لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...
- به به سلام گولوم! اؤنجه منی  باغیشلا باشیم یامان قاریشمیشدی فورصت اولمادی زنگ آچیب تشككور ائلیه‌یم، چوخ گؤزل ایدی، ائله‌بیل بؤیوما بیچیلمیشدی، رنگینده سئودیم اللرین آغریماسین، اینشاللاه سنین دوغوم گونونده جوبران ائدرم گوزومون گیله‌سی...
ایچی ایچیندن كئچن قیزین اوره‌یینده قند یوخ داش دا ارییر!
- هه چوخ یاخشی  كؤینه‌یی اَینینده گؤرمك هوسینده‌یه‌یم جانیم، قاباقدا سفریم وار، سنله گؤروشمه‌میش گئتسم باغریم چاتلار اوختای!
"یازیخ قیز آخیرت سفریدیر یوخسا، اولسون من سنی حالال ائده‌رم گئت‌دا او یول، اودا سن" دئیه گؤندریر:
-باغرینی من اؤلنده چارتلادارسان...بو نه سؤز گولوم؟ سن بیر فیت وور من قولوغوندایام! هارا دئسن گلیم!؟
- ائله همن او اوغورلوق ائتدییین پاركا! ائله همن او صندل... ائله همن او آغاجین آلتی...
آلایلا گولومسه‌ییب باشینی بوللایاراق "هه همن او گونكی پنچر تكرلره اوخشاییردین، سن منی اوغورلادین یا من سنی؟ بیرده بلكه اورادا باشقا بیر سئوگیلی‌لر اَیلشدی ...اولسون دا گله‌رم آمما، من سنین او سیبیلی بورما دَدَن‌نن‌ده قیتمیرام" دئیه گؤنده‌ریر:
- باش اوسته جانیم 6 دؤره‌سی...یالنیز منیم  شارژیم قورتارییر، ائودن چیخاندا خبر وئر.
- یاخشی اوختای یولومون آغزیندا شارژ ساتیرلار سنه ده آلارام!
- اؤپدوم سنی گؤزومون گیله‌سی یاخشی گئجه‌لر...
سون مئساژی گؤندریب بیر آن فیكره دالاراق "صاباحین گؤروشونه هانسی داشی باشیما سالاجاغام! بو «زاپاس» یامان تیپه حساسدی، كئچن دفعه بابكین كؤینه‌یین گئیمیشدیم، آرازین‌دا گؤزلویویله لاپ اعلا تیپه مینمیشدم، ایندیسه عطیریم، باشیمین یاغی زادی‌دا قورتاریب، جیبیمده ده یئل اسیر! "دئیه سئوگیسل مئساژ آختاریر باشقا بیر زاپاسا.
زاپاس1 آدینا دوناراق باشینی تصدیقله تكان وئریب"اؤزودور" دئییر.
ایكی دقیقه سونا چاتمامیش گوشی سسله‌نیر"جانیم سنه مئساژ گوندردیم"...
اوختای گوشی اوستونه آتیلیر سانكی ایته تیكه آتیلیر!
- به به اوختای بئی! گون هاردان چیخب!؟
"دده‌وین قبریندن" دئیه گؤندریر:”
- نئجه‌سن گؤزه‌لیم؟ شرمنده حق سنله دیر آمما باشیم بتر قاریشمیشدی، یاتمئیبسان هله؟ یئر ایچینده بیردن یامان گؤیلومه دوشدون، قیز باری بیر سوراغیمی توت بلكه اؤلموشم!؟
- هن اوقدر باشین قاریشیقدیر كی مئساژلاریمی جاوابلامیرسان كی هئچ، اؤزوموده اونودموسان! ساهاتا باخسان بیلرسن‌كی یاتمیشام یا یوخ!
یاتاسان دورمیاسان هئچ، ائله یادیما دوشن سنسن... سنله دانیشان گرك بیر باتمان بال-كره یئسین" دئیه گؤندریر:
- واااای یئریم بوش، كاش الان یانیندا اولایدیم! من اؤلوم دئ گؤروم الان نه گئییبسن گؤزلیم!؟
بئش دقیقه كئچیر آمما قیزدان خبر چیخمیر، اوختای گوشینی الینده اویناداراق "قیزا نیه سوسدون؟ واللاهی من سنله بئهیشته‌ده گئتمه‌رم هاندا قالا بیر یئرین ایچینده..." دئیه گؤندریر:
- اولسون اوره‌ییمین بندی! بیلیرم منی خوشلامیرسان، آمما صاباح دوغوم گونومدور اوره‌ییم ایستیر ناهاردان قاباق سئوگیلیمینن خوش كئچیردم...دئ گؤروم هاردا جانیم؟
- یووووخ هئله دئمه اوختای ناراحات اولارام هااا! دوزدن صاباح دوغوم گونوندور عشقیم! قوتلاییرام، دئ گوروم كادو نمنه آلیم؟
اوختای سئوینجیله اللرینی قالدیراراق "به من سنه 1 نومره‌نی نه‌یه وئرمیشم قیز؟ سنی تانیماسام تانریمی تانیمامیشام!!! "دئیه گؤندریر:
- آللاااااااه منی "عشقیم" سسله‌ین دوداقلارینی....بونلار نه سؤز؟ من یالنیز ایستیرم شنلیییمی سنله بؤلوشم؛ یالنیز سنله، سن اؤزون ان گؤزل كادوسان منه گؤزلیم! ساهات     11 نجوردی؟
- اولسون اؤندا سورپرایز ائده‌رم!
- یوخ بابا بوراخ بیردن گئدیب كؤینكدن، ساهاتدان، عطیردن، زاددان آلارسان‌ها هامییسی وار یانی ننه-باجیم قولون وئریب...
- ائئئ دای آلمالیلار آلینیب دا بیر شئی قالماییب كی... اولسون منده یالنیز قوتلاییرام!
وااای... داش باشیوا اوختای پوخلادین ایشیوی، یانی نه "منده یالنیز قوتلاییرام؟" یاواش یئری باخ! من صاباح ساهات آلتیا كیمی سندن بیر كادو قوپارتماساما، كیشی دئییلم!!! "دئیه گؤندریر:
- اولسون گؤزلیم سن همیشه 1 سن! سؤزون 1، اؤزون 1، سورپرایزلارین 1. مطمئنم كادوووندا 1دی، سن هر نه آلسان منه 1دی...1!!!
- خواهیش ائلیرم جانیم، صاباحین گؤروشونه تلسه‌رك دوغوم گونونو قوتلاییب اؤپورم سنی، یاخشی یوخولار!
اوختایین كیپریك‌لری قوجاقلاشاراق، دوداقلارینی مئساژ اوزرینده گزدیریب مؤحكم اؤپه‌رك "یازیخ قیز" دئیه گؤندریر:
- گوزل یوخولار...جییارو یئییم!....هله‌لیك.
ساهات 3 چالیر، اوختایین خومار گؤزلری زاپاس 5 آدینا دوناركن ان گؤزل و سئوگیسل مئساژ آختاریر...

+0 به‌ین

گؤنده ريليب تاريخ شنبه 14 اردیبهشت 1392يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ