لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

بورا یاساق
بوتون آددیملاریمین پلیس باخیشی
گونش هیجرتینه آسلانان
1393-لوك ایلین قارالتیسی
خریستیانلییق تاریخینین
2014-لوك كودئتاسی
دوغوز اتینده مله‌یه‌ن قوردلارین ساییسی
برمینگمه كارناوالیندا رئژه گئدیرسه
بیز میلیون ایللر آی گؤوده‌سینه تونلانمیشیق دئمه !
هاراسی‌دیر؟ ائشیت!
قادینلیغیمی سه‌پن آسئت‌لرده آجیشیرام
قان قوخویان اللرده ساتیشیرام
بطن ایچره یئرله‌شن رحم ائولرینده
لخته-لخته رئیحان نوطفه‌لرین
عطرینه تاپیشیریلیرام
بو تورپاق كیمه یئریكله‌سین آخی؟
هورن دوره جنابلاردان ایراق
اركك قویون ایسته‌ین سورونون، ایتین آختاریب
كیرله‌نمیش ده‌ریلری هؤنكوروب
سوچسوز اؤلوم آرزیسینی
كؤپك ائستانسیاسیندا
گؤزلرینه تپدیره‌جه‌یم
بورا یاساقدان دا یاساق
قایغین اؤپوشلرین ایله‌نمیش دادی
ساچلاریمدا یئلله‌نه‌نن اینقلاب هاواسی
ساواك بایراقلارین كولگه‌سی
آغزیمدا آلمان قیفیلینین آچیلیشی
ظالیم قیلینجیمدا یوخ
دیل كسرلیییمین آه جمهوریَتی
بو گون قوپار گونوم دور، قوپار!
اوغلانلیقلارا حؤكم پایلانسادا صبر اول
بیر كؤینك چوخ ییرتان آنامین گؤرگوسو تك
كیشی كیمی سؤز وئردیم دییه:
قیزدان حیالی‌دیر بو یازی ...
اویونلارینی اودوزمادان
سققه‌نی قورقوشوملامیشام

+0 به‌ین

گؤنده ريليب تاريخ یکشنبه 11 آبان 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ