لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

دیللشمك 2

دیدرگینلیك گؤزوم گؤبه‌یینی زمزم دوداغیندا زومزومه ائدنده
توزجوقلار اؤپوشوندن بویلانار هاوا
و بایقوش كیمی قونار
كاغیذ بوداقلارینا سؤزجوك لر
سن
سو چیلرجه روحوم قیرینا*
بوی آتار دوشلریم
دیلیمده دیللشر

یئلبیز** سسینین توروندا چیرپیناركن كپنك بارماقلاریمین داراقلی دیشلری
گؤودم اودونونا اود قیغیلجیم لاری قونار
و اتیمله دیللشر

سن
اووسون اووونون
ناخیشلی بویالاری ایلا
گؤزوم آیاقلارینی*** خینجاخینج**** ائدیر
باخیشیملا دیللشیرسن

جوجه‌ریرم اؤپولدویوم هر یئریمدن
و ایلمه لنیرم سسین تئللرینه

*بیابان
**زلف، گیسو
***جام باده، جام می
****لبریخته شدن،سر ریز شدن



Dilləşmək 2


Didərginlik gözüm göbəyini Zəmzəm dodağında zümzümə edəndə
Tozcuqlar öpüşündən boylanar hava
Və bayquş kimi qonar
Kağız budaqlarına sözcüklər
Sən
Su çilərcə ruhum qırına
Boy atar düşlərim
Dilimdə dilləşər

Yelbiz səsinin
Torunda çırpınarkən kəpənək barmaqlarımın daraqlı dişləri
Gövdəm odununa od qığılcımları qonar
Və ətimlə dilləşər

Sən
Ovsun ovunun
Naxışlı boyaları ila
Gözüm ayaqlarını xıncaxınc edir
Baxışımla dilləşirsən

Cücərirəm öpüldüyüm hər yerimdən
Və ilmələnirəm səsin tellərinə.

+0 به‌ین

گؤنده ريليب تاريخ دوشنبه 12 آبان 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ