لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

تانری‌نین باغینه باخ، گور نه گولوستان یارادیب
منی عشقینده دیلنچی، سنی سولطان یارادیب

آه و زار ائیله‌مه چوخ صبر ائله بیر گون گله‌جك
عشقیمه لایق اولان بیر دلی جئیران یارادیب

قاشینه گؤزلرینه درده سالان قامتینه
یانیرم اودلار ایچینده سنی اوددان یارادیب

ایسته‌سم آیری دوشَم سندن اوره‌ك قانه دؤنر
بو اوره‌ك قانیمیله عهدیله پیمان یارادیب

بال دوداقلارینا باخ آی كیمی پارلاق اوزونه
قاپ قارانلیقلار ایچینده سنی آیدان یارادایب

سئومیشم من سنی عشقینله قومار اویناییرام
من اودوزدوم بو قوماری سنی شیطان یارادیب

باریش ایله باریشیب رحم ائله یاندیرما منی
سنی بیر بویلو چینار تك منی افشان یارادیب

+0 به‌ین

گؤنده ريليب تاريخ سه شنبه 29 مهر 1393يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ