Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
بولاق درنه‌یی سئویملی زهرا دان بو قیسا یازینی حاضیرلادیغی اوچون تشككور ائدیر. بیلدیییمیز كیمی زهرا بو یازینی كند اهالیسیندن سوروشوب، آختاریشیب و یازیبدیر. یازیسی اورجینال بیر یازی‌دیر و هئچ بیر یئردن كپی اولمادیغی اوچون ایشی داها ده‌یرلی‌دیر...
آلوچ كندی
آلوچ كندی مشگینین باتی‌سیندا،
10كیلومترلییینده یئرله‌شیب‌دیر. بو كندین
سویو چوخ اولدوغونا گؤره "آلوچ" آدی وئریلیب‌دیر. دئمك "آلوچ"
كلمه‌سی "آل" و "ایچ" كلمه‌لرینین قیسالمیشیدیر. بو كندین
چوخلو تاریخی، گزمه‌لی و گؤركملی یئرلی واردیر:
"قالا باشی" قالاسی،
"گورگور" آخماجاسی و "مشگین چایی"
قالا باشی:
دئییلنلره
گؤره یئرآلتی دفینه‌لر(گوور قبری) ده بو كند ده چوخدور. اؤرنك اوچون قالاباشیندا
دا دفینه‌لر و گور قبری‌لرینین چوخ اولدوغونو كند اهالی‌سی وورغولاییر. بو قالا هر
طرف‌دن دره‌لرله سینیرلانیب. توخونولماز و امنیتلی بیر قالا اولاراق تاریخ بویو
بوردا یاشایانلار اوچون بیر سیغیناجاق و گؤونلی بیر یئر اولوب. "آلوچ"
كندینین اینانج‌لارینا گؤره، قالا باشی اووسونلانمیش (طیلیسم اولونموش) بیر قالادیر
و بو قالانین اؤزل یئرلرینه ال تاپماق ایمكانسیزدیر. قالا باشی استراتئژیك
باخیمیندان دره‌لر، مشگین چایی و یایلاقلارین یانیندا اولدوغو اوچون اؤنملی بیر
قالا ساییلا بیلر.
گور-گور:
بو آخماجا
ان گؤزل و منطقه ده تایسیز بیر آخماجالاردان بیری‌دیر. بو شلاله‌نین اوجالیغی 25
مئتیر تخمین وورولور. بو شلاله آخار سولار و بولاق‌لاردان اولوشوب و جورلانیب. بو
سولار آیقار، عربلی، اجیرلی و جلودار یایلاقلاریندا، كركری دره‌سینده چایلاری اولوشدوروب و او كئچیدلرین
داغلیق اولماسینا گؤره، سولار توپلاشیب و گوگور شلاله‌سینی بیتؤولشدیریر و
یارادیر.
مشگین چایی:
بو كندین و مشگین‌شهرین اكینه‌جك یئرلرینین سویونو تامین ائتمك ده اساس رولو اولان مشگین چایینین قایناغی اجیرلی یایلاقلاریدیر دئمك. بو چای اؤز مسیرینده گور-گور شلاله‌سیندن سویوشوب آخدیقدان سونرا، آلوچ كندیندن "اهر چایی"نا تؤكولور...
