آنادولو توركجه‌سیندن اویغونلاشدیران: بولاق

گونشی ایچنلرین توركوسو

Günəşi İçənlərin Türküsü

Bu bir türkü:-

torpaq çanaqlarda

günəşi içənlərin türküsü!

Bu bir hörgü:-

alov bir saç hörgüsü!

qıvrılır;

qanlı; qırmızı bir məşəl kimi yanır

əsmər alınlarında

mis ayaqları çılpaq qəhrəmanların!

Mən də gördüm o qəhrəmanları,

mən də qucaqladım o hörgünü,

mən də onlarla

günəşə gedən

körpüdən

keçdim!

Mən də içdim torpaq çanaqlarda günəşi.

Mən də söylədim o türkünü!

Ürəyimiz torpaqdan aldı sürətini;

qızıl yallı aslanların ağızını

yırtaraq

gərnəşdik!

Sıçradıq;

şimşəkli küləyə mindik!.

Qayalardan

qayalarla qopan qartallar

çırpır işıqda zərlənən qanadlarını.

Alov biləkli süvarilər qamçılayır

şaha qalxan atlarını!

Axın var

günəşə axın!

Günəşi zəbt edəcəyik

günəşin zəbti yaxın!

Düşməsin bizimlə yola:

evində ağlayanların

göz yaşlarını

boyunda ağır bir

zəncir

kimi daşıyanlar!

Buraxsın arxamızı

öz ürəyinin qabığında yaşayanlar!

İşdə:

bu günəşdən

düşən

atəşdə

milyonlarla qırmızı ürək yanır!

Sən də çıxar

sinəsinin qəfəsindən ürəyini;

bu günəşdən

düşən

atəşə at;

ürəyini ürəklərimizin yanına at!

Axın var

günəşə axın!

Günəşi zəbt edəcəyik

günəşin zəbti yaxın!

Biz torpaqdan, atəşdən, sudan, dəmirdən doğulduq!

Günəşi əmizdirir uşaqlarımıza arvadımız,

torpaq iy verir mis saqqallarımız!

Sevincimiz isti!

qan qədər isti,

cavanların yuxularında yanan

" o an"

qədər isti!

Nərdivanlarımızın çəngəlini ulduzlara asaraq,

ölülərimizin başlarına basaraq

yüksəlirik

günəşə doğru!

Ölənlər

döyüşərək öldülər;

günəşə basdırıldılar.

Vaxtımız yox onların matəmini tutmağa!

Axın var

günəşə axın!

Günəşi zaaaptedeceğiz

günəşin zəbti yaxın!

Üzümləri qan damlalı qırmızı bağlar tüstüləyir!

Qalın kərpic bacalar

qıvrılaraq

ötür!

Qışqırdı ən qabaqda gedən,

əmr edən!

Bu səs!

Bu səsin qüvvəti,

bu qüvvət

yaralı aç qurdların gözlərinə pərdə

vuran,

onları olduqları yerdə

dayandıran

qüvvət!

Əmr et ki ölək

əmr et!

Günəşi içirik səsində!

Coşuruq,

coşur!..

Yanğınlı üfüqlərin tüstü pərdəsində

mizraqları göyü cıran atlılar qaçır!

Axın var

günəşə axın!

Günəşi zaaaaptedeceğiz

günəşin zəbti yaxın!

Torpaq mis

göy mis.

Qışqır günəşi içənlərin türküsünü,

Qış-qır

Qışqıraq!

1924

+0 به‌ین