده روسیه خالقی بیر ایت‌دیر، لاكین حكیم "فیلیپ فیلیپ اوویچ" (سیز اوخویون "ولادیمیرایلیچ لنین") بیر جراحییه عملی ایله همن ایتی اینسانا اوخشار بیر وارلیغا چئویرمك ایسته‌ییر لاكین ایت ایت‌دیر؛ بو عمل دن سونرا، (سیز اوخویون انقلاب دان سونرا)، سیماسی اینسانا بنزه‌سه ده اوره‌یی، دوشونجه‌سی و داورانیشلاری بیر ایت اوره‌یی، دوشونجه‌سی و داورانیشی كیمی‌دیر و بو عمل یا انقلاب اوندا هئچ جوره ده‌ییشیكلیك یارادا بیلمه‌میش‌دیر هئچ، بلكه بو ظاهیری ده‌ییشیكلیك ایشلری داهادا اؤز طبیعی گئدیشاتیندان قیراغا چیخارمیش، باشقا شكیل‌لرده پرابلئملر آرایا گتیرمیش‌دیر... اصلینده گوجلو یازیچی بولگاكفون مقصدی بو، یومورستیك (طنز) اثرینده ماركسیزم لنینیزم ایدئولوژییاسینین، روسیه توپلومونون گئرچكلیك‌لریندن اوزاق بیر فانتازییا اولماسینی گؤسترمكدیر. او، بو رمان دا ائله‌جه‌ده بو دوشونجه‌نین حوكومته، داها دوغروسو همن ایتین آداما اوخشار بیر وارلیغا چئوریلیركن اؤزونده داها چوخ، داغیدیجی و هیستریك ائلئمئنت‌لر داشیماسینی اوخوجویا نیشان وئریر ... بو رمان 1925 ده یازیلمیشدیر؛ اون ایل سونرا گئنیش شكیلده اولاراق همن بو " گیج به سر" ایت‌لرین الی ایله دهشتلی ایستالین تئروری حیاتا كئچیریلدی ...
*رمانین اینگیلیسجه عونوانی Heart of a dag دیر و فارسجادا "دل سگ" دیر . من توركجه‌سینی، آذربایجانجایا دوبلاژ اولونموش بو رمان اساسیندا چكیلن بیر فیلم دن گؤتورموشم
3باخيش