Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
اینسانلیق
قورخماز بیریسی ایدی، قینامایان اولماسایدی تانریلادا ساواشماقدان اؤترو بولودلاریدا جیرماقلایاردی، وحشیجه‌سینه یوخ ها، یالنیز حاقق اوزه‌ره! یانی گؤرسه‌یدین بیریسینه ظولم اولور یوخسا بیریسینی اونون گؤزونون اؤنونده اینجیدیرلر و اودا ساكیت اوتورا بیر یئرده گؤردویونه اینانما؟؟؟!!!
آخی آی كیشی سنین آرواد اوشاغین یوخدومو؟ بئكارسان اونون–بونون سؤزونه، ایشینه، ساواشینا قاریشیرسان؟! آی ددم قوربان سن‌ده باشقالاركیمی اوتوراراق یالنیز، تاماشا ائت دا...
آللاه اونا رحمت ائتسین بیردانه كیشی ایدی... اوندان من كیشی‌لیك درسینی اؤیرنمیشم!
نئچه ایل بوندان اؤنجه ایدی دا، هئئئ دونیا، زامان بئله ویژیلتیلا اؤتوركی آدام ایگیرمی ایل قاباقدا دوشن اولایا دئییر "دونن"!!!
هئچ بیلمیرم رحمتلییین هانسی یاتمیش خاطیره‌سینی اویادام، هانسی یاخشی ایشلرینی هانسی...
هههه نئچه ایل بوندان اؤنجه ایدی، ائله بو ترمینالین یان-یؤره‌سی بیزیم ایش مكانیمیزایدی موسافیر داشییاردیم. او گونو خاطیرلایاندا بیلمیرم گوله‌م، آغلایام، یوخسا تأسسوف ییه‌م اؤزومه...
موسافیرلر ماشینا دولموش آمما یولا دوشدویوم، آن تكرلرین پنچر اولدوغونو دویدوم و مجبور قالدیم ماشینی ان پیس یئرده ساخلایام. "گؤرورسن شانسی" دییه موسافیرلری راضیلاشدیراراق بیراز دؤزون دئدیم. آللاها چوخ شوكور بوگونكو قارشیما چیخانلار "آدام" و " دوشونن" ایدیلر.
ماشیندان دوشوب آرخا كاپوتدان زاپاس تكری گؤتوردوم، چؤنبرتمه اوتوراراق تكرلری ده‌ییشیردیم كی بیرآن پئیسه‌ریمدن ده‌یه‌ن شیلله‌نین آغریسیندان آیاغا قالخدیم و بیر افسری باشیم اوستونده دورموش گؤردوم.
- بورادا نه‌یه ساخلامیشسان؟ دور ییغیشدیر گؤروم یولون آغزی بو ایشلرین یئری دیر؟ دییه افسر باغیردی.
منده قورخاق بیریسی، دیلیم توتولاراق بیر سؤزده دییه بیلمه‌دیم، طرفین یاشینا باخماكی اوشاق–یئكه فرق ائتمیر بالاخره افسردی دا قورخورام، بیلمیرم كی بو قورخاقلیق كیمدن منه ایرث گلیب باخ، ددمدن یوخسا ننه‌مدن؟
افسرین اوزونه دونوخاراق یالنیز، "باغیشلایین باش اوسته" دئیه ماشینا مینمه‌ك ایسته‌ییردیم كی آرخامدا بیریسی منی سسله‌دی:
- هوی روستم! بئغئیرت كیشی یوخسا سنین غئرتین هارایا گئدیب؟!
گئری دونه‌رك حاج عیسی‌نی آرخامدا گؤردوم، " قارا عیسی"نی! اونو بیر قارا كیشی اولدوغونا هامی "قارا عیسی" آدیلا تانییاردی.
بئغیرت دییه-دییه منه یاخینلاشاراق گلیب منله افسرین اورتاسیندا دایاناركن اونون اللریندن توتوب تأسسوفله منه باخاراق "بی ناموس تئزول اللرینه توپور..."دئدی.
ایلك بئله ساندیم افسرین الیینی دئییر اونا گؤره قورخاراق بیر آددیم گئری چكیندیم.
- اؤلوم اولماسین سنه بئله كیشی اؤز الینی دئییرم، توپور الیینه دئدیم، دییه یئنی‌دن باغیردی.
جاماهات چئوره‌میزه دولموش منیمله برابر شاشمیشدیلار. بیر تهرلیكله ساغ الیمه توپوررك قارا عیسی‌یا باخدیم.
- ههههه! ایندی اللرینی بیربیرنه سورت...!
- آخی بو نه ایشدی حاجی، دییه سوردوم. افسر ایسه بیزیم ایشله‌ریمیزه حیئران قالاراق نه ایش گؤره‌جه‌ییمیزی دوشونوردو.
قارا عیسی منیم سورغومدان اینجییه‌رك باغیردی:
- یئنه دانیشدی هاااااا... سنه دئییرم اللرینی بیر بیرینه سورت، آدام بؤیوگونون سؤزونه باخار بیر!
توپورجكلی الیمی سول الیمه سورته‌رك ایكیسینی ده یاشلاتدیم. آمما منده افسر كیمی عیسی‌نین بو ایشلرینین سونونون نه اولدوغونا فیكیرله‌شیردیم.
قارا عیسی بیردن افسری منیم اوستومه ایته‌له‌یه‌رك "ایندی او یاشلی الینله نئجه بو سنی ووردو سنسه اونو هئله وور"، دئیه قوللارینی قوینونا قویاراق گئندن دوروب باخدی.
گؤزلریم گیله دن چیخمیش عیسی‌نین سانكی قودورماغینی دوشونه‌رك "آی كیشی بونلار نه ایشدی دئیه دوداغلاریمی قولاغینا یاخینلاشدیریب ...ائله او سؤزو دئدیم.
قارا عیسی بو دؤنه اوستومه یؤروب "اده نییه دوشونمورسن باخ سنه دئدیم هر ایش دئییرم اونو گؤر عاقیبتیندن قورخمادان، دئیه اوزونو اورایا ییغیشان جاماهاتا چئویریب "آخی كیشی‌ده بو قدرقورخااااق" دئدی.
گؤزلریمی یوموب اوره‌ییمده كی نم نئچه ایللیك قورخولاریمی اووجوما ییغیب بیر ان مؤحكم شیلله‌می افسرین پئیسه‌رینه زوپادیم.
افسرین بو ایشه اینتیظاری اولمادان بوینون دامارلاری شیشه‌رك اوجا سسله "بو نه ایشدی آغا، من سیزین بو آلچاقلیغینیزی گوزاریش وئرمه‌لییه‌م" دئیه بیسیمینی گؤتوردو.
قارا عیسی اونا یاخینلاشاراق بیسیمی الیندن قوپاریب دئدی:
- اده هله سن تزه یومورتادان چیخ سونرا جوججولده دا، سنه هانسی قورومساق اؤیره‌دیب تخللوف ائده‌ن كیمسه‌نین اؤنجه، بوینون دالیندان شیلله ووروب سونرادا فیلان قدر جریمه یازاسان... دئ گؤروم كیم دئییب؟ هانسی قانوندا هانسی فیلان ائتدییم كیتابدا یازیلیب بو ایش؟؟!!
یازیق افسر قارا عیسی‌نین بو قدر مؤحكم دلیلله دانیشیغیندان سانكی پوخ یئدییمه دوشموشدو آنجاق قارا عیسی قورتاران دئییل‌دی‌كی ائله دئییردی باخ:
- ایندی نئجه‌سن ایططیلاعاتا زنگ آچاراق بو ایشینی گوزاریش وئره‌م، بیلریسندا گوزاریش‌ده وئرسم‌ها دوز ننه –باجینی.... آللاه اكبرهاااا....
یازیق افسر عیسی‌نین اللرینی توتاراق" پوخ یئمیشه‌م حاجی، قلط ائله‌میشم، داها تیكرار اولماز، سنی كیمینین جانی گوزاریش وئرمه‌یی بی‌خیال اول دا آخی منیم خیدمتیمدن یالنیز، اوچ آی قالیر" دئدی.
قارا عیسی ایسه گنج مأمورون كوره‌یینه ووراراق "داها تیكرار اولماسین‌ها، گئت ایشینین دالیسیجا اوغلوم و بونو بیل‌كی بوینو یوغونلوغا بیر شئی وئرمه‌زلر" دئدی.
اورایا ییغیشان مردومون آغزی آچیق قالمیش و من اوگون اینسانلیق آنلامینین ارزیشینی اووجوما جومالایاراق الی دولو ائویمه گئتدیم...
قورخماز بیریسی ایدی، قینامایان اولماسایدی تانریلادا ساواشماقدان اؤترو بولودلاریدا جیرماقلایاردی، وحشیجه‌سینه یوخ ها، یالنیز حاقق اوزه‌ره! یانی گؤرسه‌یدین بیریسینه ظولم اولور یوخسا بیریسینی اونون گؤزونون اؤنونده اینجیدیرلر و اودا ساكیت اوتورا بیر یئرده گؤردویونه اینانما؟؟؟!!!
آخی آی كیشی سنین آرواد اوشاغین یوخدومو؟ بئكارسان اونون–بونون سؤزونه، ایشینه، ساواشینا قاریشیرسان؟! آی ددم قوربان سن‌ده باشقالاركیمی اوتوراراق یالنیز، تاماشا ائت دا...
آللاه اونا رحمت ائتسین بیردانه كیشی ایدی... اوندان من كیشی‌لیك درسینی اؤیرنمیشم!
نئچه ایل بوندان اؤنجه ایدی دا، هئئئ دونیا، زامان بئله ویژیلتیلا اؤتوركی آدام ایگیرمی ایل قاباقدا دوشن اولایا دئییر "دونن"!!!
هئچ بیلمیرم رحمتلییین هانسی یاتمیش خاطیره‌سینی اویادام، هانسی یاخشی ایشلرینی هانسی...
هههه نئچه ایل بوندان اؤنجه ایدی، ائله بو ترمینالین یان-یؤره‌سی بیزیم ایش مكانیمیزایدی موسافیر داشییاردیم. او گونو خاطیرلایاندا بیلمیرم گوله‌م، آغلایام، یوخسا تأسسوف ییه‌م اؤزومه...
موسافیرلر ماشینا دولموش آمما یولا دوشدویوم، آن تكرلرین پنچر اولدوغونو دویدوم و مجبور قالدیم ماشینی ان پیس یئرده ساخلایام. "گؤرورسن شانسی" دییه موسافیرلری راضیلاشدیراراق بیراز دؤزون دئدیم. آللاها چوخ شوكور بوگونكو قارشیما چیخانلار "آدام" و " دوشونن" ایدیلر.
ماشیندان دوشوب آرخا كاپوتدان زاپاس تكری گؤتوردوم، چؤنبرتمه اوتوراراق تكرلری ده‌ییشیردیم كی بیرآن پئیسه‌ریمدن ده‌یه‌ن شیلله‌نین آغریسیندان آیاغا قالخدیم و بیر افسری باشیم اوستونده دورموش گؤردوم.
- بورادا نه‌یه ساخلامیشسان؟ دور ییغیشدیر گؤروم یولون آغزی بو ایشلرین یئری دیر؟ دییه افسر باغیردی.
منده قورخاق بیریسی، دیلیم توتولاراق بیر سؤزده دییه بیلمه‌دیم، طرفین یاشینا باخماكی اوشاق–یئكه فرق ائتمیر بالاخره افسردی دا قورخورام، بیلمیرم كی بو قورخاقلیق كیمدن منه ایرث گلیب باخ، ددمدن یوخسا ننه‌مدن؟
افسرین اوزونه دونوخاراق یالنیز، "باغیشلایین باش اوسته" دئیه ماشینا مینمه‌ك ایسته‌ییردیم كی آرخامدا بیریسی منی سسله‌دی:
- هوی روستم! بئغئیرت كیشی یوخسا سنین غئرتین هارایا گئدیب؟!
گئری دونه‌رك حاج عیسی‌نی آرخامدا گؤردوم، " قارا عیسی"نی! اونو بیر قارا كیشی اولدوغونا هامی "قارا عیسی" آدیلا تانییاردی.
بئغیرت دییه-دییه منه یاخینلاشاراق گلیب منله افسرین اورتاسیندا دایاناركن اونون اللریندن توتوب تأسسوفله منه باخاراق "بی ناموس تئزول اللرینه توپور..."دئدی.
ایلك بئله ساندیم افسرین الیینی دئییر اونا گؤره قورخاراق بیر آددیم گئری چكیندیم.
- اؤلوم اولماسین سنه بئله كیشی اؤز الینی دئییرم، توپور الیینه دئدیم، دییه یئنی‌دن باغیردی.
جاماهات چئوره‌میزه دولموش منیمله برابر شاشمیشدیلار. بیر تهرلیكله ساغ الیمه توپوررك قارا عیسی‌یا باخدیم.
- ههههه! ایندی اللرینی بیربیرنه سورت...!
- آخی بو نه ایشدی حاجی، دییه سوردوم. افسر ایسه بیزیم ایشله‌ریمیزه حیئران قالاراق نه ایش گؤره‌جه‌ییمیزی دوشونوردو.
قارا عیسی منیم سورغومدان اینجییه‌رك باغیردی:
- یئنه دانیشدی هاااااا... سنه دئییرم اللرینی بیر بیرینه سورت، آدام بؤیوگونون سؤزونه باخار بیر!
توپورجكلی الیمی سول الیمه سورته‌رك ایكیسینی ده یاشلاتدیم. آمما منده افسر كیمی عیسی‌نین بو ایشلرینین سونونون نه اولدوغونا فیكیرله‌شیردیم.
قارا عیسی بیردن افسری منیم اوستومه ایته‌له‌یه‌رك "ایندی او یاشلی الینله نئجه بو سنی ووردو سنسه اونو هئله وور"، دئیه قوللارینی قوینونا قویاراق گئندن دوروب باخدی.
گؤزلریم گیله دن چیخمیش عیسی‌نین سانكی قودورماغینی دوشونه‌رك "آی كیشی بونلار نه ایشدی دئیه دوداغلاریمی قولاغینا یاخینلاشدیریب ...ائله او سؤزو دئدیم.
قارا عیسی بو دؤنه اوستومه یؤروب "اده نییه دوشونمورسن باخ سنه دئدیم هر ایش دئییرم اونو گؤر عاقیبتیندن قورخمادان، دئیه اوزونو اورایا ییغیشان جاماهاتا چئویریب "آخی كیشی‌ده بو قدرقورخااااق" دئدی.
گؤزلریمی یوموب اوره‌ییمده كی نم نئچه ایللیك قورخولاریمی اووجوما ییغیب بیر ان مؤحكم شیلله‌می افسرین پئیسه‌رینه زوپادیم.
افسرین بو ایشه اینتیظاری اولمادان بوینون دامارلاری شیشه‌رك اوجا سسله "بو نه ایشدی آغا، من سیزین بو آلچاقلیغینیزی گوزاریش وئرمه‌لییه‌م" دئیه بیسیمینی گؤتوردو.
قارا عیسی اونا یاخینلاشاراق بیسیمی الیندن قوپاریب دئدی:
- اده هله سن تزه یومورتادان چیخ سونرا جوججولده دا، سنه هانسی قورومساق اؤیره‌دیب تخللوف ائده‌ن كیمسه‌نین اؤنجه، بوینون دالیندان شیلله ووروب سونرادا فیلان قدر جریمه یازاسان... دئ گؤروم كیم دئییب؟ هانسی قانوندا هانسی فیلان ائتدییم كیتابدا یازیلیب بو ایش؟؟!!
یازیق افسر قارا عیسی‌نین بو قدر مؤحكم دلیلله دانیشیغیندان سانكی پوخ یئدییمه دوشموشدو آنجاق قارا عیسی قورتاران دئییل‌دی‌كی ائله دئییردی باخ:
- ایندی نئجه‌سن ایططیلاعاتا زنگ آچاراق بو ایشینی گوزاریش وئره‌م، بیلریسندا گوزاریش‌ده وئرسم‌ها دوز ننه –باجینی.... آللاه اكبرهاااا....
یازیق افسر عیسی‌نین اللرینی توتاراق" پوخ یئمیشه‌م حاجی، قلط ائله‌میشم، داها تیكرار اولماز، سنی كیمینین جانی گوزاریش وئرمه‌یی بی‌خیال اول دا آخی منیم خیدمتیمدن یالنیز، اوچ آی قالیر" دئدی.
قارا عیسی ایسه گنج مأمورون كوره‌یینه ووراراق "داها تیكرار اولماسین‌ها، گئت ایشینین دالیسیجا اوغلوم و بونو بیل‌كی بوینو یوغونلوغا بیر شئی وئرمه‌زلر" دئدی.
اورایا ییغیشان مردومون آغزی آچیق قالمیش و من اوگون اینسانلیق آنلامینین ارزیشینی اووجوما جومالایاراق الی دولو ائویمه گئتدیم...
یاز- خییوو-1392
گئجه ساهات 2:53
گئجه ساهات 2:53
25باخيش