لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

دوداقلاریما قیرمیزی ماتیك یاخیرام...
اینقلاب اولور
كوینه ییمین ایلك دویمه سی نی قیریرام
كودتا اولور
گوزلریم گوزلرینده
دوداقلاریم دوداقلاریندا
قیرمیزی دیك دابان باشماغیمین سسی
كوچه به كوچه
یئل شایعه دولاندیریر

آردي

+0 به‌ین

گؤنده ريليب تاريخ سه شنبه 13 آبان 1393يازار بولاق

(1)

من‌ده یالان سؤیله‌یه بیله‌رم
اونوتمادیم ائتدیكلرینی
بیلیرسن، بیلیرم
یالنیز مزار تورپاغی سپدیم
اؤره‌ییمه
سرینله‌سین دئییه

(2)

آزادلیق
 
ایللردیر هر كس
او بیر گون گله‌جك دئییب‌لر
من‌سه
بیر ساختا اومید اوسته
گلیرسن دئییه
گؤزلریم یولدا قالدی
قالدی و قوجالدی گؤزلریم
سیغیندی گؤزلوكلره
سن گلمه‌دین

آردي

+0 به‌ین

گؤنده ريليب تاريخ سه شنبه 6 آبان 1393يازار بولاق

(1)

هاواداندا كئفله‌نیرم
سوداندا
بیر قوشون اوچوشونداندا
اللرین اللریمده اولان زامان.

(2)

نه یاخجی كی یاغیش یاغیر
یارپاقلار ایسلانیر
قوشلار ایسلانیر
من ایسلانیرام
سن ایسلانیرسان
و كیمسه بیلمیر اوزوموده كی یاش
یاغیشداندیرمی
یا آیریلیقدان.

آردي

+0 به‌ین

گؤنده ريليب تاريخ دوشنبه 5 آبان 1393يازار بولاق

(1)

حیاتیمین تهلوكه‌سیز بؤلگه‌سی،
سنسن.
اللرین،
باریش سئوه‌ر بیر اؤلكه‌دیر
سرحد یوخدور
ساواش یوخدور...


(2)

سس‌سیز یاشایاجاقدیق
هر شئیی
سئومه‌یی ده
یاشاماغی دا
اؤلمه‌یی ده
بوراخمادیلار كی!

آردي

+0 به‌ین

گؤنده ريليب تاريخ سه شنبه 22 مهر 1393يازار بولاق

(1)

گؤزلریمدن آخان داملالار
سوزوب یاناغینی یالار
دیلیم كوسوب بوغازیما قاچار!
یوخسان
بو هارای هارایا چاتار
كیم بو دیلی دیله توتار
كیم باریشدیرار

آردي

+0 به‌ین

گؤنده ريليب تاريخ جمعه 18 مهر 1393يازار بولاق

1)

سئوگی آغاجی


گؤزلرینده بیر گون
بیر سئوگی آغاجی اَكه‌جه‌یم
و اوره‌ییندن ایسته‎یه‌جم منی قوناق چاغیرسین
و بولود-بولود یاغاجیام
دونیانین بوتون عشق ایلاهه‌لری‌نین اوستونه
او قدر سنی یاشیاجیام كی
 زامان بؤیله‌سینی خاطیرلاماسین

آردي

+0 به‌ین

گؤنده ريليب تاريخ جمعه 11 مهر 1393يازار بولاق

1)

یاغیش یاغیر
ایسلاناجاق آغاجلارین تئللری
اوو ، ییخاجاق بو داغلارین سئللری
توستو چیخار اوجاغلارین باشیندان
آداخلی قیز سو دولدورار داغلارین گؤز یاشیندان
سویوق دوشه‌ر ،قارقا قاچار دامخایا

آردي

+0 به‌ین

گؤنده ريليب تاريخ جمعه 11 مهر 1393يازار بولاق

(۱)

توروما دوشمه‌دی قیرمیزی بالیق
اَلی بوش دؤنورم سئوگیندن سنین.
فیرتینا قوپاجاق بو دنیزلرده
یئنه دالغالانیر ماوی كؤینه‌یین؛
قاییغیم باتاجاق سینه‌نده سنین…


آردي

+0 به‌ین

گؤنده ريليب تاريخ دوشنبه 17 شهریور 1393يازار بولاق

(1)

سنسیزلیغی سئومیرَم
«سن»
«سیز» اولدوغو ایچین


(2)

گئیدیر منی وطنه
قوی
اوشومه‌سین

...

آردي

+0 به‌ین

گؤنده ريليب تاريخ شنبه 15 شهریور 1393يازار بولاق

(1)
سایماقدایام
پیریل- پیریل بالیقلارین پوللارینی
گونش شاخیر
آراز آخیر
گؤزلریمی تاپشیریرام لپه‌لره
دانیشیرام بالیقلارلا
پاس ایچینده مورگوله‌ین دمیر كؤرپو
سیرداشیم‌دیر.....

آردي

+0 به‌ین

گؤنده ريليب تاريخ چهارشنبه 12 شهریور 1393يازار بولاق
1 | 2 | 3 | 4 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ