Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
تهراندا بئش‌آلتی یاشلی اوشاقلاردا ساوادلیدیلار! اینانمیسیز؟؟؟
یادیما گلیر ایكی یا اوچو اوخویاردیم، قونشوموزون اوغلو باباش دا دوققوزو اوخویوردو، قدیم دوققوزا، یانی دئمه‌لی آرتیق ۱۸ یاشی زادی اولاردی، نئجه كی یالنیز بئشینجی كیلاسی اوچ ایل اوخودو و ان آزی هر كیلاسی ایكی ایله بیتیریردی. آنجاق دوققوزا كئچن همی درسی بوراخیب قاچدی، یانی تئهراندا ایشله‌مه‌یه گئتدی.
نئچه آیدان سونرا بایراما گؤره گلمیشدی، آنجاق نئجه گلمیشدی! بیر شالوار گئیمیشدی ده‌ییرمان تورباسیندان گئن اولاردی و هر بیر قیچی بیر آرواد چادراسی قدر پارچا آپارمیشدی. باشماغینین‌دا دابانینی قاتلاییب و دوزگون یاغلامیشدی، آمما باللیجا*نین تورپاغی قاباغیندا جیبینده‌كی دسمال‌لا هر یاریم ساعاتدا بیر دفه توزونو سیلمه‌لی ایدی. باشینی‌دا اوزاتمیشدی و نم نه یاخمیشدی كی لاپ سونرالار بیلدیم آدی "ژل" ایمیش، آمما اوندا هامی مسخره اوچون دئییردیلر "باشینا باخ دئییرسن به مال یالاییب باشین".
بیر گون كوچه ده توكان قاباغیندا باباش تهران‌دان ناغل ائدیردی، من‌ده ماراقلی اولدوم، یاخینا گئتدیم، او بیری قونشوموزون اوغلو توحید، باباشا دانلاق ووروردو كی "داش باشیوا درسی بوشلادین گئتدین."
باباش دا دئییردی "اده بیزلرده هوش فراسات یوخدوكو درس اوخویاق، تهراندا بئش آلتی یاشینداكی اوشاقلار بیزلردن هوش فراساتلاری چوخدو، ائله ساوادلیدیلار كی! فارسجانی بولبول كیمین دانیشیرلار".
توحید ائله بونو ائشیدجك اللرینی دیزلرینه چیرپا-چیرپا قاققیلدایاركن گولمكدن آشمیشدی، گؤزلریندن یاش گلیردی.
من ده بیر كاموا بولوزلا، دیزی جیریق تومان اَ‌ینیمده، الیمده ده سورما-شیرنی سوراركن دایانمیشدیم، دووارا باخا-باخا قالمیشدیم و دوشونموردوم توحید ندن گولور. سونرالار بیلدیم باباش نه دئییرمیش و توحید نه‌یه گولورموش...!
* باللیجا «خییوو» شهرینده بیر كند آدی دیر
یادیما گلیر ایكی یا اوچو اوخویاردیم، قونشوموزون اوغلو باباش دا دوققوزو اوخویوردو، قدیم دوققوزا، یانی دئمه‌لی آرتیق ۱۸ یاشی زادی اولاردی، نئجه كی یالنیز بئشینجی كیلاسی اوچ ایل اوخودو و ان آزی هر كیلاسی ایكی ایله بیتیریردی. آنجاق دوققوزا كئچن همی درسی بوراخیب قاچدی، یانی تئهراندا ایشله‌مه‌یه گئتدی.
نئچه آیدان سونرا بایراما گؤره گلمیشدی، آنجاق نئجه گلمیشدی! بیر شالوار گئیمیشدی ده‌ییرمان تورباسیندان گئن اولاردی و هر بیر قیچی بیر آرواد چادراسی قدر پارچا آپارمیشدی. باشماغینین‌دا دابانینی قاتلاییب و دوزگون یاغلامیشدی، آمما باللیجا*نین تورپاغی قاباغیندا جیبینده‌كی دسمال‌لا هر یاریم ساعاتدا بیر دفه توزونو سیلمه‌لی ایدی. باشینی‌دا اوزاتمیشدی و نم نه یاخمیشدی كی لاپ سونرالار بیلدیم آدی "ژل" ایمیش، آمما اوندا هامی مسخره اوچون دئییردیلر "باشینا باخ دئییرسن به مال یالاییب باشین".
بیر گون كوچه ده توكان قاباغیندا باباش تهران‌دان ناغل ائدیردی، من‌ده ماراقلی اولدوم، یاخینا گئتدیم، او بیری قونشوموزون اوغلو توحید، باباشا دانلاق ووروردو كی "داش باشیوا درسی بوشلادین گئتدین."
باباش دا دئییردی "اده بیزلرده هوش فراسات یوخدوكو درس اوخویاق، تهراندا بئش آلتی یاشینداكی اوشاقلار بیزلردن هوش فراساتلاری چوخدو، ائله ساوادلیدیلار كی! فارسجانی بولبول كیمین دانیشیرلار".
توحید ائله بونو ائشیدجك اللرینی دیزلرینه چیرپا-چیرپا قاققیلدایاركن گولمكدن آشمیشدی، گؤزلریندن یاش گلیردی.
من ده بیر كاموا بولوزلا، دیزی جیریق تومان اَ‌ینیمده، الیمده ده سورما-شیرنی سوراركن دایانمیشدیم، دووارا باخا-باخا قالمیشدیم و دوشونموردوم توحید ندن گولور. سونرالار بیلدیم باباش نه دئییرمیش و توحید نه‌یه گولورموش...!
* باللیجا «خییوو» شهرینده بیر كند آدی دیر
5باخيش