Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
قدیر گئجه‌سی
صبریم قورتارمیشدی داریخیردیم، قاباقلار حضرت معصومه‌نین زیارتینه چوخ گئمیشدیم آمما بو دؤنه باشقا احساسیم وارایدی. تله‌سیردیم. تئز خانیمین بارگاهینا یئتیشك. دؤندوك او خیاوانا كی اونون سونوندا خانم معصومه‌نین بارگاهی اؤزونو گؤستریردی. نورلا دولو گونبزینین گؤزللییی، هر بیر زوّاری اؤزونه ساری چكیردی، من او گونبزی بیر قیزا اوخشاتدیم كی اوزاقدان زوّارلارینا خوش گلدین ائدیردی. مبارك بارگاهینا آیاق قویدوم. قیزل گولون عطیرلری هر یئری بورویوب و بهشتی خاطیرلادیردی. خانیمی سالاملادیم.
دؤرد چئوره‌مه باخدیم، هر كیمسه‌نین باشی بیر یاندا قال ایدی. بیری قرآن اوخویوردو، بیری زیارتنامه، بیری آغلاركن راز و نیاز ائدیردی، بیری دخیل دوشوب دردین آچیردی، بیری اللرین قوینونا قویوب حسرتله باخیردی. منده بونلارلا برابر اؤز دردیمی اوره‌ییمده دؤنه‌لرجه تكرار ائدركن بیر بوجاقدا دایانیب، زیارتنامه اوخویوب، نامازیمی قیلدیم.
بیردن یادیما خانیمین سخاوتی دوشدو، امام رضانین سؤزونو بئنیمده دولاندیردیم:
هر كس باجیم معصومه‌نی زیارت ائتسه ائله‌بیل كی منی زیارت ائدیب:
خانیمین دردلی حیاتی و یاشاییشی یادیما دوشدو. گؤزلریم دولدو. خانیم معصومه اون یاشی واریدی كی آتاسی موسی‌بن‌جعفر(ع) ظالیم‌لر الیله زیندانا دوشدو. اون‌دؤرد ایل مدتینده او زنداندا آجیلارلا یاشادی و بو مدت‌ده خانیمین اوره‌یی آچیلمادی كی توی ائتسین، آتاسی شهید اولاندان سونرا، قریب قارداشی امام رضا(ع) تانرینین لعنتینه گئدن مامون الیله وزیرلیك عنوانیلا مشهد شهرینه گتیریلدی. حضرت معصومه(س) قارداشینین اوزاقلیغینی دؤزه بیلمه‌ییب ایرانا طرف حركت ائتدی.
تاسفله مامونون آداملاری خبردار اولوب اونو ساوه شهرینده مسموم ائله‌دیلر. خانیم ساوه‌ده بیر نئچه گون قالاندان سونرا اؤزونو قم شهرینه یئتیریب و اوردا شهادت مرتبه‌سینه نائل اولدو. خانیم، تانری لعنت ائتسین اونلارا كی سنی، آتانی و قارداشینی شهادته یئتیردیكلری یئرده.
گؤز یاشیم آخا-آخا هله‌لیك خانیملا ویداعلاشیب حرم‌دن چیخدیم.
1باخيش