Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
سونوگرافی اوتاغی‌نین قاپیسی آچیلجاق، محمد یئریندن دیك دوروب شوكت خانیما ساری سیچراییر:
- اولدو،اوغلان‌دی یا قیز!؟
شوكت خانیم عیصمت خانیما اوزونو توتاراق باشینی بوللاییر:
- نئجه؟...قیزدی.
محمد الینی آلنینا آتاراق« وای دده، ائویم ییخیلدی» دئیه‌ركن، سالوندا اَیله‌شن قادینلار تعججوبله گولورلر.
شوكت خانیم قادینلارا گولومسه‌ییب عیصمت خانیما قاش گؤز آتاراق سورور:
- بو نه سؤز عیصمت باجی ، محمد دلی اولوب یوخسا!
عیصمت خانیم الین بئلینه آتاراق «باجی به ده‌لی اولماسا منی اوتوردوغوم یئرده بو ایشه قویماز كی! اؤز یانیمدا بیر قیز بیر اوغلانی استاندارد ا ئتدیییمه فرحله‌نیردیم. اوتوردو، دوردو میزیغین اَیدی كی من اوغلان ایسته‌ییرم!» دئیه حیرصله آزمایش كاغیذین كیفینه تپه‌رك ائوه یولا دوشورلر.
حیط قاپیسی محمدین تپیكی ایله آچیلجاق، مریم قاری ننه‌نین یانیندان دوروب شوكت خانیم ایله آنایا سار قاچیر. قاری ننه سلاملایاراق سورور:
- گلدیز بالا نه خبر؟
عیصمت خانیم شرم ایله باشین یئره تیكیر، شوكت خانیم گولومسه‌یه‌رك دئییر:
- خوش خبر بتول خالا اوشا..
محمد اونون سؤزون كسه‌رك دئییر:
- نه اولاجاق ، اوشاق قیزدی، یازیق اولدوم گئتدی!
هامی بیرلیكده گولورلر. بتول ننه اللرینی دیزلرینه آتاراق محمده ساری آددیملاییر.
- سفئه‌له‌مه اوغول بو نه سؤز، بودا آنانین سلامتچی‌لییینه دوعا ائتدیییندیر؟ هئچ بیلیرسن او سیزی نه ظولم ایله دوغوب، بؤیودوب...!؟
محمد پیلله‌ده ایله‌شیب باشماقلارینی چیخارداراق سینه قاباغا وئریر:
- بتول ننه ائله سیز بیلیردیز اوشاق قیزدی؟ یالانجا منه دئییردیز؛ بالا اوشاغین نه اولدوغونو یالنیز آللاه بیلر!
دوداغلارینی ساللاییب عیصمت خانیما اوز توتاراق هؤنكورور:
- من ایسته‌ییرم اوشاق اوغلان اولسون،آنا! من قارداش ایسته‌ییرم، مریم باجیم وار داااا! ایسته‌ییرم باهم درسه باخاق، باهم اوینایاق، باهم مدرسه‌یه گئدك... باخ، فریده خالا نه قشنگ ایكی اوغلان دوغوب، همیشه باهم درسه باخیرلار، باهم مدرسه‌یه گئدیرلر... هله كوچه‌ده بیریسی سعیدنن داوا ائله‌یه‌نده حمید تئز كؤمه‌یینه گلیر!
25باخيش