لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

نئچه ایللیک قوزو وار هئی مله‌ییر قوینومدا
دورمادان جانلی بیر ایتکین دیله‌ییر قوینومدا

گئجه یاسین سسی زینگیلده‌دیر اونلار سنده
کوچه‌نین گؤرکمینه نور چیله‌ییر قوینومدا

یاز گؤوردیب‌سه‌ده اوزده بویات آلقیشلارینان
گؤزونون نعشینی هئی سیلکه‌له‌ییر قوینومدا

اونو ائل دردی وطن دردی آمانسیز چورودور
اودو کی ساچلارینی پلمه‌له‌ییر قوینومدا

آرازی گؤزلریمه باغلاییب آغلار گیزلین
آنسیز آنلاری تیکرار ائله‌ییر قوینومدا

قوشو بو توپراغا قونمور نئچه ایلدیر هر گون
اوتوروب اؤز حیاتین حربه‌له‌ییر قوینومدا

من خزان وورموشام آمما اونا دورمور اوره‌یی
تؤکولن یاپراغیمی دویمه‌له‌ییر قوینومدا

قوورولور قیوریلیر آردینجا وطن شوقینده
سؤیکه‌نیب اوددو کی آهلان پیله‌ییر قوینومدا

سوتو قاچمیش قانی باتمیشدی بوداغلار چوخدان
اودو اَملیک قوزولار هئی مله‌ییر قوینومدا

+0 به‌ین

گؤنده ريليب تاريخ پنجشنبه 27 فروردین 1394يازار بولاق
|
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ