Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
پسیكوآنالیسیس آچیسیندان «سحیربازلار دره‌سی» رومانینا بیر باخیش
گیریش:
ادبیاتدا پسیكوآنالیتیك[روانكاوانه] نقد ، «فروید »ین یازینسال یاپیتلار اوچون، اؤز نظریه‌سی اوزره یازدیغی آچیقلامالارلا باشلادی. فروید انگلیس، آلمان و روسیه ادبیاتینی دریندن تانیمیشدی. روسیه‌دن داستایئوسكینی سئور بیریسی ایدی و «كارامازوف قارداشلاری» اوچون اؤنملی بیر مقاله یازدی.
فروید یازیلمیش اثری هر كسین یوخوسوندا گؤردویو رؤیالارلا بیر توتوب و اونلاری یازار اوچون گیزلین دیلكلرین گئرچكله‌شمه‌سی سانمیش. بئله بیر باخیشدا «یازینسال متن» یازارین نئروسیس[روان-رنجوری]لییی‌نین نیشانه‌لری‌دیر دئمك. بوندان دولایی ایسه فروید یازیدان یازارا دؤنمكله یازاری ـ یاراتدیغی رؤیالاری اوزره ـ پسیكوآنالیسیس[روانكاوی] ائدیر. فروید «داستایئوسكی و آتا قتلی» آدلی مقاله‌سینده داستایئوسكی‌نین شخصیتینی دؤرد حیصّه‌یه آییرمیش؛ هملئت اویونونو آچیقلاركن شئكسپیئرین كاراكتئرینه باخمیش و لئوناردو داوینچی‌نین ده شخصیتینی یاراتدیغی یاپیتلاری اوزره پسیكوپاتوگرافی [آسیبنگاری] ائتمیشدیر. ماری بوناپارت ـ فرویدین شاگیردی ـ ائدگار آلئن پو ـیا توخونموش. نه ایسه بئله بیر ایله‌تیشیم ادبی نقد نظریه‌لرینده منسوخ اولموش ایندی.
بو آچینی فرویدون اؤز شاگیردی ائرنئست جونز «هملت و اودیپ» آدلی كیتابچاسیندا دالدا قویوب و متنین اؤزونه كئچدی. او متنه اؤنم وئریب، متدن دیشاری هر زاددان واز كئچدی. بو باخیشدا «متن» پسیكوآنالیسیس اولونور دئمك؛ متنده اولان كاراكتئرلرین داورانیشلاری ـ متندن شاهید گتیرمكله ـ آچیقلانیر.
اوچونجو آچی ادبی نقدده (پسیكوآنالیسیس آچیسیندان) 1960لاردان بری نورمن هولند‌له باشلانمیش. اوخوجو متنین اوخوماغیندا لذت آراییر؛ فرویددان آلینمیش بو باخیشی نظرده توتماقلا، اوخوجونون متنله ایلیشگیسی اؤنملی ساییلیر و پسیكوآنالیسیس اولان اوخوجو و اونون متنـه اولان تپكی‌سیدیر. بئله‌لیكله متندن مؤلفین اؤزونه، سونرا متندن متنـه و داها سونرا متندن اوخوجویا كئچیلمیشدیر؛ باشقا سؤزله دئسَك: ایلك باخیشدا یارادیجی‌ایدی پسیكوآنالیسیس اولان، سونرا اثرده اولان شخصیتلر و داها سونرا اوخوجو.
آردینی دانلود ائدین، چون هر صفحه‌نین اَتَك یازیسی وار و بوردا اوخوماق اولماز...
1باخيش