Welcome in BULAQ
Bulaq_derneyi@
باغلانتي‌لار
اثرلر
| رديف | يازار | اثر |
|---|---|---|
تبليغ‌لر
آرزو مورادی 1992-جی میلادی ایلین دوغوم‌لوسو، تبریزده گؤز آچیپ، جولفادا
گنجلیك چاغینا یئتیشن "سؤنمز آلئو" آدیلا چالیشیر.
گئدیرم آرخامجا آیاق سسی وار
دایاندیم، دایانیر قولاق‌لاریمدا
دؤنورم آرخایا، كیمسه گؤرمورم...
شاشقینلیق ایچینده یئیینله‌شیرم
یئنه آیاق سسی یئنه او قورخو...
آرخامجا یوروین نه‌دیر گؤره‌سن؟!
دون آخشام آزدیران دویغولاریم‌می؟
كاغیذدان پوزولان شئعیرلریم‌می؟
یوخودا اؤپدویوم بولودمو، نه بو؟
دؤنورم آرخاما بیرده باخیرام
آرخامجا یوروین بو توپراقدیمی؟!
بو منی ایزله‌ین بیر آیاق توپراق
هارداسا بیرله‌شر آیاق‌لاریملا
هارداسا یاخا‌لار كئچمیش یول‌لاری،
قونار آتدیمیما دن‌سیز قوش كیمی،
دنلیر ایتیلمیش، كئچمیش ایللری...
منی گئری چكر هر توخونوش دا،
گئری... گئری چكر كئچمیش گونلره...
خیالدا دویدوغوم موتلولوق‌لارا،
گرچكده یاشانمیش توم نیسكیل‌لره،
اؤتن عؤمورومه قازمیش قویلاغا
منی گئری چكیب باسدیرا‌جاق‌دیر،
خاطیره دنیندن دویا‌جاق آرتیق
بوتون آجی‌لارا نغمه قوشا‌جاق
آچیب قانادلارین یورغون گؤودمه
اؤلدو! دیرامینی اوخویا‌جاق‌دیر!
آلئو / 2012-6-10
