
اوچورور گؤزومدن سارا اویخومو
ایچیمده یاشاییر هله گؤزلرین
آردینجا سورونن قارا روحومو
سالیبدیر ایچیمدن چؤله گؤزلرین
باغلیدیر آیاغی آیاقلارینا
اللری اوزانیر اؤزومه ساری
گونشدن قان آلیب یایاقلارینا
آل بویا سپیرسن گؤزومه ساری
ایلیشیر قیچینا گون اورتا چاغی
آیاغین آلتیندا ازیرسن اونو
اوتوروب ائشیرسن یئری تورپاغی
مندن آییرماغا گزیرسن اونو
تاپیبدا قاتیرسان اؤز قاباغینا
ائلهبیل سوروروسن یورغون بیر آتی
شعریمی بوكورسن موز قابیغینا
روحومون یئرینه وئریرسن باتی
نقدر بوغلایام نه قدر یاغام
نئیلهییم دردیمی بیله گؤزلرین
ایستیرم گؤزومده اؤزومو بوغام
قورخورام ایچیمده اؤله گؤزلرین
+0 بهین