Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
بیزیم حؤرمتلی داورلردن بیری اولان ده‌یرلی شاعیر "زامان پاشازاده"نین یاریشمامیز حاقدا یازدیغی آچیقلامانی اوخویوروق. یاریشمامیزا تنقیدی باخیش ایره‌لی سوروب اؤنریلرینی بیزیمله پایلاشان سایین "پاشازاده"یه درین تشككوروموز و سایغیلاریمیزی بیلدیریریك.
بولاق درنهیینین یاریشماسی حاققیندا
سون ایللرده اؤزوم ده اویه‌سی(عضو) اولدوغوم شهریار آدینا شعر فئستیوالی طرفیندن، داور و ژوری هیئتینین بیر عضوو كیمی بو شعر یاریشمالارینا گلن اثرلری دیرلندیرمه‌می ایصرارلا اؤنرسه‌لرده، «آیاغیمی باشقالارینین آیاق قابیلارینا دورتمه‌رم دئیه» یوخ دئمیشدیم و بو بؤیوك یوكون آلتیندان بیر تهرلیك قاچمیشدیم. اؤزومده شعری یاخشی تانیماق و یاخشی شعری تانیماق یئته‌نه‌یینه امین اولسامدا، تنقید و یئترینجه بیر ادبی اثری اینجه‌له‌مك باجاریغی ایددیعاسیندا دئییلم. بو بامباشقا ساحه‌دیر، چونكو ساده‌جه ادبی معیارلارلا بیر اثره یاناشماق، او اثرین دوزگون دیرلندیریلمه‌سی دئمك دئییل. تنقیدچی، بونلاردان علاوه بیر چوخ بیلیملرین او جومله‌دن تاریخ، توپلوم بیلیم، پسیخولوژیا و... ساحه‌لرین‌ده یئترینجه اوزمانی اولمالیدیر. "تی. اس الیوت"ون دیلییجه دئسك: "ادبی اؤلچولر یالنیز یارادیجیلیغین، نه قدر ادبی بیر اثر اولدوغونو معیین ائدیر حالبو كی، اثرین بؤیوكلوك و باشاریسینی یالنیز ادبی معیارلارلا اؤلچمك اولماز". اما ایللر اؤنجه اویه‌سی اولدوغوم "بولاق درنه‌یی" طرفیندن اوخشار بیر اؤنرینی آلدیغیمدا ندنسه یوخ دئمه‌یه جسارتیم چاتمادی، چونكو دوغما شهریم و اورانین ادبی موحیطینده نوستالئژِیلریم و بو سایاق عاطیفی باغلار منه نه‌سه ائتمك و بو درنه‌یین بیر اسكی عوضوو اولاراق اؤز پاییمی بو درنه‌یه وئرمك حیسسینیی آشیلادی. ایللر بویو بو درنكدن اوزاق اولسامدا اونون روحو و پتانسیئللری ایله یاخیندان تانیشام و بولاغین دوزلاق چاغینین یئتیرمه‌سی اولدوغومو دئسم یانیلمامیشام چونكو حاضیركی اولاناقلار و یئترینجه اولماسا دا تئكنولوژی واسیطه‌سییله اؤز ادبی چالیشمالارینی شهر چرچیوه‌سیندن آتلاییب ائورنسل بیر فضادا پایلاشمالار، بیزیم چاغیمیزدا بیر خیال كیمی نظره گلیردی. هر حالدا بونو دئمه‌لییم كی بورادا سؤیله‌نیلن فیكیرلر و وئریلن ایمتیازلار هانسیسا اثرین گوجلو یوخسا گوجسوزلویونه دلالت ائتمیر و بو دیرلندیرمه‌لر بیر نفرین باخیش آچیسیندان، اثرلرین طبقه‌لندیریلمه‌سی دئمك‌دیر. بئله‌لیكله اولدوقجا چالیشمیشام كی بیر سیرا ادبی معیارلار و شعیرسللیك ائله‌جه‌ده استئتیكا ایلكه‌لرینی گؤز اؤنونه آلاراق سایین یاریشماچیلارین اثرلرینه اؤز فیكیرلریمی چاتدیرام. سؤزو گئدن چتینلیكلرین یانیندا بیر سیرا دا بو دؤوره عایید چتینلیكلر و نوقصانلار دا واردیر كی یاریشماچیلار و بولاق درنهیینین سایین یؤنتمنلرینین نظرینه چاتدیرماغیمی یئرلی گؤرورم:
1- یاریشمادا یاش قوروپونون نظره آلینماماسی(اؤرنه‌یین: آز یاشلی بیر ادبیاتچیدان توتموش یئتكین بیر ادبیاتچینین عینی یاریشدا اولماغی)
2- اؤیكو و اؤیكوجویون بیر یئرده دیرلندیریلمه‌سی
3- اوشاق ادبیاتینا عایید شعرلرین باشقا شعرلرله بیر یئرده یاریشماسی
4- داورلرین ژانر اعتیبارییله سئچیلمه‌مه‌سی(منجه كلاسیك و سربست شعرین ائله‌جه‌ده حیكایه ژانرینین داورلری فرقلی سئچیلمه‌لی )
طبیعی كی هر بیر باشلانغیجین بیر سیرا چاتیشمازلیقلاری دا اولور و بو چاتیشمازلیقلاری تانییب و نؤوبتی آددیمدا آرادان قالدیرماق اولار. یوخاریداكی یازیلان چاتیشمازلیقلار گلن دؤور یاریشمالاردا آرادان گؤتورولورسه یاخشی نتیجه‌لره وارماق اولار. منجه وئبلاگین آدرسینه گلن بوتون اثرلر حكمن یاریشمایا قاتیلمامالیدیر و یازیچی و شاعیرین یوللادیغی اثرین یاریشما مقصدییله یوللانیب یوللانمادیغی بللنمه‌لی‌دیر. بلكه ده هر بیر فصیلده، گلن اثرلر اعتیبارییله یاریشمانین هانسی ژانرلار اوزره اولماغی و نئجه كئچیریلمه‌سینی معیینلشدیرمك اولار. مثلن اوشاق ادبیاتی داخیلینده بیر اثر گلیبسه اونو باشقا اثرلرین یانیندا قویمامالی و بلكه ده بو سایاق اثرلره اؤنجه‌دن بیلدیریش وئریب و آچیقلانمالیدیر كی بو فصیل فیلان ژانرلار اوزره كئچیریلجك. نه ایسه...منجه "بولاق"ین، درنكلرین دورغونلوق چاغیندا آكتیو اولاراق چالیشماسی و كییفیت باخیمیندان اؤزونه گؤره تانینمیش درنكلر ایچینده یئر آچماسی و گونو گوندن پئشه‌كار عضولر یئتیشدیرمه‌سی، ادبیاتیمیزین گله‌جه‌یینه اؤز سامباللی تؤحفه‌سینی وئره‌جك و گله‌جك نسیللرین ده ذؤوقونو اوخشاماغی باجاراجاق. بئله‌لیكله بو ایشده بوتون امه‌یی كئچنلره ائله‌جه ده یاریشین ایشتیراكچیلارینا اوركدن اوغور دیله‌ییب اللرینی سیخیرام.
سایقیلاریملا
زامان پاشازاده
بولاق درنهیینین یاریشماسی حاققیندا
سون ایللرده اؤزوم ده اویه‌سی(عضو) اولدوغوم شهریار آدینا شعر فئستیوالی طرفیندن، داور و ژوری هیئتینین بیر عضوو كیمی بو شعر یاریشمالارینا گلن اثرلری دیرلندیرمه‌می ایصرارلا اؤنرسه‌لرده، «آیاغیمی باشقالارینین آیاق قابیلارینا دورتمه‌رم دئیه» یوخ دئمیشدیم و بو بؤیوك یوكون آلتیندان بیر تهرلیك قاچمیشدیم. اؤزومده شعری یاخشی تانیماق و یاخشی شعری تانیماق یئته‌نه‌یینه امین اولسامدا، تنقید و یئترینجه بیر ادبی اثری اینجه‌له‌مك باجاریغی ایددیعاسیندا دئییلم. بو بامباشقا ساحه‌دیر، چونكو ساده‌جه ادبی معیارلارلا بیر اثره یاناشماق، او اثرین دوزگون دیرلندیریلمه‌سی دئمك دئییل. تنقیدچی، بونلاردان علاوه بیر چوخ بیلیملرین او جومله‌دن تاریخ، توپلوم بیلیم، پسیخولوژیا و... ساحه‌لرین‌ده یئترینجه اوزمانی اولمالیدیر. "تی. اس الیوت"ون دیلییجه دئسك: "ادبی اؤلچولر یالنیز یارادیجیلیغین، نه قدر ادبی بیر اثر اولدوغونو معیین ائدیر حالبو كی، اثرین بؤیوكلوك و باشاریسینی یالنیز ادبی معیارلارلا اؤلچمك اولماز". اما ایللر اؤنجه اویه‌سی اولدوغوم "بولاق درنه‌یی" طرفیندن اوخشار بیر اؤنرینی آلدیغیمدا ندنسه یوخ دئمه‌یه جسارتیم چاتمادی، چونكو دوغما شهریم و اورانین ادبی موحیطینده نوستالئژِیلریم و بو سایاق عاطیفی باغلار منه نه‌سه ائتمك و بو درنه‌یین بیر اسكی عوضوو اولاراق اؤز پاییمی بو درنه‌یه وئرمك حیسسینیی آشیلادی. ایللر بویو بو درنكدن اوزاق اولسامدا اونون روحو و پتانسیئللری ایله یاخیندان تانیشام و بولاغین دوزلاق چاغینین یئتیرمه‌سی اولدوغومو دئسم یانیلمامیشام چونكو حاضیركی اولاناقلار و یئترینجه اولماسا دا تئكنولوژی واسیطه‌سییله اؤز ادبی چالیشمالارینی شهر چرچیوه‌سیندن آتلاییب ائورنسل بیر فضادا پایلاشمالار، بیزیم چاغیمیزدا بیر خیال كیمی نظره گلیردی. هر حالدا بونو دئمه‌لییم كی بورادا سؤیله‌نیلن فیكیرلر و وئریلن ایمتیازلار هانسیسا اثرین گوجلو یوخسا گوجسوزلویونه دلالت ائتمیر و بو دیرلندیرمه‌لر بیر نفرین باخیش آچیسیندان، اثرلرین طبقه‌لندیریلمه‌سی دئمك‌دیر. بئله‌لیكله اولدوقجا چالیشمیشام كی بیر سیرا ادبی معیارلار و شعیرسللیك ائله‌جه‌ده استئتیكا ایلكه‌لرینی گؤز اؤنونه آلاراق سایین یاریشماچیلارین اثرلرینه اؤز فیكیرلریمی چاتدیرام. سؤزو گئدن چتینلیكلرین یانیندا بیر سیرا دا بو دؤوره عایید چتینلیكلر و نوقصانلار دا واردیر كی یاریشماچیلار و بولاق درنهیینین سایین یؤنتمنلرینین نظرینه چاتدیرماغیمی یئرلی گؤرورم:
1- یاریشمادا یاش قوروپونون نظره آلینماماسی(اؤرنه‌یین: آز یاشلی بیر ادبیاتچیدان توتموش یئتكین بیر ادبیاتچینین عینی یاریشدا اولماغی)
2- اؤیكو و اؤیكوجویون بیر یئرده دیرلندیریلمه‌سی
3- اوشاق ادبیاتینا عایید شعرلرین باشقا شعرلرله بیر یئرده یاریشماسی
4- داورلرین ژانر اعتیبارییله سئچیلمه‌مه‌سی(منجه كلاسیك و سربست شعرین ائله‌جه‌ده حیكایه ژانرینین داورلری فرقلی سئچیلمه‌لی )
طبیعی كی هر بیر باشلانغیجین بیر سیرا چاتیشمازلیقلاری دا اولور و بو چاتیشمازلیقلاری تانییب و نؤوبتی آددیمدا آرادان قالدیرماق اولار. یوخاریداكی یازیلان چاتیشمازلیقلار گلن دؤور یاریشمالاردا آرادان گؤتورولورسه یاخشی نتیجه‌لره وارماق اولار. منجه وئبلاگین آدرسینه گلن بوتون اثرلر حكمن یاریشمایا قاتیلمامالیدیر و یازیچی و شاعیرین یوللادیغی اثرین یاریشما مقصدییله یوللانیب یوللانمادیغی بللنمه‌لی‌دیر. بلكه ده هر بیر فصیلده، گلن اثرلر اعتیبارییله یاریشمانین هانسی ژانرلار اوزره اولماغی و نئجه كئچیریلمه‌سینی معیینلشدیرمك اولار. مثلن اوشاق ادبیاتی داخیلینده بیر اثر گلیبسه اونو باشقا اثرلرین یانیندا قویمامالی و بلكه ده بو سایاق اثرلره اؤنجه‌دن بیلدیریش وئریب و آچیقلانمالیدیر كی بو فصیل فیلان ژانرلار اوزره كئچیریلجك. نه ایسه...منجه "بولاق"ین، درنكلرین دورغونلوق چاغیندا آكتیو اولاراق چالیشماسی و كییفیت باخیمیندان اؤزونه گؤره تانینمیش درنكلر ایچینده یئر آچماسی و گونو گوندن پئشه‌كار عضولر یئتیشدیرمه‌سی، ادبیاتیمیزین گله‌جه‌یینه اؤز سامباللی تؤحفه‌سینی وئره‌جك و گله‌جك نسیللرین ده ذؤوقونو اوخشاماغی باجاراجاق. بئله‌لیكله بو ایشده بوتون امه‌یی كئچنلره ائله‌جه ده یاریشین ایشتیراكچیلارینا اوركدن اوغور دیله‌ییب اللرینی سیخیرام.
سایقیلاریملا
زامان پاشازاده
9باخيش