Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
چئویرن: نیگار آن
كؤچورن: حسین واحدی
بو ایلین نوبئل اؤدولونون صاحیبی اولان فرانسه‌لی یازیچی "پاتریك مودیانو"-نون ایلك موصاحیبه‌سی سیز عزیز اوخوجولارا تقدیم اولونور.
پاتریك مودیانو: آلو
هئلئنا هئرنماك: سلام. نوبئل موكافاتی آلماغینیز موناسیبتی ایله سیزی صمیمی قلب‌دن تبریك ائدیریك.
پ.م: چوخ لوطفكارسینیز، چوخ دویغولاندیم.
ه.ه: منیم آدیم هئلئن‌دیر. سیزه نوبئل‌پریز سایتین‌دان زنگ ائدیرم. بیر نئچه سوال وئرمك اوچون بیزه آییردیغینیز واختا گؤره تشككور ائدیریك.
پ.م: آاا، بلی، بلی، بلی.
ه.ه: خبری آلاندا هارادا ایدینیز؟
پ.م: اصلینده من خبری آلاندا كوچه‌ده ایدیم. هه، دوغرودان، كوچه‌ده ایدیم. قیزیم منه خبر ائله‌دی.
ه.ه: قیزینیز موبایل تئلئفونونوزا زنگ ائله‌دی؟
پ.م: هه، هه، هه، من چوخ تاثیرلندیم. چوخ ممنون اولدوم، چونكی منیم ایسوئچ‌لی[سوئدلی] نوه‌م وار.
ه.ه: همین واخت هاردا ایدینیز، پاریس‌ین مركزینده؟ محض هانسی كوچه‌ده؟
پ.م: لاپ دقیق جاردئن دئ لوكسئمبورق كوچه‌سینده.
ه.ه: نه گؤزل. نوبئل موكافاتی قازانماغینیز سیزین اوچون نه معنا وئریر، نه‌یی ایفاده ائدیر؟
پ.م: ان بیرینجی، گؤزلنیلمزلیك. بو ائله بیر شئی ایدی، من فیكیرلشمیردیم، غالب اولا بیلرم. دوغرودان، منی تاثیرلندیردی، چوخ دویغوساللاشدیم.
ه.ه: اوزون ایللرین یازیچیسیسینیز. نه‌یه یازیرسینیز؟
پ.م: من یازماغا چوخ ائركن – 20 یاشیمدا باشلادیم. ایندی اوزون زامان كیمی گلیر آداما. بو طبیعی، حیاتیمین بیر پارچاسی اولان بیر شئی‌دیر.
ه.ه: 20-30 كیتاب یازمیسینیز. ائله بیری وارمی اونو بؤیوك ممنونیتله یازمیسینیز، سیزین اوچون او دیگرلرین‌دن داها چوخ اهمیت كسب ائدیر؟
پ.م: بیلیرسینیز، بونو دئمك چتیندی. منده همیشه ائله تصورات اویانیر كی، عینی كیتابی یازیرام. بئله چیخیر كی من 45 ایلدیر، داوام‌لی اولا‌راق عینی كیتابی یازیرام. آدام حقیقتن ده گئرچك اوخوجوسونو تانیمیر.
ه.ه: ایندی سیز دونیا شؤهرت‌لی اولاجاقسینیز، هانسی كیتابینیزی هر كسه اوخوماغی مصلحت گؤرردینیز؟
پ.م: منه ائله گلیر كی، آخیرینجی كیتابیمی.
ه.ه: او كیتابین آدی ندیر؟
پ.م: ″Pour que tu ne te perdes pas dans le quartier″ آدلانیر.
ه.ه: نه اولور؟
پ.م: پوور قوئ تو نئ تئ پئردئس پاس دانس لئ قوارتیئر. بو اطراف موحیطده ایتیریلمیش گله‌جك‌دن بحث ائدیر. اونا گؤره من اونو مصلحت بیلیرم، آخیرینجی كیتاب همیشه آدام؛ تركی-دونیا ائدیر..
ه.ه: بو گئجه‌نی بوتون عائله ایله قئید ائتمه‌یه حاضرلاشیرسینیز؟
پ.م: بلی، من عائله‌مله بیر یئرده اولماق ایسته‌ییرم. منیم ایسوئچ‌لی نوه‌مله بیر یئرده، هانسی كی منه ممنونلوق و سئوگی بخش ائدیب. بو اونون اوچون‌دور، من بو موكافاتی اونا حصر ائدیرم. آخی اونون اؤلكه‌سیندندی.
ه.ه: دئكابردا ایسوئچه گله‌جكسینیز؟
پ.م: هه، البته.
ه.ه: بوتون عائله‌نیزله؟
پ.م: هه، هه (گولور).
ه.ه: عائله‌نیز بؤیوكدو؟
پ.م: دوزو، یوخ. منیم ایكی قیزیم و بیر نوه‌م وار. ائله ده بؤیوك عائله‌میز یوخدو.
ه.ه: چوخ ساغ اولون، بیر داها تبریك ائله‌ییرم.
پ.م: سیز ساغ اولون. اومید ائدیرم، چاشدیریجی هئچ نه دئمدیم.
ه.ه: بویورون، بویورون. بیر داها ایسوئچ‌دن و نوبئل‌پریز سایتین-دان صمیمی تبریك‌لر.
پ.م: چوخ دویغولاندیم.
كؤچورن: حسین واحدی
بو ایلین نوبئل اؤدولونون صاحیبی اولان فرانسه‌لی یازیچی "پاتریك مودیانو"-نون ایلك موصاحیبه‌سی سیز عزیز اوخوجولارا تقدیم اولونور.
پاتریك مودیانو: آلو
هئلئنا هئرنماك: سلام. نوبئل موكافاتی آلماغینیز موناسیبتی ایله سیزی صمیمی قلب‌دن تبریك ائدیریك.
پ.م: چوخ لوطفكارسینیز، چوخ دویغولاندیم.
ه.ه: منیم آدیم هئلئن‌دیر. سیزه نوبئل‌پریز سایتین‌دان زنگ ائدیرم. بیر نئچه سوال وئرمك اوچون بیزه آییردیغینیز واختا گؤره تشككور ائدیریك.
پ.م: آاا، بلی، بلی، بلی.
ه.ه: خبری آلاندا هارادا ایدینیز؟
پ.م: اصلینده من خبری آلاندا كوچه‌ده ایدیم. هه، دوغرودان، كوچه‌ده ایدیم. قیزیم منه خبر ائله‌دی.
ه.ه: قیزینیز موبایل تئلئفونونوزا زنگ ائله‌دی؟
پ.م: هه، هه، هه، من چوخ تاثیرلندیم. چوخ ممنون اولدوم، چونكی منیم ایسوئچ‌لی[سوئدلی] نوه‌م وار.
ه.ه: همین واخت هاردا ایدینیز، پاریس‌ین مركزینده؟ محض هانسی كوچه‌ده؟
پ.م: لاپ دقیق جاردئن دئ لوكسئمبورق كوچه‌سینده.
ه.ه: نه گؤزل. نوبئل موكافاتی قازانماغینیز سیزین اوچون نه معنا وئریر، نه‌یی ایفاده ائدیر؟
پ.م: ان بیرینجی، گؤزلنیلمزلیك. بو ائله بیر شئی ایدی، من فیكیرلشمیردیم، غالب اولا بیلرم. دوغرودان، منی تاثیرلندیردی، چوخ دویغوساللاشدیم.
ه.ه: اوزون ایللرین یازیچیسیسینیز. نه‌یه یازیرسینیز؟
پ.م: من یازماغا چوخ ائركن – 20 یاشیمدا باشلادیم. ایندی اوزون زامان كیمی گلیر آداما. بو طبیعی، حیاتیمین بیر پارچاسی اولان بیر شئی‌دیر.
ه.ه: 20-30 كیتاب یازمیسینیز. ائله بیری وارمی اونو بؤیوك ممنونیتله یازمیسینیز، سیزین اوچون او دیگرلرین‌دن داها چوخ اهمیت كسب ائدیر؟
پ.م: بیلیرسینیز، بونو دئمك چتیندی. منده همیشه ائله تصورات اویانیر كی، عینی كیتابی یازیرام. بئله چیخیر كی من 45 ایلدیر، داوام‌لی اولا‌راق عینی كیتابی یازیرام. آدام حقیقتن ده گئرچك اوخوجوسونو تانیمیر.
ه.ه: ایندی سیز دونیا شؤهرت‌لی اولاجاقسینیز، هانسی كیتابینیزی هر كسه اوخوماغی مصلحت گؤرردینیز؟
پ.م: منه ائله گلیر كی، آخیرینجی كیتابیمی.
ه.ه: او كیتابین آدی ندیر؟
پ.م: ″Pour que tu ne te perdes pas dans le quartier″ آدلانیر.
ه.ه: نه اولور؟
پ.م: پوور قوئ تو نئ تئ پئردئس پاس دانس لئ قوارتیئر. بو اطراف موحیطده ایتیریلمیش گله‌جك‌دن بحث ائدیر. اونا گؤره من اونو مصلحت بیلیرم، آخیرینجی كیتاب همیشه آدام؛ تركی-دونیا ائدیر..
ه.ه: بو گئجه‌نی بوتون عائله ایله قئید ائتمه‌یه حاضرلاشیرسینیز؟
پ.م: بلی، من عائله‌مله بیر یئرده اولماق ایسته‌ییرم. منیم ایسوئچ‌لی نوه‌مله بیر یئرده، هانسی كی منه ممنونلوق و سئوگی بخش ائدیب. بو اونون اوچون‌دور، من بو موكافاتی اونا حصر ائدیرم. آخی اونون اؤلكه‌سیندندی.
ه.ه: دئكابردا ایسوئچه گله‌جكسینیز؟
پ.م: هه، البته.
ه.ه: بوتون عائله‌نیزله؟
پ.م: هه، هه (گولور).
ه.ه: عائله‌نیز بؤیوكدو؟
پ.م: دوزو، یوخ. منیم ایكی قیزیم و بیر نوه‌م وار. ائله ده بؤیوك عائله‌میز یوخدو.
ه.ه: چوخ ساغ اولون، بیر داها تبریك ائله‌ییرم.
پ.م: سیز ساغ اولون. اومید ائدیرم، چاشدیریجی هئچ نه دئمدیم.
ه.ه: بویورون، بویورون. بیر داها ایسوئچ‌دن و نوبئل‌پریز سایتین-دان صمیمی تبریك‌لر.
پ.م: چوخ دویغولاندیم.
0باخيش