Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
دیلیم آغزیمدا
ایچینده آنامین آدی گیزلی
آغزیم آغیلار چاناغی
دیلیمده دئشیلمز قالان یئتیشمیش بیر یارا یئری
آنام
گؤزومدن یایینان بیر حاق
بوینوما دوشن كندیر.
آناما اوخشارلیغیمدیر آنا دیلیم
نئجه ده اوشاقجاسینا قوجاغییام
نئجه ده قوجاقجاسینا اوشاغی.
اوچور اوره‌ییم
اوچوقلاییر دوداغیم
اوستونده تانیش ایزی وار
یاد ایزی.
آناما اوخشارلیغیمدیر آنا دیلیم
اونون بئشییینده بؤیودو آدیم
لایلا، نازلاما، اوخشاما توركولرینده
دیلیمده ییرقالاماسام آدینی اولماز.
آناما اوخشارلیغیمدیر آنا دیلیم
كاشغارلی كیمی آشینی آغیلار*
فضولی كیمی آه چكر
صابیر كیمی سؤز آتار
سونسوزلوغا گؤتورر منی سؤزجوكلر.
سؤزجوكلر گره‌ییمدیر
یئریمدن قالدیرا بیلسینلر دئیه
اوست اوسته قالاییرام.
كؤنلومون پارچالاری تؤكولورلر
ماسامین اوستونده یالنیز سؤزجوكلر.
آناما اوخشارلیغیمدیر آنا دیلیم
وار اولسون، یاشاسین آنام
او وارسا دئمك من وارام
اورییم، الیم، آغزیم وار
دیلیم وار.
آغزیمین دیلی وار، باااااخ
دیلیمین آغزی یوخ آنجاق
نازلیجام!....
*اول آشین آغولادی: او اؤز آشینی، قیداسینی اؤده بولاشدیردی (دیوان-ی لوغات-و التورك)
1387/ 12/ 2
""""""""""""""""""""""""""""""""""""""""""""""""""""""""""""""""""""""""""""""""""""
Anama oxşarlığımdır ana dilim
Kiyan xiyav
Dilim ağzımda
içində anamın adı gizli
Ağzım ağılar çanağı
Dilimdə deşilməz qalan yetişmiş bir yara yeri
Anam
Gözümdən yayınan bir haqq
Boynuma düşən kəndir.
Anama oxşarlığımdır ana dilim
Necə də uşaqcasına qucağıyam
Necə də qucaqcasına uşağı.
Uçur ürəyim
Uçuqlayır dodağım
Üstündə tanış izi var
Yad izi.
Anama oxşarlığımdır ana dilim
Onun beşiyində böyüdü adım
Layla, nazlama, oxşama türkülərində
Dilimdə yırqalamasam adını olmaz.
Anama oxşarlığımdır ana dilim
Kaşğarlı kimi aşını ağılar*
Füzuli kimi ah çəkər
Sabir kimi söz atar
Sonsuzluğa götürər məni sözcüklər.
Sözcüklər gərəyimdir
Yerimdən qaldıra bilsinlər deyə
Üst üstə qalayıram.
Könlümün parçaları tökülürlər
Masamın üstündə yalnız sözcüklər.
Anama oxşarlığımdır ana dilim
Var olsun, yaşasın anam
O varsa demək mən varam
Ürəyim, əlim, ağzım var
Dilim var.
Ağzımın bir dili var, baaaaax
Dilimin ağzı yox ancaq
Nazlıcam!...
*ol aşın ağuladı: o öz aşını, qıdasını ödə bulaşdırdı (divan-i lüğat-ü türk)
1387/ 12/ 2
— TEHRAN-MODERN ŞEİR AXŞAMI
Kiyan xiyav
Dilim ağzımda
içində anamın adı gizli
Ağzım ağılar çanağı
Dilimdə deşilməz qalan yetişmiş bir yara yeri
Anam
Gözümdən yayınan bir haqq
Boynuma düşən kəndir.
Anama oxşarlığımdır ana dilim
Necə də uşaqcasına qucağıyam
Necə də qucaqcasına uşağı.
Uçur ürəyim
Uçuqlayır dodağım
Üstündə tanış izi var
Yad izi.
Anama oxşarlığımdır ana dilim
Onun beşiyində böyüdü adım
Layla, nazlama, oxşama türkülərində
Dilimdə yırqalamasam adını olmaz.
Anama oxşarlığımdır ana dilim
Kaşğarlı kimi aşını ağılar*
Füzuli kimi ah çəkər
Sabir kimi söz atar
Sonsuzluğa götürər məni sözcüklər.
Sözcüklər gərəyimdir
Yerimdən qaldıra bilsinlər deyə
Üst üstə qalayıram.
Könlümün parçaları tökülürlər
Masamın üstündə yalnız sözcüklər.
Anama oxşarlığımdır ana dilim
Var olsun, yaşasın anam
O varsa demək mən varam
Ürəyim, əlim, ağzım var
Dilim var.
Ağzımın bir dili var, baaaaax
Dilimin ağzı yox ancaq
Nazlıcam!...
*ol aşın ağuladı: o öz aşını, qıdasını ödə bulaşdırdı (divan-i lüğat-ü türk)
1387/ 12/ 2
— TEHRAN-MODERN ŞEİR AXŞAMI
2باخيش