Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
حاضیرلایان: بولاق
همینگوی:
همینگوی دن ان تأثیرلی بیر اؤیكوجوك یازماسینی ایسته‌دیلر، بیر اؤیكوجوك كی هر كسین اوره‌یینه ایشله‌سین. او بیرجه جمله یازدی:
«اوشاق چكمه‌لری ساتیلیر، گئیینیلمه‌میش»
******
او هنری:
سوروجو سیقارئت چكدییی یئرده اَییلیب بنزین باكینا باخدی كی، گؤرسون بئنزین چوخمو قالیب. رحمتلییین ۲۳ یاشی وارایدی.
*****
"فردریك براون" ان قورخولو قیسا اؤیكوجویو:
«یئر كوره‌سینین سونونجو آدامی اوتاقدا اوتورموشدو. بیردن قاپی دؤیولدو...»
*****
اینگیلیسلرین تشكیل ائتدییی اؤیكوجوك آدایلیغی فرق‌لیلییی ایله سئچیلیردی- اؤیكوجوكده تانری، كرالیچا، سیرر، سئكس سؤزلری ایستیفاده اولونمالی‌ایدی، بیرینجی یئری بئله بیر اؤیكوجوك توتدو:
"ایلاهی،-كرالیچا دئدی،-من حامیله‌یه‌م و بیلمیرم كیمدن!»
*****
چارلز انرایت-كابوس:
بو، باش وئرن كیمی ائوه تلسدیم كی، كدرلی خبری آروادیما چاتدیریم. اما بللی ایدی كی منی دینله‌میردی. منی هئچ گؤرموردو. منه فیكیر وئرمه‌دن اؤزونه ویسكی سوزدو. تلوزیونو یاندیردی. بو آن تلفن زنگ چالدی. آروادیم یاخینلاشیب دسته‌یی گؤتوردو. اونون صیفتی بوزوشدو. آروادیم آجی-آجی هؤنكوردو.
*****
برایان نیوئل:
شیطان نه ایسته‌ییردی؟
ایكی اوغلان یاواش-یاواش اوزاقلاشان شیطانا باخیردی. شیطانین هیپنوتیزم‌لی گؤزلرینین پاریلتی‌سی هله ده اوغلانلارین بئینینی دومانلاندیریردی.
- قولاق آس، او سندن نه ایسته‌ییردی ؟
- منیم قلبیمی. بس سندن؟
- تلفون-اتوماتیك اوچون دمیر پول. او عجله‌لی زنگ ائتمك ایسته‌ییردی.
- ایسته‌ییرسن، گئدك یئیه‌ك؟
- ایسته‌ییرم، اما پولوم هئچ قالمادی.
- عیبی یوخ، گئدك. منیم پولوم چوخدو.
6باخيش