لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

آنادولو توركجه‌سیندن اویغونلاشدیران: بولاق

ایللر سونرا


سنی كیملر قاچیردی او گؤزل یازلاریمدان - گؤزلیم
هارا گئتدی توخوما دره‌سینده - او اسحاق‌لی یالقیزلیغیم
ساچلارینین اوزون-اوزون او گونشلی ساریسی
اوزونون چوبان‌یاستیغی سحرلییی – هازیران‌لاریمدا
گولوشونون باهارلیغی سوسماغینین سونسوزلوغو
هارا گئتدی سنده منیم اولان او سونسوز حسرت

سنی كیملر قاچیردی او گؤزل یازلاریمدان - گؤزلیم
سن گئتدین - كوبود كیلیملرده قالدی آیاق ایزلریم
پیریل-پیریل سئلویلرده گؤركملی گیرده‌كان آغاجلاریندا
آسما آلتی سو سسی - آل الوان گونش سفره‌لرینده
سن گئتدین - اینانیلماز یئتیم‌لیكلر یاشادیم
دوشدوم چتین یوللارا - توركولره آغی‌لارا به‌لندیم
ساچلاریمدا بولود اولدون - آلینیمدا دمیر بارماقلیق
سنی كیملر قاچیردی او گؤزل یازلاریمدان – گؤزلیم

من چوخ چكدیم گؤزلیم - قارلی داغلار اولدو باشیم
سن بلكه ده موتلویدون - گؤزل گونلر كئچیردین
چونكی قاف داغیندا شاه‌زاده‌ایدین - سویلو بیر گؤزللیك ایدین
یاخینلاشیلماز بیر وارلیق‌ایدین - ناغیللیق بیر آغری‌ایدین
گؤز-گؤزه گلدیك بیر گون - بیر داغباشی دایاناجاغیندا
میندیك عینی قاتارا - قوووشدوق ایللر سونرا
سنی كیملر قاچیردی او گؤزل یازلاریم‌دان – گؤزلیم

هازیرانیم ساری‌گولوم یازگونشیم حسرتیم
نه قدر نه قدر سولار كئچدی - بیلدین‌می كؤرپولردن
نئچه باهار نئچه پاییز نئچه اوشاق نئچه انتحار
هارداسان سن هاردایام من نه سؤیله‌ییر بو چیزگی‌لر
بو آینالار نیه بئله یاخیندان باخیرلار
نه‌لر آنلاتیر بو ماهنیلار - اوزاق كئچمیشیمیزدن
سنی كیملر قاچیردی او گؤزل یازلاریمدان – گؤزلیم

آغلاماق بیر داغ‌گولو - بیر یانیق مئشه بلكه
بیر قوروموش بولاق بلكه - بیر كیمسه‌سیز محبوس
اوچاقلار آوتوبوسلار گمی‌لر تلفون‌لار
هازیرانیم ساری‌گولوم یازگونشیم چوبان‌یاستیغیم
كیمه گئیدین او آغلاری - كیم قالدیردی دوواغینی
كیم اییله‌دی كیم باخدی - باغرینا كیم - ایللر اؤنجه
سنی كیملر قاچیردی او گؤزل یازلاریمدان – گؤزلیم


İllər Sonra

səni kimlər qaçırdı o gözəl yazlarımdan - gözəlim
hara getdi toxuma dərəsində - o ishaqlı yalqızlığım
saçlarının uzun uzun o günəşli sarısı
üzünün çobanyastığı səhərliyi - haziranlarımda
gülüşünün baharlığı susmağının sonsuzluğu
hara getdi səndə mənim olan o sonsuz həsrət
səni kimlər qaçırdı o gözəl yazlarımdan - gözəlim

sən getdin - kobud kilimlərdə qaldı ayaq izlərim
pırıl pırıl selvilerde görkəmli girdəkan ağaclarında
asma altı su səsi - al əlvan günəş süfrələrində
sən getdin - inanılmaz yetimliklər yaşadım
düşdüm çətin yollara - türkülərə ağılara belendim
saçlarımda bulud oldun - alınımda demir barmaqlıq
səni kimlər qaçırdı o gözəl yazlarımdan - gözəlim

mən çox çəkdim gözəlim - qarlı dağlar oldu başım
sən bəlkə də mutluydun - gözəl günlər keçirdin
çünki qaf dağında şahzadə idin - soylu bir gözəllik idin
yaxınlaşılmaz bir varlıq idin - nağıllıq bir ağrı idin
gözgöze gəldik bir gün - bir dağbaşı dayanacağında
mindik eyni qatara - qovuşduq illər sonra
səni kimlər qaçırdı o gözəl yazlarımdan - gözəlim

haziranım sarıgülüm yazgüneşim həsrətim
nə qədər nə qədər sular keçdi - bildinmi körpülərdən
neçə bahar neçə payız neçə uşaq neçə intihar
hardasan sən hardayam mən nə söyləyir bu çizgiler
bu aynalar niyə belə yaxından baxırlar
nələr anlatır bu mahnılar - uzaq keçmişimizdən
səni kimlər qaçırdı o gözəl yazlarımdan - gözəlim

ağlamaq bir dağgülü - bir yanıq meşə bəlkə
bir qurumuş bulaq bəlkə - bir kimsəsiz məhbus
uçaqlar avtobuslar gəmilər telefonlar
haziranım sarıgülüm yazgüneşim çobanyastığım
kimə geydin o ağları - kim qaldırdı duvağını
kim iylədi kim baxdı - bağrına kim - illər öncə
səni kimlər qaçırdı o gözəl yazlarımdan - gözəlim

Qaynaq: Toxumlar Duz İçində


اسحاق: عبرانی‌جه "گولمه" معناسینی وئردییی دئییلر- حظ-ابراهیمین ایكی اوغلوندان بیری اولان و یعقوب (ع)ین آتاسی. پیغمبردیر. قرآن دا ۱۷ یئرده آدی گلن پیغمبرلردندیر.
چوبان‌یاستیغی: پاپاتیا- 20-50 سانت اوجالیغیندا اولان، باهاردا چیچك آچان، تاج یارپاقلی آغ بیر بیتگی
هازیران: ایلین اوتوز گون سوره‌ن آلتینجی آیی
سئلوی: یاز قیشی یاشیل قالان اینجه اوزون بیر آغاج-سرو
آسما: بلیرلی بیر تور اوزوم وئرن بیتگی

+0 به‌ین

گؤنده ريليب تاريخ دوشنبه 8 مهر 1392يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ