Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
بولاق درنه‌یینین بو هفته‌كی قوناغی اوستاد "فرهاد ابراهیمی" ایدی. یئرینیز بوش! گونلر، آیلار، ایللر عاشیق اولدوغوموز چاغلار اوستادین آیریلیق ماهنیسینی دانشجویی خوابگاه‌لاردا، پارك‌لاردا، یالقیزلیق اوتاغیمیزدا، تویلاردا، یاسلاردا، سئوه-سئوه دینله‌میشیك؛ گولركن، آغلایاركن. بوتون دویغولاریمیزی قاپساییب دئمك. اونونلا یاشامیشیق، یقین كی هامیمیز بو ماهنینی ائشیتمیشیك. بیلدیییمیز كیمی بو ماهنی دونیادا 60 دیله چئوریلیب و اؤنملی‌سی بو كی موسیقی‌سی‌ده ایجرا اولونوب. بو آذربایجانیمیز اوچون چوخ بؤیوك بیر فخردیر. قولاغیمیزین دیبینده‌كی "نیر" آدلی بالاجا بیر شهردن "فرهاد" آدلی بؤیوك بیر اینسان چیخیر. آمما بو فرهاد داغلاری دئشن فرهاد دئییل، عؤمور بویو بوتون دونیادا اورك‌لرده سسله‌نیب دیلك‌لرده یاشایان، گؤزلردن یاش اولوب آخیب دامارلاردا چیرپینان بیر سئوگی ماهنیسی اولوب. فرهادلارا آجی آیریلیقدان اوخویوب شیرین سئوگیلره گیلئلیلی ائدیب. گیلئلی‌لر لئیلی‌لرین گئدیشینه...آیریلیغی یوزلر دؤنه ائشیتدیییمیز بیر یانا اوستادین اینجه و گؤزل سسی‌له‌ده جانلی اولاراق ائشیتمك باشقا بیر داد و لذت وئردی درنه‌ییمیزه. بو اولای‌دان دولایی سایین "روزبه صمدی"دن، اوستادی درنه‌ییمیزه نیر شهریندن قوناق گتیردییینه گؤره تشككور ائدریك.
آشاغی دا گالری موسیقی آذربایجان دان گؤتوروب بیراز ائدیت ائتدیییمیز تانیتیمی اوخویورسونوز:
رجب ابراهیمی (فرهاد) آذربایجانین تانینمیش و آدلیم ماهنی یازانی‌دیر. 15/08/1314 تاریخینده اردبیلین یورتچی ماحالی‌نین «كوورابازلی» كندینده دونیایا گؤز آچیب، 10 یاشیندا عائیله‌سی‌له بیرلیكده تهرانا كؤچوبلر.
اوستاد تهراندا یاشاركن، او دؤورون قیزغین ایجتیماعی موباریزه‌سی‌نین جانلی شاهیدی اولاراق عئینی حالدا ریضاشاه رئژیمی‌نین قالیق‌لاری آذربایجانلی‌لارین میللی وارلیقلارینی لاغا قوویانلارین چیركین عمل‌لری اوندا وطن و ائل محبّتینی داها گوجلندیریر و بو جور یاراماز آدام‌لارین سیماسینی، پیس‌نییت‌لی، قارا فیكیرلی آدام‌لاری یازدیغی طنز شعرلری ایله گولوش آتشینه توتور.
اوستادین او دؤور موهوم فعالییت‌لریندن بیری ده مرحوم بسته‌كاریمیز اوستاد “علی سلیمی” ایله ایران رادیوسوندا ایش‌بیرلییی آپارماسی‌دیر. او ساده دیلده ماهنیلار یازیر و اوستاد سلیمی ایسه اونلارا آهنگ بسته‌له‌ییر و رادیودان یاییلیر. فرهادین اۆره‌ییندن قوپان سئوگی نغمه‌لی «آیریلیق» ماهنیسی دیل‌لر ازبری‌دیر. او ماهنینین، ماراقلی یارانما و یاییلما تاریخی وار. فرهاد سئوگی نغمه‌سی قووشور، اوستاد علی سلیمی بسته‌سینی یازیر وارتوش خانیم اوونو اوخویور، ایرانا سفر ائده‌ن آذربایجانین دونیا شؤهرتلی مۆغنّی‌سی رشید بئهبودوف ماهنینی بیه‌نیر و اونو اؤزو ایله اوتایا آپاریر. ایكینجی دؤنه قاییداركن آیریلیق ماهنیسی رشید بئهبودوفون ایفاسیندا اؤلمز بیر خالق نغمه‌سی كیمی سسله‌نیر. و ایللر بویودور كی، بو ماهنی دیل‌لردن دوشمور. اونو بیر چوخ مۆغنّی‌لر ده دؤنه-دؤنه ایفا ائدیر.
فرهاد، اینقیلاب‌دان قاباق اؤز دوغما یوردونا سونسوز محبتّی كؤلگه‌سینده، آتا-بابا كندلرینده (كورابازی) مۆعاصیر اۆسلوبدا بینا تیكدیریر. ائله‌جه ده كند آبادانلیق ایش‌لرینده یاخیندان ایشتیراك ائدیر. اونون رهبرلییی ایله كنده آسفالت یولو، ائلئكتیریك ایشیق، سو چكیلیر، مدرسه‌لر و ... ایشلر باش توتور...
فرهاد اینقیلاب‌دان سونرا یارانان آذربایجان شاعیرلر و یازیچی‌لار جمعییتی‌نین ایداره هئیتی‌نین عوضوو كیمی دیلیمیزین، ادبییاتیمیزین اوغروندا یورولمادان چالیشیر. «گۆنش» مجله‌سی‌نین یاییلماسیندا چوخلو امك صرف ائدیر. آرزو ائدیریك كی فرهادین یارتدیغی اثرلرده اونون ایجرایی ایش‌لری كیمی ایشیق اوزو گؤرسون. اونا اوزون عؤمور و داها گؤزل یارادیجی‌لیقلار و گؤزل حیات آرزولاییریق.
آیریلیق
فیكریندن گئجه‌لر یاتا بیلمیرم
بو فیكری باشیمدان آتا بیلمیرم
نئیله‌ییم كی سنه چاتا بیلمیرم
آیریلیق، آیریلیق، آمان آیریلیق
هر بیر درددن اوْلور یامان آیریلیق
اوزوندور هیجرینده، قارا گئجه‌لر
بیلمیرم، من گئدیم، هارا گئجه‌لر
ووروبدور قلبیمه یارا گئجه‌لر
آیریلیق، آیریلیق، آمان آیریلیق
هر بیر درددن اوْلور یامان آیریلیق
یادیما دوشنده آلا گؤزلرین
گؤیده اولدوزلاردان آللام خبرین
نئیله‌ییم، كسیبدیر مندن نظرین
آیریلیق، آیریلیق، آمان آیریلیق
هر بیر درددن اوْلور یامان آیریلیق
آیرلیق دردینی چكمه‌ین بیلمز
یاردان آیری دوشن گؤز یاشین سیلمز
دئییرلر انتظار خسته‌سی اؤلمز
آیریلیق، آیریلیق، آمان آیریلیق
هر بیر درددن اوْلور یامان آیریلیق
نئجه‌كی ائلیمده، آیری دوشندن
سورار بیر – بیرینی، گؤروب بیلندن
حسرتله سیزلایار دائم بو غمدن
آیریلیق، آیریلیق، آمان آیریلیق
هر بیر درددن اولور یامان آیریلیق
ایللردی اوزاغام آرخام – ائلیمدن
بولبولم، دوشموشم، آیری گولومدن
جور ایله آییریب شیرین دیلیمدن
آیریلیق، آیریلیق، آمان آیریلیق
هر بیر درددن اولور یامان آیریلیق
اولوبدور «بیگانه»، یاریم – یولداشیم
«غریبه» ساییلیر سئوگیم- سیرداشیم
بو جاوان چاغیمدا آغاردیب باشیم
آیریلیق، آیریلیق، آمان آیریلیق
هر بیر درددن اولور یامان آیریلیق
منی آغلاداندان گولوش ایسته‌رم
آیری دوشه‌نیمله گؤروش ایسته‌رم
حاصاری ییخماغا یوروش ایسته‌رم
آیریلیق، آیریلیق، آمان آیریلیق
هر بیر درددن اوْلور یامان آیریلیق
سئوگی‌لیك اولوبدور شأنی «فرهاد»ین!
سئوگی‌سی هاردادیر، هانی «فرهاد»ین؟
دئیه‌رك، چیخاجاق جانی «فرهاد»ین!
آیریلیق، آیریلیق، آمان آیریلیق
هر بیر دردن اولور یامان آیریلیق
آشاغی دا گالری موسیقی آذربایجان دان گؤتوروب بیراز ائدیت ائتدیییمیز تانیتیمی اوخویورسونوز:
رجب ابراهیمی (فرهاد) آذربایجانین تانینمیش و آدلیم ماهنی یازانی‌دیر. 15/08/1314 تاریخینده اردبیلین یورتچی ماحالی‌نین «كوورابازلی» كندینده دونیایا گؤز آچیب، 10 یاشیندا عائیله‌سی‌له بیرلیكده تهرانا كؤچوبلر.
اوستاد تهراندا یاشاركن، او دؤورون قیزغین ایجتیماعی موباریزه‌سی‌نین جانلی شاهیدی اولاراق عئینی حالدا ریضاشاه رئژیمی‌نین قالیق‌لاری آذربایجانلی‌لارین میللی وارلیقلارینی لاغا قوویانلارین چیركین عمل‌لری اوندا وطن و ائل محبّتینی داها گوجلندیریر و بو جور یاراماز آدام‌لارین سیماسینی، پیس‌نییت‌لی، قارا فیكیرلی آدام‌لاری یازدیغی طنز شعرلری ایله گولوش آتشینه توتور.
اوستادین او دؤور موهوم فعالییت‌لریندن بیری ده مرحوم بسته‌كاریمیز اوستاد “علی سلیمی” ایله ایران رادیوسوندا ایش‌بیرلییی آپارماسی‌دیر. او ساده دیلده ماهنیلار یازیر و اوستاد سلیمی ایسه اونلارا آهنگ بسته‌له‌ییر و رادیودان یاییلیر. فرهادین اۆره‌ییندن قوپان سئوگی نغمه‌لی «آیریلیق» ماهنیسی دیل‌لر ازبری‌دیر. او ماهنینین، ماراقلی یارانما و یاییلما تاریخی وار. فرهاد سئوگی نغمه‌سی قووشور، اوستاد علی سلیمی بسته‌سینی یازیر وارتوش خانیم اوونو اوخویور، ایرانا سفر ائده‌ن آذربایجانین دونیا شؤهرتلی مۆغنّی‌سی رشید بئهبودوف ماهنینی بیه‌نیر و اونو اؤزو ایله اوتایا آپاریر. ایكینجی دؤنه قاییداركن آیریلیق ماهنیسی رشید بئهبودوفون ایفاسیندا اؤلمز بیر خالق نغمه‌سی كیمی سسله‌نیر. و ایللر بویودور كی، بو ماهنی دیل‌لردن دوشمور. اونو بیر چوخ مۆغنّی‌لر ده دؤنه-دؤنه ایفا ائدیر.
فرهاد، اینقیلاب‌دان قاباق اؤز دوغما یوردونا سونسوز محبتّی كؤلگه‌سینده، آتا-بابا كندلرینده (كورابازی) مۆعاصیر اۆسلوبدا بینا تیكدیریر. ائله‌جه ده كند آبادانلیق ایش‌لرینده یاخیندان ایشتیراك ائدیر. اونون رهبرلییی ایله كنده آسفالت یولو، ائلئكتیریك ایشیق، سو چكیلیر، مدرسه‌لر و ... ایشلر باش توتور...
فرهاد اینقیلاب‌دان سونرا یارانان آذربایجان شاعیرلر و یازیچی‌لار جمعییتی‌نین ایداره هئیتی‌نین عوضوو كیمی دیلیمیزین، ادبییاتیمیزین اوغروندا یورولمادان چالیشیر. «گۆنش» مجله‌سی‌نین یاییلماسیندا چوخلو امك صرف ائدیر. آرزو ائدیریك كی فرهادین یارتدیغی اثرلرده اونون ایجرایی ایش‌لری كیمی ایشیق اوزو گؤرسون. اونا اوزون عؤمور و داها گؤزل یارادیجی‌لیقلار و گؤزل حیات آرزولاییریق.
آیریلیق
فیكریندن گئجه‌لر یاتا بیلمیرم
بو فیكری باشیمدان آتا بیلمیرم
نئیله‌ییم كی سنه چاتا بیلمیرم
آیریلیق، آیریلیق، آمان آیریلیق
هر بیر درددن اوْلور یامان آیریلیق
اوزوندور هیجرینده، قارا گئجه‌لر
بیلمیرم، من گئدیم، هارا گئجه‌لر
ووروبدور قلبیمه یارا گئجه‌لر
آیریلیق، آیریلیق، آمان آیریلیق
هر بیر درددن اوْلور یامان آیریلیق
یادیما دوشنده آلا گؤزلرین
گؤیده اولدوزلاردان آللام خبرین
نئیله‌ییم، كسیبدیر مندن نظرین
آیریلیق، آیریلیق، آمان آیریلیق
هر بیر درددن اوْلور یامان آیریلیق
آیرلیق دردینی چكمه‌ین بیلمز
یاردان آیری دوشن گؤز یاشین سیلمز
دئییرلر انتظار خسته‌سی اؤلمز
آیریلیق، آیریلیق، آمان آیریلیق
هر بیر درددن اوْلور یامان آیریلیق
نئجه‌كی ائلیمده، آیری دوشندن
سورار بیر – بیرینی، گؤروب بیلندن
حسرتله سیزلایار دائم بو غمدن
آیریلیق، آیریلیق، آمان آیریلیق
هر بیر درددن اولور یامان آیریلیق
ایللردی اوزاغام آرخام – ائلیمدن
بولبولم، دوشموشم، آیری گولومدن
جور ایله آییریب شیرین دیلیمدن
آیریلیق، آیریلیق، آمان آیریلیق
هر بیر درددن اولور یامان آیریلیق
اولوبدور «بیگانه»، یاریم – یولداشیم
«غریبه» ساییلیر سئوگیم- سیرداشیم
بو جاوان چاغیمدا آغاردیب باشیم
آیریلیق، آیریلیق، آمان آیریلیق
هر بیر درددن اولور یامان آیریلیق
منی آغلاداندان گولوش ایسته‌رم
آیری دوشه‌نیمله گؤروش ایسته‌رم
حاصاری ییخماغا یوروش ایسته‌رم
آیریلیق، آیریلیق، آمان آیریلیق
هر بیر درددن اوْلور یامان آیریلیق
سئوگی‌لیك اولوبدور شأنی «فرهاد»ین!
سئوگی‌سی هاردادیر، هانی «فرهاد»ین؟
دئیه‌رك، چیخاجاق جانی «فرهاد»ین!
آیریلیق، آیریلیق، آمان آیریلیق
هر بیر دردن اولور یامان آیریلیق
24باخيش