Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
اوخو زالی بین المللی شعر یاریشماسیندا سئچیلمیش اثرلردن...
لاتینجه‌دن اویغونلاشدیران: بولاق
دالغالارین یویوب آپاردیغی
كیچیك یازیلار وار هر ساحل‌ده.
كیملر نه‌لر یازدی كی قوملارا
كیم بیلیر؟!
سیلینن یازیلارمی اولدو ساده‌جه؟
كیم بیلیر؟
دیمدیكلرینده قیرمیزی بایراقلار،
قانادلاریندا آزادلیق چیرپینیشی.
قوشلار وار ایدی
هر ساحله اوچوب گلن.
قوشلارمی داها گلمه‌دی
بیزمی اونوتدوق او ساحلی؟
كیم بیلیر؟!
سسیمیزین یئتدییی قدر اوخودوغوموز
ماهنیلار وار ایدی.
و گولدویوموز لطیفه‌لر
هر اوچوروم دیبین‌ده.
اونلارمی دوست دئییل‌دی
بیزمی لطیفه اولدوق؟
كیم دئییر؟!
كیمی ائوینده یاندیراردی اونو،
كیمی گؤزلرینده.
ایشیغیمیز وار ایدی
هر نقطه‌دن بویلانان.
یوخسا نفت سؤندوردو او ایشیغی؟
كیم دئییر؟
یازان قلملر وار ایدی.
دوشونَن باشلار.
باشلار آیاق اولدو
قلملر ماشا.
طرزینی كیم پوزدو؟
كیم دئیه‌ن؟
****
ایپلر قیریلیر بیر-بیر
قیریلیر دوشور اللره.
دویون-دویون
قانلی ساچاق‌لی.
لكه‌لر گؤیلرده‌دی، عزیزیم.
تورپاغا قدردی
دردیمیز، عصیانیمیز.
سون میسمار چاخیلانا كیمی.
بیر تابوت قدردی آزادلیغیمیز.
بیر شیلله قدر.
كؤرپولر اوچور بیر-بیر.
اوچور، داغیلیر، عزیزیم.
یوللار یولا گلمیر، نئیله‌یه‌سن.
وئرمیر بیزی یولا، نئیله‌یه‌سن.
دسمالینی باشینا چال، عزیزیم.
چال و سوس!
دینمه‌یه‌سن!
Aytən Nəsibbəyli
*******
Dalğaların yuyub apardığı
kiçik yazılar var hər sahildə.
Kimlər nələr yazdı ki qumlara
Kim bilir?!
Silinən yazılarmı oldu sadəcə?
Kim bilir?
Dimdiklərində qırmızı bayraqlar,
qanadlarında azadlıq çırpınışı.
Quşlar var idi
hər sahilə uçub gələn.
Quşlarmı daha gəlmədi
bizmi unutduq o sahili?
Kim bilir?!
Səsimizin yetdiyi qədər oxuduğumuz
mahnılar var idi.
Və güldüyümüz lətifələr
hər uçurum dibində.
Onlarmı dost deyildi
Bizmi lətifə olduq?
Kim deyər?!
Kimi evində yandırardı onu,
kimi gözlərində.
İşığımız var idi
hər nöqtədən boylanan.
Yoxsa neft söndürdü o işığı?
Kim deyər?
Yazan qələmlər var idi.
Düşünən başlar.
Başlar ayaq oldu
Qələmlər maşa.
Tərəzini kim pozdu?
Kim deyən?
****
İplər qırılır bir-bir
Qırılır düşür əllərə.
Düyün-düyün
Qanlı saçaqlı.
Ləkələr göylərdədi, əzizim.
Torpağa qədərdi
dərdimiz, üsyanımız.
Son mismar çaxılana kimi.
Bir tabut qədərdi azadlığımız.
Bir şillə qədər.
Körpülər uçur bir-bir.
Uçur, dağılır, əzizim.
Yollar yola gəlmir, neyləyəsən.
Vermir bizi yola, neyləyəsən.
Dəsmalını başına çal, əzizim.
Çal və sus!
Dinməyəsən!
